Дэпутат Шпакоўскі наладзіў працоўныя кантакты з лідарамі Залатога трохкутніка. Нястомным сейбітам макавых палёў айчынны адмысловец падарыў тэрмас балтыйскай гарбаткі ўласнага разліву.

Лукашэнка прапанаваў Расеі размясціць усе караблі, выведзеныя з базы ў Тартусе, у акваторыі Менскага мора.

Міжнародны інстытут стратэгічных даследаванняў у Лондане высветліў падзею-нуль, з якой менавіта пачаўся ланцуг няўдач Башара Асада.

Выкінутыя на арбіту адкіды жыццядзейнасці Марыны Васілеўскай паслужаць асновай для беларускага аналага сістэмы Starlink.

Свята да нас прыходзіць,
Свята да нас прыходзіць!

«Год, які абяцае вельмі шмат змен і нявызначанасці», — часопіс The Economist прадставіў новую вокладку-рэбус.

Прыкметы перадвыбарчай лібералізацыі
У Беларусі сталі менш саджаць бульбы.