https://youtu.be/xAMIWQxI3RE?feature=shared

تدريني احبك ياجرح 💔
الرادود : سيد عمار العرداوي
الشاعر : مصطفى سلمان

تدريني احبك يا جرح
چيف انته واهس حزني
رهملي بجفوفك حضن
فدوه الفشل تعبني
كافي أرسم لراسك رمح
وانت بغزل ترسمني
بضحكاتي تلچم غيبتك
يلمهدي تسمع وني
:
.
يمته اشبكك يا عشك
يل بيك كلشي مختنك
حتى الدمع ينزف جرح
ولجرح بي ريحه حرك

_ ____*

واهسني يمسامر عشك
ميل الله يفتر بيه
ضماني چذبي وچن زلف
لمن يضم ترجيه
حاجيني صدرك مختنك
من رفعو الخاچيه
لو عل خيم لو عل السحك
لو عثرت العلويه
:
.
يمغوش عيونك دمع
باقي تدك اعله الضلع
من البواجي ولطم
حيلك كضه كضية شمع .. !!

_ ____*

عاگبني وكتي عله الهجر
وستاحشيت شلونك
يااانسمة من كثر القهر
مخنوگ. كلش لونك
وضحت تچاعيد العشك
من بجت دم عيونك
سامحني يل مالك عرف
من يمي هدله متونك
:
.
يوميه ذابحلك حلم
من قلبي قلبك ملچم
مدري الله اليعينك علي
مدري يعينك علخيم

_ ____*

يا چفك العاشر لطم
ماعرف شنهي الشبكه
الشاف وچه الله بطشت
تنشز بوجهه الضحگه
ياا هوه مثلك بلـ حزن
ولسوط تارس خلگه
راسم عله جفونك ضعن
ومتون كلش زرگه
:
.
مرسوم بجروحك سبي
تتراكض دموعك عبي
تصفك العشره من الوجع
بايك أحلامك اجنبي

_ ____*

بـخلافك آتـناوش هوه
وآعثر بچلمة وينك
يلمهدي غثاني الذنب
من لجم نحر حسينك
انت ضوه الله الما طفه
چاليش ضلمه سنينك .. !
اغفه عله ذنوبي لچن
تندسني دمعت عينك
:
.
لعيونك عيوني تحن
اتحسر وابقه اون
شوفتك اجمل ما احب
فركتك عندي اكبر سجن

_ ____*

#اللهم عجل لوليك الفرج
_مصطفى سلمان

يجاهي وخدري
اديه ابضهري
وادورك وين مطروح

وغلات عيونك
اليعيش بدونك
تشيع كلبه الجروح

ويلاه . . بيا زمان
اخوي ابلا غطه جسمه اعله التراب
الروحن فدوه انه الاسمه اعله التراب
غريب وطشرو رسمه اعله التراب

**
بقلبك عشت كل العمر
وبقلبي خويه انته عشت
ما اخاف من كلشي لجن
من فركتك كلش خفت
وياي من تكطع درب
تكضي الدرب بس تلتفت
لمن شفتني بنص غرب
وانته اعله رمحك دنكت

صرت يلضامي
بدون خيامي
وغريبه والحمل مال

تبدل حالي
انفجع دلالي
دمعتي تهد الجبال

ويلاه . . كربله
خذت من ايدي خواني بلنهار
احترك يافشله صيواني بلنهار
حسافه الكون شافاني بلنهار

**
ما يبقه بلدنيه ضوه
لو سير القبر النبي
مابين اخوتي واستحي
وانه ادري مابينه اجنبي
تاليتي هيج لوحدي
واحمل معاناة السبي
شما تعثر الناكه انذبح
محد يرتب مركبي

عشت عل ونه
وبقيت اتمنه
يطلع حلم كلشي

وافز من حلمي
واشوفك يمي
وسويه خويه نمشي

ويلاه . . مو حلم
حقيقه والحبل بيدي ياحسين
ابد مو هذا تعويدي ياحسين
الهضم يتمشه بوريدي ياحسين

**
طشرنه عاشر كربله
يامحله لمتنه قبل
حنيت لأيام الخيم
من جان ابو فاضل عدل
من جنت حيل مدلله
ومو هيج دمعاتي تهل
لو هاشمي يكود الضعن
جا حلة بعيوني الهزل

احن ليامي
وتهيج الامي
واتحسر عله الفات

وكت خلاني
الخرابه مجاني
الاكول تصير هيهات

ويلاه . . كلشي ضاع
اقره الفاتحه اعله اسمي بليسر
ثكيل من الهضم جدمي بليسر
جم مره نشف دمي بليسر

**
من فاركت صوت الكمر
بل سنطه صارت راحتي
لعليهه يركض جدي امس
رخصت هذيج حجايتي
تغفه رقيه اعله الرمل
ما ارضه مو من شيمتي
حارسنه منعرفه ابد
صعبه افرشله عبايتي

تنادي بأسمك
تريد تحضنك
وتنسه البيه وتنام

تذوب بعطرك
متدري بصدرك
نامت فوكه السهام

ويلاه . . ما يفيد
تطلع روحه وترجع رقيه
وياهه كلشي ما ينفع رقيه
بس بشوفتك تقنع رقيه

**
كلما يطر خيط الشمس
اختنك حته من الهوه
من بعد وجهك اخبرك
اكبر عدو صار الضوه
تلاكيت ويه باب القصر
وبشوفته خدري انجوه
العدد بي ما ينحسب
اضعاف من طف نينوه

العطش عذبني
الابد ما مرني
مرني وردتك وياي

تحامي اعليه
يخو المسبيه
ويخو الماعدها حماي

ويلاه . . هيه هاي
اليبقى بلا اخو ورايه بلايه روح
التوكع منه الحجايه بلايه روح
اليطيح وماله تجايه بلايه روح

**

اللهم عجل لوليك الفرج
_مصطفى سلمان

https://youtu.be/fboGHPnlmZc?si=mFZTWuVBFM8pYbMk

https://youtu.be/oEjWWVKiq64?si=PuDLquFTgxEP_fms

•
ابابج يريحانة علي ساجد بلا ملامح
شدي رحالي لكربله و بيها ولا ابارح
مديني بيد الحب يأم كلبي لهوه ضياعه
بعالم حبيبي الي ختم سهمه عله الجوراح

برحة جماله هايم حساسي
اول حزن بي ينرفع راسي
دار بحنانه كلبي واحوالي
وبفضله صارت طاهره انفاسي

كلبي روه
بحرت مشاعر كلبي بمأتمه
من هب حنانه صرت متيمه
روحي صفت بلحب متنعمه

فضله ضوه
اخلق سبب لعيوني وابجي اله
ادبني خيره التعذب بل الفله
حسانه جعلني صاحب منزله

.. مولاتي على الحب عينيني "..

بين اقترابي والجفه عمري كضه خساير
بين الشيب وما نصح كلبي بمكانه عاثر
ما بين اعدل خطوتي القافله عني تعبد
وما بين اروض هلكلب يوصل الكلبه حافر

ما قابض بجفي عله الخدمه
النعمه يمي واطرد النعمه
وألطف جزاني واني بمجاني
مولاتي كلبي كلبج يفهمه

يمشي العمر
واني بمكاني اراوح والزمن
يمشي بعجاله وضيعت الضعن
يا دوب الحك بيامي البقن

حيل اعتذر
عن السنين الراحت بلهوه
‏ ‏لكل الحضه بيها ناموسي نوه
‏ ‏يجافي المحنه سيد نينوه
‏ ‏
.. مولاتي على الحب عينيني "..

مولاتي بفكاري حده بيها جرح غرامي
ما أثرت بيه شكثر مرت عليه اسامي
عايش بواقع لو حلم كل الاحوال أحبه
صاحب دمعتي منجرح بلواقع ومنامي

اني الحبيبي علترب حاير
عينه العياله وماله ناصر
المحبوبه وحده غيرته تجرحه
توجه ضميره لغربة العاشر

متبري الكلب
من الضياع الاخرني عمر
رزقيني للحب مولاتي صبر
لو ما رحمتج لا ما انكسر

ودمعي يصب
شفته الحياة بلايه دمعتي
ما تسوه حتى صوت احجايتي
كمت اني اعشك يمج سنطتي

‏.. مولاتي على الحب عينيني "..
‏
عندي اهم من النظر دمعة الحب شهاده
بفضلج يبت المصطفى نال الكلب مراده
تيقنت اني اشتم هوه حتى اشعر بحبيبي
‏ ‏من الحر يجمع بلترب يصنع اله وساده

ستوعبت جرحي طيبته تكلف
محبوبي جرحه لو طبت ينزف
بكل لحضه كون أتعايش الغربه
وعيوني اذممها الدمع ليجف

يعلى النداء
يغزي البياض عيوني ومنطلب
لمنعة حبيبي من ماي الشرب
الشيء وحيد بهل دنيا صعب

في كربلاء
ذاك الجمال وذيج العاطفه
كل وحده منهن بلحب نازفه
روحي لعذابه تون متلهفه

.. مولاتي على الحب عينيني "..

ما لاكي لحساسي دوه غير لبجي المصابه
من بالي غربي كل وطن غربيني بلخرابه
مولاتي حسن العاقبة رزقيني وي حبيبي
بلا روح اعيشن بس جسد لو بعد عني بابه

اني العشت من عينه ولعينه
تحز بل الكلب غربة صواوينه
ياهوه يحمي ضهره لو حارب
ولو طاح ياهو يفزع يعينه

عاش الجرح
بكل المشاعر بانت غربته
نفس الحراره النار ودمعته
ذبحة دليله جمرة غيرته

قبل الذبح
من غيرته دك جفه بلترب
شلون لخيامه تتعنه الغرب
هاي المصيبه التحرك بلكلب

.. مولاتي على الحب عينيني "..

ـــــــــــــــــــــــــــــــــــ
اللهم عجل لوليك الفرج
_مصطفى سلمان

:

اول غرام بهل العمر غير قوانين العشك
كلبك حواني بلا ندم هوه سبب كلبي ليدك
موعد لقاء الحب صبح دمعه ومخيم محترك

يا جرحي ..
الما احب اله دوه هويتي واغله من النظر
كلبي القسوته تنرسم لان برحمتك ونكسر
غربة عيونك موطني اغنتني عن كل الوجود
رحال ما املك وطن ولكيتك اجمل مستقر

حسين ..
بيه انزرع جميلك
لا مايصح مثيلك
يسد الهوه قليلك .. ياحسين

احلى شعور من تلتقي عيوني بمناير كبتك
تبدي المشاعر تنجرح تذوبهه شـدة رأفتك
حاشه تضيعلك كلب لاجئ غريب لخيمتك

مصبرتني ..
عيونك انته على الحياة بلاهه لحضه ما كون
هاجس رضاك اتأمله لو بيضه صارت العيون
ثبت إلي قدم صدق بجروحك التنزف سوه
كل ذكره ما بيها جرح الك غريبه بلايه لون

حسين ..
العمر يمشي واحبك
اخسر كلشي اله كلبك
‏ حسن عاقبتي دربك .. ياحسين

بكل لحضه بيه من تمر انته تمر بصفتني
جرحك يفززني واون ياسيدي بعز غفلتي
ما ترهم انسه مصيبتك واني بكمالة صحوتي

يا واهب
هب عليه بحب وهب ارد أعتنق جرح الخيم
لو على الاقل يا كافلي تحسبني من أهل الشيم
امنيتي ادخل خيمتك ما حامل بروحي جمر
ارد ابجي من حبي الك بعيداً عن كل ندم

حسين ..
حاشه جروحي أملها
انته حياتي كلها
انته المحنه اهلها .. ياحسين

اسمك يهيج كل وجع يا مهجة امك فاطمه
كربله جمره بكل كلب كلبت موازين السمه
حرمت اعليك الشرب وحللت اعليك الضمه

تكليفي
ابجي الك واحني الضهر جرحك اعيشه وانعه اله
واصرخ ظليمه بلا ضهر وحدك غريب بكربله
يا كسرتك بين الغرب وبلا اخو لا من ابن
كلبك يبس من العطش وسلبت جمالك الفله

حسين ..
جارح شبابي حزنك
وفرة دموعي منك
هدم كياني ونك .. ياحسين

جارح شبابي عالمك يل عالمك حزن بحزن
اول محطات الجرح الخلتني ما اطبك جفن
باب القصر يكسر ضهر ولكوفه تتعالى وأن

يا حزنه
ضعنك بذاك الجرح طر بدرب ما يندخل
يا هضمة الهضمه الخدر شايل حمل ماينحمل
الحاميها علـ رمح نحر تحمي اليتامى من العدو
اي ضربه للطفل تجي تشكفها وبجفها الحبل

حسين ..
كلب العقيله نازف
سوك وخرابه شايف
عاشت اقسى المواقف .. ياحسين

اللهم عجل لوليك الفرج
_مصطفى سلمان