ڕێبەندان گەرچی ڕێگەبەندانی
گلێنەی چاوی گەلی کوردانی
لە نێو مانگاندا جوان و ڕوو سووری
لە تۆدا کرا جێژنی جەمهووری 🌱

بەڕێز هیچکاک
پێناسەی ئێوە بۆ بەختەوەری چییە؟
بەختەوەری واتا هەبوونی ئاسۆیەکی ڕوون و خەم نەخواردن بۆ هیچ
و بیر کردنەوە تەنیا لە شتە داهێنەر و بنیاتنەر و ناڕووخێنەرەکان
و ئەمەش پرسێکی ناوخۆییە
من لە ناخی خۆمدا بەرگەی شەڕ کردن ناگرم هەروەها بەرگەی ئەو هەستانەش ناگرم کە خەڵک بۆ من هەیانە
پێموایە بڵاوکردنەوەی ڕق و کینە بەفیڕۆدانی وزەیە
و لە بنەڕەتدا بێ ئەنجام و بێ بەرهەم
بەو پێیەی من کەسێکی هەستیارم
و ئەگەر کەسێکی نزیک لە من هەڵسووکەوتی خراپ بکات و قسەی توندم پێ بڵێت چەند ڕۆژێک بێزار دەبم
بێگوومان دەزانم هەموومان مرۆڤین و هەست و سۆزی جۆراوجۆر ئەزموون دەکەین
لەوانەش هەست و سۆزە نەرێنیەکان
بەڵام ئەو ساتە کە هیچ هەستێکی نەرێنیتان نییە
و بتوانیت ڕاستەوخۆ سەیری پێشەوە بکەیت
ئەو ساتەیە کە دەتوانیت شتێک بخولقێنی
و ئەمە ئەو بەختەوەرییە کۆتاییەیە کە من بە دوایدا دەگەڕێم

دەنگی کوێخا | Kiwêxa 🌱

خۆشەویستم گەر دەمزانی
هێلانەی دڵ دەکەی بەتاڵ،
من سەدان ساڵ
نەمەدرکان خۆشم دەوێیت..
ئەوسا من تاکوو مردن
هەر بە هیوای پێگەیشتن،
بەرەو دونیای خۆشەویستیت پەسا پەسا  وەڕێمدەخست  قافلەی خەیاڵ!

#پەشێو

دەنگی کوێخا | Kiwêxa 🌱

من و تۆ وەک خوڕە و هاژەی ڕووبارین?****

دەنگی کوێخا | Kiwêxa ?

شەڕ ئازارەکانی دنیا گەورەتر دەکا!
شەڕ ئەگەر دژی هەموو خراپەکانیش بێت، دواجار بەجۆرێکی‌تر زەوی پڕ دەکاتەوە لە ئازار. شەڕ ئەگەر ئەوپەڕی دادپەروەرییش بێت، هەمیشە زەوی لێوانلێو دەکاتەوە لە خەم...#بەختیار_عەلی

دەنگی کوێخا | Kiwêxa ?

**لە دوگمەی سوخمە دوێنێ نوێژی شێوان
بەیانی دا سفیدەی باخی سێوان

لە خەوفی تەلعەتی ڕۆژ هەروەکوو شێت
بە ڕووزەردی هەڵات و کەوتە کێوان

دو چاوی من کەوا کەیلی سوروشکن،
دەپێون ئاوی بەحری خوێ بە پێوان

مەکەن لۆمەی پەشێوی دڵ کە ئەمشەو
پەشێواوە لەبەر پەرچەم پەشێوان

شەرابی لەعلی ڕوممانی لە نالی
حەرامە بێ مەزەی ماچێکی لێوان**#نالی

دەنگی کوێخا | Kiwêxa ?

ناوت، چوار خشتەکیە و
دەنگت چوارینە
چاوەکانت، چاوگەی مەسنەوین یا خۆ چیرۆکێکی درێژ...
خۆت بە غەزەل دەبینم و
قژەکانت بە قەسیدە
بەڵام
ئەگەر بۆ من بی،
ئەبیە ڕۆمانێکی ئەوینی
هەتا هەتایی..#خۆشناو

دەنگی کوێخا | Kiwêxa ?

ئەی حوققەیی شەهد و شەکەرت ئابی حەیاتم
مردم، بە بەدەن بێنەوە بەو ئابە، حەیاتم
ئاهوو کە دەکا جیلوە چ شیرینە نیگاهی!
یەعنی بە فیدای غەمزەیی دوو چاوی سیاتم#وەفایی

دەنگی کوێخا | Kiwêxa ?

شەوە..
شکانەوەی پێکەنینە، لێکدانەوەی گرینە
کێ چووزانێ چها ڕەمزە، پشت ئەم دیوارە بەردینە#هەڵۆ

دەنگی کوێخا | Kiwêxa ?

ئێوارەیەک
کوێرێک و کەڕێک و لاڵێک
هەتا وەکوو چەند سەعاتێک
لەسەر کورسی نێو باخچەیەک
قنج و قیت و لێو بە بزە دانیشتبوون.
کوێرەکە: بە چاوی کەڕەکە ئەیبینی و
کەڕەکە: بە گوێچکەی لاڵەکە ئەیبیست و
لاڵەکەیش: بە جووڵانەوەی دەم و لێوی
هەر دووکیاندا تێ ئەگەیی.
هەرسێکیان بە یەکەوە و لە یەک کاتدا
بۆنی گوڵەکانیان ئەکرد..!#شێرکۆ_بێکەس

دەنگی کوێخا | Kiwêxa ?