⚡️Мактабларда ўқиш кунларини бир кунга қисқартириш таклиф қилинди

Жорий йилнинг 21 ноябрь куни "Миллий тикланиш" демократик партияси фракцияси томонидан ўтказилган йиғилишда Олий Мажлис Қонунчилик палатаси Спикерининг ўринбосари, “Миллий тикланиш" ДП МК раиси Алишер Қодиров мактабларда ўқиш кунларини бир кунга қисқартириш кераклиги ҳақида таклиф билдирди.

«Мактабларда ўқиш кунларини бир кунга, яъни шанба кунини қисқартириб, беш кунлик қилиш керак. Бу ҳам ўқитувчиларга, ҳам ўқувчиларга фойда. Хорижда беш кунлик таълим яхши натижа беряпти.» - дея фикр билдирган Алишер Қодиров.

Эслатиб ўтамиз, амалдаги тартибга кўра ҳозирда ўқув ҳафтасининг давомийлиги — 6 кун, педагогик кенгашнинг қарорига кўра I-IV синфлар учун 5 кун этиб белгиланган.

*?***Xalq ta'limi Info

Фақат педагогларга эмас ўқувчиларга ҳам юқори талаблар қўйишимиз керак

Фақат педагог ходимларга талабни кучайтириш нотўғри эканлиги ҳақидаги фикримга озгина қўшимча қилмоқчиман. Аввалги постда айтилгандек ҳозирги кунда ўқувчилар билимини ҳам синовлардан ўтказиб боришимиз керак.

Умуман олганда бизнинг тизимда ўқувчилар олган билимини ўқитувчининг ўзи баҳолайди. Баҳолар эса ўта нисбий. Ўқувчи ўқийдими йўқми баҳосини олиб мактабни осонгина битириб кетаверади. Улар мактабда 11 йил нимани ўрганди, олган билимларини ҳаётда қўллай оладими буниси ҳеч кимга қизиқмас. Бизга фақатгина уларнинг олий таълимга кириб олиши муҳим. Бошқаси билан ишимиз йўқ.

Таълим сиёсатини белгиловчи мутасадлиларимиз эса фақат педагог ходимлар билимини баҳолаш билан банд. Ўқувчиларга қўйиладиган талаб эса юқори эмас. Давлат имтиҳонлари ҳам жуда оддий ўтказилади. Ота-оналар тугул ўқувчи ҳам мактаб баҳосини ҳис қилмайди.

Андреас Шлаяйхернинг "Жаҳон миқиёсидаги таълим"китобида айтилишича, қатор мамлакатларда имтиҳонларга юқори талаблар қўйилади, ўқувчилар бу имтиҳонларни топширмасдан ҳаётнинг кейинги босқичини бошлай олмайдилар, бу ишми ёки ўқишнинг кейинги босқичими, барибир.

Ўқувчилар орзуларини амалга ошириш учун ўз билим ва малакасини мустахкамлаш кераклигини биладилар, шунинг учун ҳам астойдил тайёрланиш ва ўқишга мажбурдирлар. Бошқача айтганда, имтиҳонлар тизими ўқувчиларга астойдил ўқиш учун кучли стимул бўлиб хизмат қилади.

Демак биз ҳам имтиҳонларга юқори талаблар қўйишимиз, ўқувчиларнинг билимини доимий баҳоловчи тизим яратишимиз керак. Ўқувчилар учун мактаб таълимини олишга бўлган талабни шу қадар кучайтиришимиз керакки, токи улар астойдил ўқишга ва буни ўқитувчилардан ҳам талаб қилишга ўргансин.

?Xalq ta'limi Info

Telegram

Xalq ta‘limi Info | Ulug‘bek Po‘latov

Ўқитувчилар аттестацияси 100 фоиз таълим сифати учун хизмат қилишига унчалик ишонмайман Жуда кўп жойларда биз малака тоифасига эга бўлган ўқитувчилар сонини кўрсатиб мақтанамиз. Ўтган йили шунча ўқитувчимиз тоифасиз эди, бу йил мана шунчаси тоифага эга бўлди…

⚡️Мактабларда йўл ҳаракати қоидаларини ўргатувчи алоҳида синф хоналар ташкил этилади

2023 йилдан бошлаб умумтаълим мактабларида "Йўл ҳаракати хавфсизлиги хонаси" ва "Йўл ҳаракати қоидаларини ўргатувчи майдон"лар ташкил этилади. Бу ҳақда А.Авлоний номидаги миллий-тадқиқот институти хабар бермоқда.

Хабарда айтилишича, Халқ таълими вазирлигининг А.Авлоний номидаги миллий-тадқиқот институти ва Ички ишлар вазирлигининг Жамоат хавфсизлиги департаменти Йўл ҳаракати хавфсизлиги хизмати ҳамкорлигида институтда малака ошираётган мактаб директорлари учун семинар ташкил этилган.

Семинарда "Хавфсиз ва равон йўл" умуммиллий дастури асосида йўл ҳаракати хавфсизлигини таъминлашга қаратилган янги қарор мазмун моҳияти тушунтирилган.

Шунингдек тадбирда, 2023 йилдан бошлаб умумтаълим мактабларида жорий этилиши мўлжалланаётган "Йўл ҳаракати хавфсизлиги хонаси" ва "Йўл ҳаракати қоидаларини ўргатувчи майдон" эскиз лойиҳалари ҳам намойиш этилган.

Мазкур лойиҳаларда мактаб ўқувчиларида ёшликдан йўл ҳаракати кўникмаларини шакллантириш ва бу орқали турли нохуш ҳолатларнинг олдини олиш кўзда тутилган.

?Xalq ta'limi Info

Telegram

A.Avloniy nomidagi milliy-tadqiqot instituti

***🚦***Umumtaʼlim maktablarida yo‘l harakati qoidalarini o‘rgatuvchi alohida sinf xonalari tashkil etiladi Xalq taʼlimi vazirligining A.Avloniy nomidagi milliy-tadqiqot instituti va Ichki ishlar vazirligining Jamoat xavfsizligi departamenti Yo‘l harakati xavfsizligi…