ئێوارەیەک
کوێرێک و کەڕێک و لاڵێک
هەتا وەکوو چەند سەعاتێک
لەسەر کورسی نێو باخچەیەک
قنج و قیت و لێو بە بزە دانیشتبوون.
کوێرەکە: بە چاوی کەڕەکە ئەیبینی و
کەڕەکە: بە گوێچکەی لاڵەکە ئەیبیست و
لاڵەکەیش: بە جووڵانەوەی دەم و لێوی
هەر دووکیاندا تێ ئەگەیی.
هەرسێکیان بە یەکەوە و لە یەک کاتدا
بۆنی گوڵەکانیان ئەکرد..!#شێرکۆ_بێکەس

دەنگی کوێخا | Kiwêxa 🌱

هەرچەن ئەکەم ئەو خەیاڵەی پێی مەستم،
بۆم ناخرێتە ناو چوارچێوەی هەڵبەستم!#گۆڕان

دەنگی کوێخا | Kiwêxa 🌱

**خوێنی دوو چاوم بەنەوعێ دامەنم ڕەنگین ئەکا
ھەر کەس ئەمبینێ بە حاڵی ناتەوانم شین ئەکا

شێخی ئیرشاد و مورید و سالیک و سۆفی و فەقێ
ئەو بە یەک نواڕین بەجارێ کافر و بێدین ئەکا

ھیچ خەنە پێویست نییە بۆ دەست و پەنجەی دڵبەرم
وا بە خوێنی من خەریکە دەست و پێی نەخشین ئەکا

قەت لە لێوی شەککەرئەفشانی قسەی خۆشم نەبیست
دایمەن بێدینە مەشغووڵە دڵم غەمگین ئەکا

وا لە ھیجری قامەتی سەروی نیگاری نازەنین
ئەم دڵەم قومریسیفەت ھەر گریە و ناڵین ئەکا

گەر بڵێی "ئەحمەد" لە یاری بووسەیێ داوا بکا
ڕوو ئەچەرخێنێ لە تۆ و گوێی لەو قسە سەنگین ئەکا**#ئەحمد_مۆختار_جاف

دەنگی کوێخا | Kiwêxa 🌱

وەکوو ئاوی بنی گۆمێ که جێ مابێ له ڕووبارێ
وەکوو بەردی سەری شاخێ که دانرابێ له دیوارێ
وەکوو کاتێ گەڵای زەردێ دەسی بەربێ لە سەر دارێ
دڵم تەنگه، له تەنیایی نه هاوڕازێ، نه خەمخوارێ#شەریف

دەنگی کوێخا | Kiwêxa 🌱

کە من و تۆ بە یەک دەگەین دەبین بە سیان:
من و تۆ و ماچ
کە من و تۆ لە یەک دەبڕین دەبین بە چوار:
تۆ و تەنیایی ،من و ئازار#لەتیف_هەڵمەت

دەنگی کوێخا | Kiwêxa 🌱

دەنگی کوێخا | Kiwêxa 🌱

لێرە ..
سەیرى هەر لايەك دەكەم
ژيانم لێ ديارنييە
بەهەر ڕێگايەكدا دەڕۆم
كۆتايەكەى تەنياييه
تەمەنێكه لێرەم و هێشتا نيشتيمان
هەستی بەبوونی من نەكردووه ..#نەبەز_گۆران

دەنگی کوێخا | Kiwêxa 🌱

قەفەس ناتوانێ هێندە تەنگەبەر بێ؛
وەها تەنگە دڵم لەم شارە، بێ تۆ..."

#ک_د_ئازاد

دەنگی کوێخا | Kiwêxa 🌱

دەگەڕێمەوە لات وەکوو هەتیوێک بۆ تەنیا پەناکەی#غەسسان_کەنفانی

دەنگی کوێخا | Kiwêxa 🌱

بۆ زاخاوی مێشک🤍****

دەنگی کوێخا | Kiwêxa 🌱