فزاعيه :للامام الحسين روحي لهُ الفداء بأبي هوه وأمي لسان حال مولاتنا ام الخدر زينب عليهم افضل الصلاه والسلام

يوم حسين / مابينه حيل نشيله

من شال اخيي وحملاني العيله
........

حسين راسه منگطع بيد الشمر

ادمومه يتجارن تره بحر الضهر

صدره المضلوم بخيول انكسر

بغربه اهلنا وشالو ابفد شيله
..........

براس اخيي هوسو عدواني

امجزرين اعله التراب اخواني

بعيلته المضلوم هل وصاني

منين اجيب اليوم...حامي دخيله
.........
وين عنه اليوم جده المصطفى

خال ابني ومنذبح من القفا

مامش اطروش وتصل للمرتضى

من دمه سبط النبي نبجي له
.........

حرگو اخيامه الاعادي بكربله

وسلبوه المنذبح بأرض البله

گوم لينه ياعلي وعقد الوله

عليل عدنه... ومن يعدل الميله
.........

حسين يومه ابلا اهل خلاني

طاح اخيي وسوطهم طگاني

الشامت بذيج الهزيله امتاني

راح اخيي... والتراب انهيله
..........

بعيده اهلنه وانه بديار الغرب

كلها نومه دمعي عالوجنه يصب

ذبحو المضلوم ماضاك العذب

وين ياروحي... العزه اتسويله
──✧●✧───•
المستهل بقلم الموفقه صاحبه الصوت والابداع الحسيني ناعيه الحسين ((ام جعفر تجمع العقيله ربي يحفضهه))
تــــمت بعون الله تعالى
بقــــ✍?لم خـادمة اهل البيت عليهم السلام ناعيه الحسين ع
الشـــاعره ميسم ام حسن
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
https://t.me/oqkbgudmkmp

للرجوع الى الديار

رجعنه الدار اهلنه ابدمع العيون

نصبنه الفاتحة ابدار اليرهبون
........

نصبنه فاتحة ننعي اعله ولياي

حسافه اتذبحو ما ضاكو الماي

لاگوني بلطمكم وابجو وياي

بالطف عالتراب الكل يلوجون
..........

نصبنه الفاتحه ويه ام البنين

هاي الربت الاولاد لحسين

لطمنه حيل واللطم بنياشين

لطمه فوك جرح اسياط المتون
........

نصبنه فاتحه ومابيهه وليان

نامو باللحود ابدون الچفان

وحشه اديارهم ياحيف الحنان

واجو خطارهم عنهم ينشدون
.......

الديوان خالي وبس العليل

عينه ماغفت لاهود ابليل

يتذكر هله الضلو مچاتيل

براس حسين يوم الطف يهوسون
........

نصبنه فاتحه ونريد الاخوان

وين الدللونه بذيج الاوطان

ضلت دار اهلنه بس للاحزان

وتنعى بشوگ ويه الي يونون

──✧●✧───•

تــــمت بعون الله تعالى
بقــــ✍?لم خـادمة اهل البيت عليهم السلام ناعيه الحسين ع
الشـــاعره ميسم ام حسن
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
https://t.me/oqkbgudmkmp

شده:للدفنه لسان حال مولاتنا زينب إلى عليل كربلاء عليهم افضل الصلاه والسلام

خشنه الحصيره عالولي عمه يدفان *

بالماي رشيت الگبر ابن امي عطشان

..................?...................

خشنه الحصيره عالحسين وجبده ضامي

مضلوم حته ابدفنتهه ضل نحره دامي

ياريت تحضر هالمسه اهلي وعمامي

يحضرون اله ابوكت الدفن ياريت الحنان

..................?...................

تعبان اخيي من الذبح من فيض الدموم

الراس بمسنه رمح كلساع ملجوم

صديت ياتالي هلي وكل حيلي مهدوم

ذيج الحوافر بالصدر ماخلن امجان

..................?...................

خشنه الحصيره عالنحر ودمومه اتسيل

ياعمه ضل اوحيد كل اهله مجاتيل

وانته التدفنه يا علي والمدمع تهيل

بگبورهم هل الدمع وافرش التربان

..................?...................

سبط النبي ابهيده ادفنه ابفيض الدموع

وعبد الله لوليله الطفل الضامي ويلوع

مهده صبح صدر الولي وكاروكه الضلوع

لمصابهم تبجي السمه بدموع الاحزان

..................?...................

وهناك صوب العلگمي حامل الرايه

طاحن ازنوده ابكتره جوده اتبده مايه

خجلان من سكنه وبقى ساگي الضمايه

راسه انجسم من العمد غدروه العدوان

..................?...................

ياحيف كلهه امذبحه وضلو يونون

وين انصب المأتم عليهم واعمي العيون

ابدال لطمي اعله الصدر سوط اعله المتون

اموذر اليوم الشمل وماصحله اكفان

..................?...................

ضلو شباب اعله الترب حلوين الرسوم

جسام والاكبر علي وذرتهم الگوم

ونصار ابوگ الهوسو فازو ابهل اليوم

نالو شهاده ومرتبه وللوفه عنوان

──✧●✧───•

تــــمت بعون الله تعالى
بقــــ✍?لم خـادمة اهل البيت عليهم السلام ناعيه الحسين ع
الشـــاعره ميسم ام حسن
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
https://t.me/oqkbgudmkmp

بسم الله الرحمن الرحيم???
اللهم صل على محمد وال محمد
عشر مرات اتكولين يا الله
وخلي المجلس يردد وياج

ثم اكملي الدعاء ???

اللهم عَظُمَ البَلاءُ وَبَرِحَ الخَفاءُ وَانْكَشَفَ الغِطاءُ
وَانْقَطَعَ الرَّجاءُ وَضاقَتِ الأَرْضُ وَمُنِعَتِ السَّماء
وَأَنْتَ المُسْتَعانُ وَإِلَيْكَ المُشْتَكَى
وَعَلَيْكَ المُعَوَّلُ فِي الشَّدِّةِ وَالرَّخاءِ،
اللّهُمَّ صَلِّ عَلى مُحَمَّدٍ وَآلِ مُحَمَّدٍ
أَولِي الأَمْرِ الَّذِينَ فَرَضْتَ عَلَيْنا طاعَتَهُمْ
وَعَرَّفْتَنا بِذلِكَ مَنْزِلَتَهُمْ، فَفَرِّجْ عَنَّا بِحَقِّهِمْ
فَرَجاً عاجِلاً قَرِيباً كَلَمْحِ البَصَرِ أَوْ هُوَ أَقْرب اللهم شافي كل مريض
واكسي كل عريان واطعم كل جائع وقضي دين كل مديون
فرج عن كل مسجون وارجع كل غائب اللهم وقضي حاجه كل محتاج وخصوصا الحاضرين فرداً فردا ومن اوصانه بالدعاء ومن لهُ حقاً علينا
اللهم للحاضرين والمؤسيين لهذا المجلس قبل منا ومنهم بأحسن القبول عودهم كل سنه وكل عام لخدمه الشهيد بكربلا ورحم اموتنا وامواتهم جميعاً
يا أرْحَمَ الرَّاحِمينَ بِحَقِّ مُحَمَّدٍ وَآلِهِ الطّاهِرِينَ
اللهم صل على محمد وال محمد وعجل فرجهم

دعاء الفرج???

بسم الله الرّحمن الرَّحيم

اللهم كُن لوليّك الحُجَّة بن الحَسَن صَلواتُكَ عَليه وَعَلى آبائه في هذه السّاعة وفي كُلّ سَاعَة وَليّاً وَحَافِظا وَقائِداً وَ ناصراً ودَليلاً وَ عَينا حَتّى تُسكِنَه أرضَك طَوعاً وَتُمَتِعَه فيها طَوِيلا برحمتك يا أرحم الراحمين

الفاتحه لارواح المؤمنين والمؤمنات

تسبقهه الصلاه على محمد وااااال محمد

ميسم ام حسن
https://t.me/oqkbgudmkmp

فزاعيه:للحسين عليه افضل الصلاه والسلام ? ليوم العاشر
ومابعده

.....

شلون ضل ابلادفن *

حسين محد شاله *

.......

حيف راسه عالرمح
من قفاه صار الذبح
الف وتسع ميه جرح
اليوم سلبو خيمته ودلاله
.........

نار شبوها الخيم
نابت ابچبده السهم
وين شيال العلم
سلبو ايتامه تره العياله
.........

ادموع ايتامه تصب
ضلو بهيمه وحرب
وين صنديد العرب
داحي البيبان يحضر حاله
........

نايم بحر الشمس
راس مگطوع ونفس
چبده الضامي يبس
المات ويه حسين ياهنياله
........

وين جده المصطفى
موذر ومحد لفاه
منذبح من القفا
بس حوافر عالصدر تبراله
.........

حيف مسحوگ الصدر
بحافر الخيل انكسر
داست ايتامة الجمر
خنصرة من الكاع منهو الشاله

──✧●✧───•

تــــمت بعون الله تعالى
بقــــ✍?لم خـادمة اهل البيت عليهم السلام ناعيه الحسين ع
الشـــاعره ميسم ام حسن
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
https://t.me/oqkbgudmkmp

هوسات للعاشر

حرگو خيمتي ويتامكم بيهه
وغيّاب الاهل مذبوح واليهه
شالو روس اخوتي وهوسو بيهه

((وين حسينج///صاحو جاوينه العباس))

ذبح وفراگ وين انروح يالغالي
ترس العين دمع عيونه ايلالي
مامش فاتحه وبيهه انعى للتالي

((حسين ابن امي///دلالك سلبوهه))

يخال الولد فيتك بيش اسدنهه
وجتثك عالترابه بهيمه ادورنهه
اجيم الفاتحه وبالروح انصبنهه

((هاي ايتامك///ياهو يحاميهه))

اخبرنك يخويه الروح وياكم
وضل بس الجسد يرعه بيتاماكم
وضل للسوط متني بوليه اعداكم

((يبن الشاطر مرحب///حيدر داحي الباب))

يبن حيدر تراني الفرگتك مگدر
لچن هذا الأمر مكتوب ومگدّر
اشوفن عالرمح راسك يبو الاكبر

((وانه اعداكم///للديوان ايودوني))

──✧●✧───•

تــــمت بعون الله تعالى
بقــــ✍?لم خـادمة اهل البيت عليهم السلام ناعيه الحسين ع
الشـــاعره ميسم ام حسن
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
https://t.me/oqkbgudmkmp

يحسين بضمايرنه

( يا حسين بضمايرنا ) والتي قرأها الشيخ الكبير الشيخ ياسين الرميثي في عام 1977
وهذه القصيدة بأكملها لأهميتها في هذا الشهر وتعتبر هذه القصيدة من القصائد الخالدة

ياحسيـن بضمايرنـه* صــــحنه بـــــيك آمــــــنّه
لا صيحة عواطف هاي لا دعـوه ومجــرد رأي
هـذي مـن مبادئنـه صِحـنـه بــك آمــــــــــــنّـه

بتكوينه البشـر يـا حسيـن متسـاوي النوعيــــــه
جسمه ومحتـواه واضـح ومعــــــروف بتساويّـه
الشئ البـي خفـي ومجهـول نــــزعاتـه النفسيـه
وهيّه بدورهـا اتكشفـه وتظــــــهـر لـك مخافيّـه
تكشفه مـن اتجاهاتـه شر يـو لا حســـــــن نيّـه
واحنـه بنفسـك آمنّـه مـن اعرفـــــــناهـا قدسيّـه
لشخصيتك لمسنه أوصاف مــنوجـدت بشخصيـه
لمسنه بيك أبوالاحرار اعرفـــنـه المـوت حرّيـه
لمسنه التضحيه بشخصك عرفنا الشرف تضحيـه
لمسنه بيك أبي ومثليـن عرفــــنـا الـذل عبوديـه
لمسنه اعلى الكرامه اﮔضيت* عرفنا نريدها هيّـه
لمسنه ابذلت دم وحييـت عرفنـه الدنيـا وقــــتيـه
لمسنـه قسـوة اعدائـك عرفــــــــنـا احنـه فدائـيـه
عرفنه انضل بدين يزيد مـن أيـد لقــــسـاوة أيـد

عن سابق علم يحسيـن وعـن تركيـز بالفــكـره
حبينـاك وتبعنـاك ونـــــــتوقـع غصـص مــرّه
ونتوقع وقت محذور وساعـات الــتمـر خطـره
مابيـن اليكيـدنّـه وبــــــــــيـن ايـدبـر الـغـدره
ومـع احساسنـا هـذا والشفـنـاه وننـــــــتـظـره
آمنّـه وتوطنّـه علـى كـل شـي بعـد يــــــجـره
معلوم اليشم ازهـار* يوخـزه الشـوك بالشجـره
على ريحتكم شنـو أزهـار نتحمـل أذى جمـره
تربة كربلاء تشهد المن دمنـه أصبحـت حمـره
ويوم العاشر بعاشـور هـم يشــــهـد مـع الذكـره
وكل طعنة رمح تشهد وكل سيف الطبـر طبـره
كلهـا تصيـح آمنـه بمحــــــبـتـك يـا ابوالعـتـره
حقيقتنـه وطبيعتنـه اكتـــــسبناهـا علـى الفطـره
احنه وكل دمه مهدور وكل طعنه جرح ونحـور
بساحـات الشـرف كلنـه** صـــــــحنـه بيـك آمنـه

ياحسين ارتبطنا ويـاك بالـدم بالـــــنفـس بالجيـد
مثل ما ﮔلنـه عالفطـره لا صـــــدفـه ولا تعويـد
افرض نشذ عن خطّك ونسير على خــــط ابعيـد
افرض يجتذبنه الكاس ويســحرنه هـوى التجديـد
افرض ننفتـن بافكـار ونتـــــــسمـم وفتـره نحيـد
افرض نلتهـي نقامـر ونـــــــتصـرف بـلا تقييـد
اشما تفرض بعد يحسين اشم نعـمل بعـد ونزيـد
لابـد ماتجـي الساعـه البيهـا نـــــــنتبـه ونعـيـد
لابـد ماهـو الرحمـه يدركنـا ونــــــــرد اجديـد
حتـه ايخانـه نهـرم ويـــــــضعـف جيلنـا ونبيـد
ولا نﮕدر نحرك راس ولا نــﮕـدر نحـرك أيـد
ولنشـوف صـوت تسندنـه وســــــــــادة مــوت
بآخـر نفـس احسبنـه* صــــــــــحنـه بيـك آمـنّـه

على سيرة عقايدنه نحبكم يا ابـن داحـي البـاب
فتشنه بمحبتكم وماظـــــل علـى العيـن حجـاب
لا حب محترف طامع لا حب هاوي شبّ وغاب
حب المحترف عنده بتحـــقيـق الاربـاح حسـاب
وحب الهادي يتنقّل ويه اهوائه على ساعـه وذاب
الحب حبنا العلى الفطره العالم معتقـد بالالبـاب
روّاد الاصـول تﮕول عاليعــــــتقـد مـا ينعـاب
جيناكـم واحنـا ابيـن الـرحــــــــــم والاصــلاب
على هاي العقيده نسير الحاضر والمضـه والآب
وعلى كل صوات من عدكم نرفع صوتنا بايجاب
بصوتك من صحت يحسين هل مِن ناصر لهالدين
مابيـن الاصـلاب احنـه صحـــــــــنـا بيـك آمنّـه

مر بينه علـى حبـك دور لا يِـــــــنِّسـه ولا يِخفـه
مـن عدوانـك الچانـت بينـه تريــــــــــــد تتشـفّـه
علينه افرضـو أحكـام بـلا رحـــــــمـه ولا رأفـه
ثبتنـه بثقـه وبرهنّـه للظالـم رغــــــــــــــم أنـفـه
چنّه من نجي نـزورك علـى العـــــــاده المأتلفـه
يتحجـج علينـه ايريـد يمنــــــــعنـه بألـف حرفـه
ﮔال اللي يزور حسين وله مهمـــــا يكـن ظرفـه
عليه ميّت ذهب يدفـع رسـم ازيـــــارتـه ايكلفـه
دفنه وكل شخص مِنّه يشعـر بعــــــده مـا وفّـه
شنهو الذهب شنهو المال اليحب يتوطـن الحتفـه
رد ﮔال اليزور حسين من ايـده ينــﮕــطـع چفّـه
انطينه اچفوفنه بالحال وركــضنه نـزورك بلهفـه
عنك ما منعنه الخوف ﮔطعـو من ايدينـه چفـوف
مـن الالـم مـا صحنـه** صحنـه بيـــــــــــك آمنة