عن النبي -صلى الله عليه وآله وسلم- قال: {إن الله حيِيٌّ كريم يستحي من عبده أن يبسط إليه يديه، ثم يردهما خائبتين}.

-قيامكم والدعاء.

ترضى الفِراق، وتشتَكي
بعد المسافةِ والعَنَاء..

«للوفاء شُروط على المحبين لازمة؛ فأولها أن يحفظ عهدَ محبوبه ويرعى غيبته، ويطوي شره وينشر خيره، ويغطي على عيوبه، ويحسن أفعاله، ويتغافل عما يقع منه على سبيل الهفوة، ويرضى بما حمله، ولا يكثر عليه بما ينفر منه، وألا يكون طُلعةً ثئُوبًا ولا مَلَّةً طَروقًا».

-ابن حزم

اللهم احفظ قلوبنا عامرة بالإيمان لك واليقين بك، ولا تجعل بلائنا في ديننا..

خيرة الأمة "بديش أقول خيرة شباب الأمة فقط، عشان هم مش بس خيرة الشباب، هم خيرة الأمة بأكملها" بيقاتلوا بلحمهم، بيواجهوا جيش جرار بسكينة!!!، والأخر بعملية استشهادية.
ما حدا من خارج غزة بيحقله يفتخر بشبابنا بتاتا، لما تدعموهم وتقفوا معهم بشكل رسمي تعالوا افتخروا وتكلموا للعيد.

ولكم ابعدوا شوي عن فخركم هان وهان بصنيع مجاهدينا الغزيين، واتطلعوا عالواقع المرير،
اتطلعوا ع الخذلان اللي أصابهم وأصابنا، شربة مية مش قادرين العرب يدخلوها من المعبر، دواء مش قادرين يدخلوا، خايفين يعصوا أمريكا، نسيوا ربنا ونسيوا عقابه، وتغلغلت الدنيا بقلوبهم.

بتفكرونا رح ننسى كل هذا؟؟ لا والله ما بننسى.
اعتدتم على الشعب الغزي يكون هو المضحي الأول، "مشان الله يا غزة يلا"، "وين غزة عن اللي بيصير"، "مقاومة غزة بتستعرض، ورجونا أفعالكم"، والكثير من التعليقات اللي ما رح ننساها بيوم ولا رح نسامح عليها،
هيها مقاومة غزة بتجاهد من سنين، بتصنع سلاحها من العدم، بتواجه اليهود والطاعنين فيها، وأشرس حرب بدأت من سنة و3أشهر، وينكم عنها؟؟
انبسطتوا على أفعال الأسطورة في السابع من أكتوبر، واستمرت حفلة الفخر إلى الآن من الذين يشكوا من العجز "والله لو كان للعجز لسان، لشكى منكم يا عرب"، ومع الطعن من أرذل القوم وأسفههم.

وآه احنا الشعب المضحي بكل ما يملك، بس مش عشان ينقال عنا مضحيين ونسمع هالمدح والشعارات الرنانة،
احنا تضحيتنا في سبيل الله أولا وأخيرا، وعشان نقوم بدورنا كمسلمين ونحمي هالدين وننافح عنه، ونعمل بفرض الجهاد، ونكون خيار هالأمة، كنا وما زلنا وللأبد بإذن الله..

قديش لسه بدهم هالشعوب من دمنا حتى يتحركوا؟؟
لمتى رح يضلهم يعاملونا كأننا أساطير جايين من ورا القمر؟؟ لمتى؟؟
لمتى رح يضلهم يتغنوا بغزة ومجاهديها وأهلها وأفعالهم وصمودهم، وعند الجد بياخذوا دور الميت؟؟ لمتى؟؟
والله ما بنسامح أي قادر، ومتخاذل، وطاعن، وحكم الله بيننا.

وهالخذلان مش رح يضيع هباء، والأيام دول..

ليس لنا إلاك يا رب، ليس لنا إلاك..

المجارز في غزة لا تتوقف، وحشية الاحتلال في ازدياد.
خوف، برد، نزوح، قتل، جوع، وحروب عديدة غير حرب الصواريخ يعيشها الإنسان الغزي وغير مرئية للخارج.
والعرب المتخاذلين طبعا نازلين يجاهدوا في ميادين الكلام والمزاودة.

حسبنا الله ونعم الوكيل، حسبنا الله ونعم الوكيل..

‏جهابذة مواقع التواصل "خصوصا تويتر" بيحللوا وبيولولوا، وبيزاودوا أكثر مما بيتنفسوا..

معطيين أنفسهم الأحقية في التعليق على كل شاردة وواردة وهم مش فاهمين لا دين ولا دنيا ولا سياسة ولا بطيخ، طيب وبعدين.

متى بدهم يتعلموا الصمت "أو بالأحرى متى رح ينخمدوا"؟؟؟

اللهم اشدد وطأتك على بشار الأسد وعلى اليهود ومن والاهم، وأنزل عليهم عقابك وعذابك وارددهم أذلةً صاغرين يا رب العالمين..