Өфөлә юл хаҡын түләү өсөн яңы мөмкинлек булдырыла.

10 октябрҙән “Башавтотранс” предприятиеһы автобустарында QR-код буйынса иҫәпләшергә мөмкин. Был турала матбуғат конференцияһында белдерелде. Йәмәғәт транспорты салонында бер нисә урынға табличка ҡуйыу ҡарала. Кодты шулай уҡ кондуктор күрһәтә ала. Түләү индерелгәндән һуң смартфонда электрон билет хасил була. 10 декабрҙән 31 декабргә тиклем QR-код буйынса иҫәпләшеүселәргә ташлама ҡарала.

“Алға” транспорт картаһы, башҡа карталар менән иҫәпләшеү мөмкинлеге шулай уҡ ғәмәлдә ҡала. Юл хаҡын түләүҙең был ысулы баш ҡала транспортында һынау үткәндән һуң республиканың башҡа ҡала һәм райондарында ла ҡулланыла башлай.

Республикала алдағы көндәрҙә йорттарға йылы биреү көтөлмәй.

Был аҙнала көндөҙ һауа температураһы 20 градусҡа тиклем күтәрелә. Торлаҡ-коммуналь хужалыҡ министры вазифаһын башҡарыусы Ирина Голованова ошо турала белдерҙе.

Йылылыҡ миҙгелен башлауҙың берҙәм көнө ҡаралмаған. Һәр хакимиәт үҙе ҡарар ҡабул итә. Мәҫәлән, яңыраҡ Күмертауҙа мәктәп, балалар баҡсаһы һәм башҡа социаль объекттарға йылы бирелә башлаған.

Киләһе айҙа Башҡортостан халҡы бер көнгә күберәк ял итә.
11 октябрҙә Республика көнө билдәләнә. Ул йомаға тура килә. 11,12 һәм 13 октябрь ял тип иғлан ителгән.

Пенсионерҙарға 10 мең һум бирелә.
Спорт министры Руслан Хәбибов белдереүенсә, ГТО нормативын үтәгән хаҡлы ялдағы кешегә сертификат бирелә. Уны спорт секцияларын йөрөү өсөн файҙаланырға мөмкин. Уҙған йылда сертификатты 1 400 пенсионер алған. Быйыл уларҙың һанын 2 меңгә еткереү планлаштырыла.

? Урра!?Өсөнсө уйын - өсөнсө еңеү!

"Салауат Юлаев" "Автомобилист" командаһын 5:3 иҫәбе менән еңде. Көйәрмәндәрҙе ҡотлайбыҙ!?

Таш-Аҫтыла кино төшөрәләр.

Ғафури районының Таш-Аҫты ауылында Мәскәү, Санкт-Петербург һәм Башҡортостан киностудиялары “Убырлы ҡарсыҡ” (Ведьма”) исемле сериал  төшөрә.

Төп ролде башҡарыусы Иван Батарев, Александра Мамкаева кеүек  билдәле киноактерҙар менән бергә Стәрлетамаҡ драма театры,  Сәйетбаба мәҙәниәт йортоноң “Аҡбейек” халыҡ театры актерҙары, шулай уҡ “Асанай”  фольклор төркөмө  ҡатнаша.

Арғаяш районында Шайморатовҡа һәйкәл асылған.

Ул — урындағы башҡорттар өсөн изге урын. "Киләһе сығарылыш Силәбелә тыуып үҫкән шағир Ҡадир Даяндың киң билдәле "Шайморатов генерал" йырына, Силәбе өлкәһендә йәшәүсе башҡорт эшҡыуарҙары, ҡаланың башҡорт сауҙәргәрҙәре менән бәйле тарихы, башҡорт ауылдары, күренекле шәхестәр төйәге хаҡында булыр", - тип хәбәр итә "Башҡорттар" проекты.