Insonlar kommentariyada kanal reklama qilishni toʻxtatinglar. Agar haqattan yaxshi narsa yozsangizlar shu vaqtgacha bukblogerlar doim repost qilib kelgan. Mana shu kanaldayam 50tacha odam bor payti Ilhom aka Salimov reklama qilgan. Ammo hech qaysi guruhda biomdagi kitob blogimga qoʻshilinglar demaganman.

Keyin yana bukblogerlarda reklama unaqa qimmat ham emas. Sizga haqattan shu kanalda obunachi kerakmi admin bilan bogʻlanib reklama sotib olish mumkin! Ammo chatda unaqa qilmanglar. Chetdan qaragan odamga juda xunuk koʻrinadi.

Bu gapim hammagayam tegishli emas. Ayrim insonlar bor har bitta yozilgan xabar tagiga kanalini reklama qilib yozadiganlarga tegishli. Bu narsa keyin faqat bu yerda emas boshqa koʻpchilik kanallarda kuzatyapman. Yaxshimas qisqasi!

Ey oʻgʻil u bilan endi yangi tanishgan boʻlsang unga “To seni topgunimcha” kitobini sovgʻa qil. Agarda arazlashib ajrashish holatiga kelib qolsangizlar ham unga “Sendan keyin” kitobini sovgʻa qil. Agarda yarashishga kelishsangizlar tepadagi kitoblarni muallifi boʻlmish Jojo Moyesni “Men hamon oʻsha-oʻshaman” asarini sovgʻa qil. Taqdir boʻlib birga turmush qurib yashab shirindan-shakar farzandlar koʻradigan boʻlsangizlar “Yulduzlar in’om” asarini sovgʻa qil!

Mashrab va Bobomurod Hamdamov uygʻunligi

Afsuski, Bobomurod Hamdamov ham bu olamni tark etibdi.

@Karamazovlar

Tun.
Koʻrpaga kiradi eru xotinlar…
Endi bir yil oʻtmay, bir yil ham oʻtmay
Dunyoga kelajak yetim goʻdaklar!

Bertolt Brecht

@Karamazovlar

(Olmaniya she’riyatidan)

Har yili sentyabrda
Maktablar ochilish oldidan
Shahar chetidagi kitob doʻkonlar
Toʻladi sertashvish xotin-halajga.
Ular sotib olar bolalariga
Daftar, kitob va qargʻanishlar,
Eski sumkasidan eng soʻngi
Chaqasini olar ekanlar
– Qimmatlashib ketdi ilm degani ham…
Biroq fahmlamas ular mutlaqo
Farzandlariga oʻrgatilyotgan
Ilmning naqadar bema’niligini

Bertolt Brecht

@Karamazovlar

Bugun bir tanishim (yilda bir marta koʻrib qoladigan odamlarimdan) Fotih Dumanni kitoblarini haliyam oʻqimaganimni eshitib biroz ranjidi. Uyimda Tolstoyning "Urush va Tinchlik" kitobi turganda Fotih Dumanga yoʻl boʻlsin desam Fotih Dummanni maqtab ketdi. Aytishicha bizda ommaviy oʻqilyotganini sababi kitoblari haqattan juda zoʻr yozilganida ekan. Nafs boʻyicha eng zoʻr kitob bu "MEN" dedi. Allaqachon toʻrtta kitobini oʻqiganini aytib maqtanib ham qoʻydi. Qaranglarda…

Ertaga yangi kitob chiqqanidan yugurib borib sotvolib oʻqib chiqish shart emas aslida. Yoki ommaviy oʻqilyotgan kitobni sen ham oʻqishing shartmas. Shunchaki hamma oʻqiyotganini sen oʻqimasliging ham mumkin. Kitobni boshiga bestseller degan yozuvni koʻrib sotvolib va uyda oyoqni choʻzib tuni bilan uhlamasdan yotvolib oʻqib chiqishga majburmas hech kim. Yani odamni oʻzida kitobxonlikka oid didi boʻlsa Martin Rufga aytgan gapini eslashi kerak. “Men oʻz didimni urfga tobe qilmayman”. Faylasuf Shopengaver oʻqimaslik san'atini egallash juda muhim deydi. Yani chunki bu san'at ma'lum bir muddat ommani e'tiborini oʻziga jalb eta olgan har qanday narsaga qiziqavermaslikni oʻz ichiga olishini aytadi. Biron siyosiy yoki diniy pamflet yoki roman xalq orasida qiy-chuvga sabab boʻlayotgan boʻlsa, bir narsani unutmang: ahmoqlar uchun asar yozadiganlar doim oʻzining ulkan auditoriyasini topa oladi va yaxshi kitoblarni oʻqishni oʻrganish yomon kitoblarni oʻqimaslikdan boshlanadi. Axir hayot qisqa deb gapini tugatgan.

Sizlargayam maslahatim Shopengaverning gaplarini doim yodda tuting!

@Karamazovlar

Mayli shu yerdayam aytaman. Chunki men jasurman. Menga qancha qiz kitob sovgʻa qilishidan qat'iy nazar baribir bu yurak Denizni deydi.

Deniz seni yaxshi koʻraman!❤️

@Karamazovlar

#savol

Shoir Asqar Qosim IKS ga bagʻishlab yozgan she'rida IKS ni tirik boʻlib yerda koʻrmaganini oʻlik boʻlib goʻrda koʻrmaganini aytadi. Umid qilamanki siz bu insonni adiblar xiyobonidan qidirmaysiz.

Savol: Asqar Qosim IKS deb kimni nazarda tutgan edi?

@Karamazovlar

Yurak zarbin matn qildim,
She'rni ishor xatim qildim.
Sochlaringni òqib chiqqach,
Kòzlaringni xatm qildim.

Kuysa kuysin dil, ğamim yòq,
Sendan òzga, bil, ğanim yòq.
Seni qanday sevib qoldim,
Xudo haqqi, bilganim yòq!

©Mansur Jumayev

@Karamazovlar