ئاگاداری زاد لەم هەفتەیەدا چی کردووە؟!

رێکخراوی زاد، لە ماوەی یەک هەفتەدا، توانیویەتی 12 نەشتەرگەریی جۆراوجۆر ئەنجام بدات؛ هەریەک لەم چارەخوازانە بە دەردێک و بارگرانییەکەوە ڕوویان لە زاد کرد، بەڵام هەموویان بە یەک ئەنجام گەڕانەوە، ئەویش لابردنی ناخۆشییەکانیان بوو. ئەمەش بە یارمەتیی خودا، پاشان بە هەوڵی پزیشکانی لێبڕاوی زاد و بەخشینی ئێوەی خێرخواز، ناخۆشیی ناو 12 خانەوادە گۆڕدرا بۆ خۆشی.

تۆش یەکێک بە لە بەخشەران

زاد بۆ ئەوە دروست نەبووە کە پشوو بدات، هەمیشە بەردەوامە لە بەهاناوەچوونی نەخۆشانی هەژار، لە هەر سووچ و ماڵ و نەخۆشخانەیەکدا وەکوو بارانی خودا بەردەوامە لە دابارین!

تۆش دەتوانیت لە ڕێگەی تلیگرامی بەخشەران یەکێک بیت لە بەخشەران و توێشوویەک بۆ قیامەتت هەڵبگریت.

زیادەی ئێمە و پێویستیی ئەوان!

واز لە حەزێکی زیادەت بهێنە و بیبەخشە بەو کەسەی کە دەناڵێنێت لە تاو ئازار و بێبەشە لە پێوستییەکی سەرەکی ژیانکردن، ئەو کاتەی تۆ پارەکانت لە شتێکی زیادە و ناپێویست و کاتی خەرج دەکەیت، خوشک و برایەکت موحتاجی ئەوەن کەسێک لە دەرگایان بدات و بڕە پارەیەک بداتە دەستیان کە بتوانن بچنە نەخۆشخانە و چارەسەری خراپی هەناسەدان، گورچیلەکان، دڵ، مێشک، چاو، دەست و قاچەکانی بکات و، کەمێکیش بێت ئازارەکەی کەم ببێتەوە، تۆ کە خوای گەورە بە هەبوون و پێ بەخشین تاقیی کردویتەتەوە و ئازار و ناڕەحەتییەکیشت نییە، هەر نا کەمێک دەستبەرداری تێرکردنی حەز و ئارەزووە زیادە و ناپێوستییە کاتییەکانت ببە، خۆ ڕوونە حەزەکەشت کە تێر کرد هیچ ئەسەرێکی نامێنێتەوە، ئەمما گەر بەخشیت هەم لە دنیا ئازاری بەندەیەکی خوا ناهێڵیت و خەندە و ژیانیشی بۆ دەگەڕێتەوە، هەم لە قیامەتیش پاداشتە گەورەکەی وەردەگریتەوە.

گوڵی خێرت گەشە پێ بده

لە ڕەحمەتی پەروەردگار بۆ بەندەکانی یەک تۆوی «بەخشین» دەکات بە گوڵزار و، گوڵێک بە باخ قبووڵ دەکات!

سا دەبێت کام باخەوانە هەڵوەدای ئەو ئاو و خاکە پڕ پیت و بەرەکەتەی نەبێت کە گەشەی گوڵەکانی لە یەکەوە بۆ حەوت سەد زیاد دەکات، بگرە زیاتریش.

خێرخوازی ئەزیز، زادیش یەکێکە لەو تۆوانەی کە بە بەخشینی هاوکاری پێی جوانترین گەشەی پێ دەدەیت بۆ باخەکەی بەهەشتت!

ڕەسولی خوا️ (ﷺ) فێری کردین داوای فیردەوس بکەین؛ فیردەوسی پڕ گوڵزاری خواش بەدەست نایەت گەر گوڵستانی دونیامان وشک بێت و خێرێکی تێدا نەچێنین.

تۆوەکەی زادت بیر نەچێت بۆ باخەکەی بەهەشتت ...

داتای ڕێکخراوی زاد لە مانگی 10ـی ساڵی 2024

لە سایەیی میهرەبانی خودای گەورە، پاشان بە یارمەتیی پزیشکانی هاوکار و بەخشەرانی دڵاوا. ڕێکخراوی زاد تەنها لە مانگی 10 توانی:

- 63 نەخۆش ببینێت
- 45 نەشتەرگەری ئەنجام بدات
- 4 پێداویستیی پزیشکی دابین بکات

ئێوەش دەتوانن بەشێک بن لەم کاروانە پیرۆزە! بە بەخشینێکی بچووک، دەتوانن ژیانی کەسێک بگۆڕن. بیرتان بێت، هەر بەخشینێک لە زاددا، نەک تەنها چارەسەری نەخۆشێک دەکات، بەڵکوو شکۆ و کەرامەتی خێزانێکیش دەپارێزێت، هەروەها ئاوەدانی دەخاتە ماڵێکەوە.

با پێکەوە و بە پشتیوانی خودا، ببینە هۆی خۆشی و تەندروستی بۆ ئەوانەی پێویستیان بە یارمەتیمانە. هەر بەخشینێک، هەنگاوێکە بەرەو کۆمەڵگەیەکی باشتر و تەندروستتر.

خزمەتەکانی زاد لە کوردستان!

٦٣ نەشتەرگەری بۆ نەخۆشە هەژارەکان لە مانگی ٧ـدا

بە پشتیوانیی خودا، پاشان بە هاوکاریی ئێوەی بەخشەرانی زاد و پزیشکانی هاوکاری زاد؛ زاد توانی لە مانگی حەوتدا ٦٣ نەشتەرگەری بۆ نەخۆشانی هەژار ئەنجام بدات.

بەخشەرانی زاد! هەر کات بڕیارتان دا ببەخشن، زادتان لە بیر بێت! لێرە بەخشینەکانتان تەنیا پارەیێک نییە! ژیانەوەی ژیانی چەندین نەخۆشی هەژارە.

نەخۆشییەکان ئێمەیان تەنیا کردووە!

ئازار و نەخۆشییەکان، مرۆڤانی کەمدەستی دابڕیوە لە سەرجەم خۆشییەکانی ژیان. ئازار و کەمدەستی ناهێڵێت وەک مرۆڤێکی ئاسایی بخۆن و بجووڵێن.

بەخشینێکی تۆ یارمەتیدەر دەبێت تا کەسێک بگێڕیتەوە بۆ نێو ژیان و کۆمەڵگە.

پاداشت بۆ تۆ، ژیانەوە بۆ ئەوان!

بۆ هەموو چاکەیەک پاداشتێک هەیە، ئەی دەبێت پاداشتی چاکەیەک چەند گەورە بێت کە بۆ ژیانەوەی نەخۆشێکی هەژارە! بەخشینێک کە بۆ گێڕانەوەی ژیانێکی بێ خەم و خەفەت و ئازاری نەخۆشانی هەژارە.

ئیبنو مەسعوود کە هاوەڵی پێغەمبەری نازدارە (ﷺ)، لە بارەی بەخشینەوە دەفەرمووێت: "کاتێک فەرمانمان پێ کرا ماڵ ببەخشین، چووین حەماڵیمان دەکرد تا پارەکەی ببەخشین."

ئەی بیانووی ئێمە چییە لەم سەردەمەی کە خوای گەورە جۆرەها نیعمەتی پێ بەخشیوین و زیادەڕۆییشی تێدا دەکەین، بەڵام کاتێک دێتە سەر بەخشین چرووک دەبین و دەڵێین کە ئەوەی هەمانە تەنها بەشی خۆمان دەکات! دەبێت ئەو ڕۆژەی پاداشتی ئەو هاوەڵە بەڕێزانە دەبینین لە پای بەخشینیان چەندە داخ و حەسرەت و پەشیمانی بچێژین کە ئێمەش لە توانامان هەبوو زیاتر لەوانیش ببەخشین، بەڵام کۆمان دەکردەوە و لە دونیای کاتیدا سەرفمان دەکرد!

بەڵام، هێشتا درەنگ نەبووە، زاد دەستێکی ئەمینە بۆ بەخشینەکانتان، دەتوانن ئەوەندەی لە تواناتاندایە ببەخشن.