تعرفو اول حاجة بتعملها العلاقات المؤذية بتخليكو مع الوقت تشكو في نفسكو وصفاتكو الحلوه فبلاش تقبلو بالعلاقات دي مهما حصل

لو مش بتهتم ب احتياجاتك ومش بتعطي الاولويه لنفسك مهم تعرف ان في الغالب الناس مش هتقدم ليك حاجه انت حارم نفسك منها

كنت بلاقي فتره مشاكل من نوعيه شاب خاطب بيكلم بنت غير خطبته فيقلها هسيب خطبتي عشانك اصل بحبك انتي يبقي متجوز. ويقول لبنت تانيه بحبك وهطلق مراتي واتجوزك تبقي مخطوبه ويقلها افسخي خطوبتك وهخطبك انا تبقي بينها وبين جوزها مشاكل ويساعدها ع الطلاق عشان يجوزها هو تبقي مصاحبه بنت ف تروح تبيعها عشان خاطر بنت تانيه خالص وهكذا نوعيه مشاكل غريبه ف يوم ماتفكرو تبيعو حد معين علشان تشترو حد تاني معين يبقى في اللحظه دي لازم ومهم تتأكدو إنكم في النهاية هتخسر الاتنين ودي حاجه مافيهاش نقاش

ماتدفنش نفسك في خانه الذكريات، وبلاش كل شوية توجع قلبك ع اللي مشي واللي لسَّه محتار يكمل ولّا لأ، فيه حاجات نسيانها أفضل بكتير وفي حاجات التركيز فيها اهم بلاش تضيع وقت حبيبي نفسك اهم ?

هغيره هغيرها بدايه إنتهاء العلاقة ?

٤حاجات لازم تبطل تهتم بيها علشان تعيش مرتاح
١_الناس شيفاك ازى
٢_ الناس اللى بتهملك
٣- الماضى
٤- التفكير فى المستقبل بشكل مستمر

هل جربتي قبل كده تبقي بتتكلمي في موضوع معين ومهم بالنسبة ليكي وتتعمقي بشغف في كل تفاصيله وتحكي وبقلب أوي وفي اللحظة دي تلاقي اللي قدامك مش مهتم يسمع أو ماسك موبايله باصص فيه وبيهز دماغه؟؟أو في نص الموضوع تلاقيه خرج من قوقعته اختار كلمة أو جملة وقرر يعيدها بطريقته هو ويتناقش فيها ويفتح منها موضوع متفرع ويتوهك عن اللي كنتي بتتناقشي فيه؟

دي اسمها حيلة السمع الانتقائي واللي بتتعرض ليها معظم الستات خصوصًا مع الزوج والخاطب، وهي أسلوب متبع لإشعارك بعدم الأهمية على عكس كلامه المهم اللي لازم يتسمع خلي بالك من الشريك اللي يحسسك إن كل موضوعاتك المهمة تافهة وفارغة، لأن محدش يستاهل الشعور بالتحقير ماتقبليش تتجوزي حد بالنوعيه دي كلامي ده موجه لل لسه متجوزوش سواء ف مرحله الخطوبه أو قبلها

شكل من أشكال النضج والوعي النفسي أن الإنسان لازم يكون مدرك إن اللى بيئذيه مش بيحبه حتى لو كنت انت ال بتحبه ??‍♂️

اي ال ممكن يحصل لو شخص اعتمادي دخل ف علاقه مع شخص غير متاح عاطفياً الشخص الاعتمادي هيفضل يجري ورا الشخص الغير متاح عاطفيا والشخص الغير متاح عاطفيا هيفضل يبعد كل مالاعتمادي يقرب كل مالغير متاح عاطفيا يبعد أشبهه بالقط والفار

عشان كده سهل تشوفو بنت بتجري ورا شاب بتجري ورا الاهتمام وبتلاقو الشاب يهمل ويبعد عنها والعكس صحيح

عشان كده سهل تشوفو حد بيتأذي ف علاقه بس مش بيبعد عنها أو لما بينبعد عنه بيكون مشتاق للرجوع رغم معرفته أن العلاقه مؤذيه

مش كل حاجه بتتحس بتكون حقيقيه مش كل مشاعر حلوه بتكون حب
علاقات كتير للاسف غير سويه وغير صحيه وفيها اذي ولاكن أصحاب العلاقات دي أسموها حب عشان يهربو من خلالها من ضعفهم أو ماضيهم

#وعي_نفسي...?