Ustyurt sarhadlari keng va bepoyon bo‘lib, jonivorlarning erkin yashashlari uchun qulay hudud hisoblanadi

Jayron, kiyik, sayg‘oq, bo‘ri, tulki kabi jonivorlar Ustyurtni doimiy yashash manzillaridan biri qilishgan.

Soha vakillari, davlat inspektorlari hamisha ular hayotini kuzatib, o‘rganish ishlari olib borishadi. Tabiatda kam uchraydigan ayrim jonivorlarni aniqlash uchun Ustyurtning bir qancha joylariga fotoqopqonlar o‘rnatilgan va ular orqali hududning jonli tabiati ham monitoring-nazorat qilib boriladi.

Siz videoda ko‘rib turgan sayg‘oq ham Ekologiya, atrof-muhitni muhofaza qilish va iqlim o‘zgarishi vazirligining "Orolbo‘yi" tabiat bog‘i xodimlari tomonidan o‘rnatilgan fotoqopqon kamera obyektiga muhrlangan bo‘lib, hududda yovvoyi jonivorlarni bu kabi o‘rganish ishlari davom ettirilmoqda.

youtube |?instagram |
?telegram |? facebook

#Tezkor_reyd

Qoraqalpog‘iston Respublikasi Ekologiya, atrof-muhitni muhofaza qilish va iqlim o‘zgarishi vazirligining Ellikqal'a tuman bo‘limi tomonidan hududda navbatdagi nazorat reyd tadbiri o‘tkazilgan.

Reyd davomida "Bo‘ston" MFYda fuqaro S.X tomonidan tozalash ishlari vaqtida noqonuniy ravishda mevali daraxtlarni kesib tashlaganligi aniqlandi.

Holat yuzasida fuqaroga Ma’muriy javobgarlik to‘g‘risidagi kodeksning 79-modda 1-qismi bilan 8 500 000 so‘m jarima hamda tabiatga keltirilgan zarar uchun 2 210 000 so‘m da'vo belgilandi.

youtube |?****instagram |
?telegram |? facebook

#Reyd

Qoraqalpog‘iston Respublikasi Ekologiya, atrof-muhitni muhofaza qilish va iqlim o‘zgarishi vazirligining Nukus shahar bo‘limi tomonidan navbatdagi reyd tadbiri davomida fuqaro S.D tomonidan davlat zaxira yeridan noqonuniy ravishda foydali qazilmalar qum-shagʻal aralashmasini hech qanday ruhsatsiz qazib olib ketayotganligi aniqlandi.

Holat yuzasidan fuqaroga nisbatan Oʻzbekiston Respublikasi MJtKning 70-moddaning, 1-bo‘limi bilan maʼmuriy bayonnoma rasmiylashtirib jami 3 400 000 so‘m jarima belgilandi.

youtube |?instagram |
?telegram |? facebook

? TURKMAN QULONLARI

Ekologiya, atrof-muhitni muhofaza qilish va iqlim o'zgarishi vazirligi tasarrufidagi ''Janubiy Ustyurt" milliy tabiat bog'i xodimlari tomonidan "Sariqamish" ko'li hududida navbatdagi reyd-monitoring ishlari davomida olingan fotolavhalar.

Qulonlar butunlay yo'q boʻlib ketish arafasida turgan, lokal tarqalagan kenja tur hisoblanadi. Ular asosan tekislikdagi cho'llar va yarim cho'llar, tog' etaklarida yashaydi. О'tmishda yoz faslida mavsumiy ko'chish davrida boshoqli va har xil o'tli cho'llarda yashagan. Qulonlarning ayg'irlari etakchiligida 4-5 urg'ochi va 3-4 yosh qulondan iborat poda hosil qiladi.

Juftlashish davri, may-iyulda. Keyingi yil may-iyun oylarida bolalab (1ta), keyingi koyiqish davrigacha bolalari onasidan ajramaydi. Boshoqli o'simliklar, shuvoq va cho'ra asosiy ozuqalari sanaladi.

? O'zbekiston Respublikasi "Qizil Kitobi"ga kiritilgan.

youtube |?****instagram |
?telegram |? facebook

#TAYINLOV

O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirining 2024 yil 29-avgustdagi 348-k-son buyrug‘i bilan Kushbanov Jubatxan Abduganievich Qoraqalpog‘iston Respublikasi Ekologiya, atrof-muhitni muhofaza qilish va iqlim o‘zgarishi vaziri o‘rinbosari etib tayinlandi.

Jubatxan Abduganievich shu kunga qadar Qoraqalpog‘iston Respublikasi Ekologiya, atrof-muhitni muhofaza qilish va iqlim o‘zgarishi vazirligida bo‘limi boshlig‘i lavozimida faoliyat yuritgan.

youtube |?instagram |
?telegram |? facebook