“O‘zagrosug‘urta” onlayn sug‘urtani rivojlantirishga qo‘shgan hissasi uchun mukofotga sazovor bo‘ldi

2025-yil 15-fevral kuni Toshkentda Markaziy Osiyoda marketing sohasidagi eng yirik va nufuzli tadbirlardan biri – “Tashkent Marketing Forum 2025” bo‘lib o‘tdi. Forum O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi, O‘zbekiston marketing uyushmasi hamda boshqa tashkilotlar hamkorligida tashkil etilib, mamlakat marketing sohasi uchun muhim voqealardan biri sifatida e’tirof etildi.
Tadbir doirasida eng yaxshi brendlar – “Digital Marketing Awards” va eng ta’sirchan blogerlar – “Influencer Awards” mukofotlari topshirildi. Turli nominatsiyalar bo‘yicha taqdirlash marosimida “O‘zagrosug‘urta” aksiyadorlik jamiyati “2024-yilda O‘zbekistonda onlayn sug‘urtani rivojlantirishga qo‘shgan hissasi uchun” mukofotiga loyiq deb topildi.
Forum davomida “O‘zagrosug‘urta” AJ vakillari kompaniyaning innovatsion sug‘urta xizmatlari, mijozlarga yaratilayotgan qulayliklar va sohadagi zamonaviy tendensiyalar haqida ma’lumot berish imkoniyatiga ega bo‘lishdi. Shuningdek, sug‘urtaga bo‘lgan ishonchni yanada oshirishga qaratilgan tashabbuslar ham taqdim etildi.
E’tiborlisi, “O‘zagrosug‘urta” O‘zbekistonda birinchilardan bo‘lib sug‘urta xizmatlarini raqamlashtirish jarayonini boshlagan kompaniyalardan biridir. Bugungi kunda ilg‘or axborot texnologiyalaridan foydalangan holda, 26 dan ortiq sug‘urta xizmatlari va mahsulotlari vaqt va joy cheklovlarisiz, onlayn tarzda taqdim etilmoqda.

Telegram|Instagram|Facebook|Youtube|Website|Taplink

“O‘zagrosug‘urta” AJ xodimlari uchun o‘quv kursi tashkil etildi.

“O‘zagrosug‘urta” AJning tarkibiy va hududiy tuzilmalarida korrupsiyaga qarshi kurashish dasturi asosida korrupsiyaviy xavfi yuqori bo‘lgan funksiyalarni bajaruvchi lavozimlarda faoliyat ko‘rsatuvchi xodimlar uchun O‘zbekiston Respublikasi Adliya Vazirligi qoshidagi Yuristlar malakasini oshirish markazi mutaxassislari bilan hamkorlikda o‘quv kurslari o‘tkazildi.

Jumladan, O‘zbekiston Respublikasi Adliya Vazirligi qoshidagi Yuristlar malakasini oshirish markazi yuridik fanlar nomzodi dotsent R.Shakurov korrupsiyaviy xavf-xatarlarni aniqlash va baholash tushunchasi, uning huquqiy asoslari va ularni bartaraf etish choralari bo‘yicha ko‘rgazmali taqdimot materiallari yordamida tushuntirishlar berib o‘tdi.

O‘quv kursi davomida ishtirokchilar o‘zlarini qiziqtirgan savollarga javoblarni olishdi. Kursni muvaffaqiyatli yakunlagan ishtirokchilarga sertifikatlar topshirildi.

Telegram | Instagram | Facebook | Youtube | Website | Taplink | Twitter