МУНТАХАБИ ФУТЗАЛИ ТОҶИКИСТОН БЕҲТАРИН ДАСТАИ СОЛИ 2024 ВА ФФТ БЕҲТАРИН ФЕДЕРАТСИЯИ ВАРЗИШӢ ЭЪТИРОФ ШУДАНД

Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз фаъолияти соҳаи тарбияи ҷисмонӣ ва варзиш дар соли 2024 натиҷагирӣ намуда, ғолибонро аз рӯйи номинатсияҳои мухталиф дар соҳаи варзиш қадрдонӣ кард.
**Дастаи миллии футзали Тоҷикистон ҷоизаи «Беҳтарин дастаи соли 2024»-ро соҳиб шуд. Соли гузашта мунтахаби футзали мо таҳти роҳбарии Пайрав Воҳидов дар Ҷоми Осиё-2024 дар Таиланд бомуваффақият баромад карда, ба чаҳоргонаи беҳтарини қитъа дохил шуд. Ҳамчунин мунтахаби футзали Тоҷикистон барои нахустин бор дар таърихи худ дар Ҷоми ҷаҳон-2024 дар Ӯзбекистон ширкат кард.

Илова бар ин, бар асоси натоиҷи соли гузашта Федератсияи футболи Тоҷикистон беҳтарин федератсияи варзишии кишвар аз намуди олимпӣ дониста шуд. Президенти Федератсияи футболи Тоҷикистон Рустам Эмомалӣ бо медали «Шуҷоат ва ҷавонмардӣ»-и Кумитаи кор бо ҷавонон ва варзиши назди Ҳукумати Ҷумҳурии Тоҷикистон сарфароз гардонида шуд.**

*⚡️*БОШГОҲИ «СОРО КОМПАНИЯ» МАРҲИЛАИ АВВАЛИ СУПЕРЛИГАИ ТОҶИКИСТОН-2024/2025-РО ДАР САДРИ ҶАДВАЛ ҶАМЪБАСТ КАРД!

Қаҳрамони чоркаратаи Тоҷикистон, бошгоҳи «Соро компания» бозии охири хешро дар марҳилаи аввали мавсими ҷории Суперлигаи Тоҷикистон оид ба футзал доир кард. Шогирдони Пайрав Воҳидов дар сафар бар тими «Хуҷанд»-и шаҳри Хуҷанд дастболо шуданд. Дидори дастаҳо дар Маҷмааи варзишии 20-солагии Истиқлолияти Тоҷикистон воқеъ дар шаҳри Хуҷанд доир гардида, бо ҳисоби 6 бар 3 ба суди дастаи мо хотима ёфт. Дар рақобати мазкур аз ҳайати дастаи «Соро компания» Фирӯз Сангов ба задани ду гол муваффақ омад. Дилшод Саломов, Бахтиёр Солиев, Амир Шуҷоъӣ ва дарвозабон Нуриддин Ҷабборов як голии дигарро ба дарвозаи ҳариф заданд. Бо ҳамин тартиб бошгоҳи “Соро компания” мавсимро бо касби 21 имтиёз дар садри ҷадвали умумии Суперлигаи Тоҷикистон ҷамъбаст кард.

? Суперлигаи Тоҷикистон-2024/2025 оид ба футзал

✅Даври 9

? «Хуҷанд» - «СОРОК КОМПАНИЯ» ? (3:6)

⚽️ Беҳтарин бозигар: Бахтиёр Солиев - «Соро компания»**

**БОШГОҲИ «СОРО КОМПАНИЯ» ДАР БОЗИИ ОХИРИ МАРҲИАЛИ АВВАЛИ СУПЕРЛИГАИ ТОҶИКИСТОН БО «ХУҶАНД» БОЗӢ МЕКУНАД!

? Суперлигаи Тоҷикистон -2024/25 оид ба футзал
✔️ Даври 9
? 9-уми декабр (душанбе)
⌚️ Оғози бозӣ – 18:00
? «Хуҷанд» - «СОРО КОМПАНИЯ»
? Хуҷанд, «Маҷмааи варзишии 20-солагии Истиқлолият»#futsaltjk#SuperlegueTajikistan2024/2025** #fcsoro_futsal#SuperlegueTajikistan

**ТИМИ «СОРО КОМПАНИЯ» ДАР СУПЕРЛИГАИ ТОҶИКИСТОН ШИКАСТНОПАЗИР АСТ!

Бошгоҳи «Соро компания» пирӯзии 5-уми пайдарҳами хешро дар Суперлига истиқбол кард. Дар даври 7-уми Суперлигаи Тоҷикистон-2024/2025 оид ба футзал тими «Соро компания» бо дастаи «Сомон» дидор анҷом дод. Вохӯрии дастаҳо дар Маҷмааи варзишии Донишгоҳи миллии Тоҷикистон доир гардида, бо ҳисоби калони 7 бар 2 хотима ёфт. Дар дидори мазкур аз ҳайати «Соро компания» Файзалӣ Сардоров ба задани ду гол муваффақ омад. Амир Шӯҷоъӣ, Фирӯз Сангов, Муҳаммадҷон Раҷабов, Беҳрӯз Раҳимов ва Самандар Ризомов як голии дигарро вориди дарвозаи «Сомон» намуданд.**