Увага!
Офіс Святланы Ціханоўскай аб'яўляе набор у цыркавую трупу для гастроляў па Еўропе. Апошнія падзеі паказалі, што ўвагу еўрапейскіх палітыкаў да рэпрэсіяў у Беларусі не завабіш размовамі і дакументамі.
Таму запрашаюцца акрабаты, жанглёры, фокуснікі, барадатыя жанчыны, карлікі і клоўны!

У Іркуцку Лукашэнка заказаў самалёт з батутам. Кульгаць па трапу больш не давядзецца - паплыве нібы белая лябёдка.

Падышах-імператар даручыў дому Лукашонэнаў здабычу спецыі з бульбы.

У Крычаве правялі абрад экзарцызму для мясцовай вертыкалі. Чыноўнікі канчаткова пазбавіліся ад злых духаў здаровага сэнсу, самастойнага мыслення, а таксама прывіда маралі.

У буціках новаадчыненага ГЦ «Чэрвенскага» будзе адбудавана атмасфера былога рынка. Прымерка вопраткі будзе адбывацца ў кутку, стоячы на картонцы.

Парк лукашысцкага перыяду
Польскі бок заявіў аб раптоўных пераменах у знешнім выглядзе і паводзінах мігрантаў з-за беларускай мяжы. Праз бяскорміцу і нізкі ўзровень ідэалагічнага суправаджэння, яны дзічэюць, пакрываюцца поўсцю і пачынаюць выкарыстоўваць дручкі-капалкі, каменныя сякеры і дзіды.

Палёт Валькірыі
«Валасы ўстаюць дыбам, калі зверху бачыш усіх гэтых пацукоў-збеглых і іх брудныя дзялішкі!».