"بقلوب يملؤها الحزن والأسى، وبقلوب مؤمنة بقضاء الله وقدره، ننعى فقيدتنا (زوجة خالي)، التي انتقلت صباح اليوم إلى رحمة الله .

نسأل الله أن يتغمدها بواسع رحمته، ويسكنها فسيح جناته، ويلهم أهلها ومحبيها الصبر والسلوان.

الفاتحة لروحها وأرواح المؤمنين والمؤمنات...

إنا لله وإنا إليه راجعون."

الدهرُ من أسمائِه الشتاءُ
إذْ تسري الليالي الباردةُ في عُروقِ الزمانِ بلا وِقاف.

وحدي
كغُصنٍ أعياهُ الحيفُ، لا يبتغي ظلًّا ولا يُؤويه عِطفٌ.

تُرعِدُ بي لياليّ
وتهيمُ بي الريحُ، كأنّي شِهابٌ ضلَّ فلكَهُ في الدُّجى.

يدنو إليَّ الهمسُ خطأً
ثمّ يفرُّ كنجمةٍ في سديمٍ، لا مرفأَ لها ولا دليل.

ويهمي بي الليلُ، ثمّ يهمي المطرُ
فيُعَمِّرُني بالوحشةِ، ويهدمُني بالأنواء.

يشتدُّ بُرقي حين يجرحُ المدى
وتتعثّرُ الأضواءُ في سُبُلِ العتمةِ، لا تهتدي ولا تهدي.

• ن

حتميةٌ أنتِ
كالموجِ إذ يسري، وما ساءلَ البحرَ عن منتهاهُ، ولا عادَ يوماً لمرساهُ.

وضوحٌ أنتِ
كالبرقِ إذ يُقسمُ الليلَ نصفينِ، يمرُّ، ولا يُمسكُ الضوءَ إلّا السحابُ.

نداءٌ أنتِ
كالصدى في فلاةِ الرياحِ، يضيعُ به الدربُ، لكنَّهُ لا يموتُ.

حُرَّةٌ أنتِ
كالحقيقةِ، تولدُ عاريةً، لا تُشترى، لا تُرتهنُ، ولا تُساقُ لغيرِ القضاء.

عميقةٌ أنتِ
كالمُحيطِ الذي لا يرى الأفقَ، لكنَّهُ يبتلعُ السماءَ بغمضةِ موجة.

رقيقةٌ أنتِ
كالنسيمِ الذي ما مَسَّ ورداً إلّا أزهرَ، ولا مرَّ بجرحٍ إلّا سَكَن.

ثابتةٌ أنتِ
كالجبلِ الذي هَدَرَتْ عندَ قدميهِ العواصفُ، وبقيَ شاهقاً للنجومِ.

مشرقةٌ أنتِ
كالفجرِ إذ يفتحُ أهدابَ الأرضِ، وما خَانَ موعدَهُ في الدُّجى مرَّة.

— ن

‏«إنك بين النِّفسِ والهَوى… والفُؤادِ ومَا حوَى».

الصدمات المتكررة، سواء چانت نفسية أو عاطفية، تترك أثر كبير على الإنسان، مو بس على عقله أو شعوره، بل حتى على صحته الجسدية. يعني مرات الإنسان لمن يمر بتجارب قاسية أو صدمات متتالية، يبلش ينهار من الداخل، وتصير قيمه وأخلاقه مهددة. الصدمة تفرغ الإنسان من الطاقة الإيجابية، وتحول كل مشاعره إلى خيبة وألم، وهنا شي طبيعي راح يتأثر تفكيره وسلوكه. بس هنا المشكلة: لمن الإنسان يعيش هالصدمات ويكون عاجز عن معالجتها أو حتى عن الفهم الصحيح الها، راح يبدأ يعاقب نفسه بنفسه، وهذا العقاب مو فقط معنوي، يعني مو بس يعيش بدوامة من الندم واللوم، بل يوصل لمرحلة يعاقب بيها حتى صحته جسديًا. يعني تقريباً هو مثل الجلد الذاتي، يعني يبدأ يهمل جسده، أحيانًا يكثر من الأكل أو يعزل نفسه عن الناس، وأحيانًا يمكن يلجأ للإدمان أو عادات غير صحية كمحاولة لتخدير نفسه أو الهروب من الواقع المؤلم. هذا كله لأن الإنسان فقد القدرة على التعامل مع الألم بطريقة صحية، وصار بالنسبة اله الهروب هو الحل الأسهل.

علم النفس يوضح إنه الإنسان لمن يواجه صدمة متكررة، يصير عنده ما يُسمى بـ " الإرهاق النفسي " ، واللي يسبب تأثيرات جسدية مثل الأوجاع، الضغط، وصعوبة النوم، وأحيانًا يعاني من أمراض مزمنة مثل القلق أو الاكتئاب. وكلما چانت الصدمات قوية ومتكررة، كلما زادت فرص الشخص إنه يعاقب نفسه بدون ما يدري. ويمكن يلوم نفسه على أشياء ما چان اله يد بيها، أو يشعر بأنه غير كُفُؤ لمواجهة الحياة. والنتيجة إنه يمر بحالة من عدم التوازن بين العقل والجسد. فاللي لازم يعرفه الإنسان هو إن الصدمات والألم جزء من الحياة، وكل واحد بينا يمر بتجارب قاسية. ولكن مو كل واحد يتعامل وياها بنفس الطريقة. العلاج هنا مو بس على المستوى النفسي، بل حتى على مستوى الجسم أيضًا. لازم يتعلم الإنسان شلون يعالج نفسه بطريقة صحية، وشلون يواجه الألم بدل ما يهرب منه. التقبل، والمغفرة، والبحث عن الراحة النفسية مو فقط مهمات للحفاظ على الصحة النفسية، بل حتى الجسدية، فالمفتاح هنا هو الأدراك لفكرة إنه مو غلط إن يشعر الإنسان بالألم، بس لازم يتعلم شلون يتعامل مع هذا الألم بشكل صحيح، ويتوقف عن تحميل نفسه المسؤولية الزايدة. بالعكس، المفروض يستفيد من الألم ويحوله لطاقة إيجابية، يگدر بيها يغير حياته للأفضل.

‏«وَضَمَمتُهُ ضَمَّ البَخيلِ لِمالِهِ!»

‏- ابن سهل الأندلسي.

من نعيش ونختلط بالناس، خصوصاً الأصدقاء أو حتى الأقارب، دائماً نحس إن العلاقة قوية وثابتة بالفرح أو بالحزن. لكن الحقيقة، اللحظات اللي تتعارض بيها مصالحهم ويا مصالحك، أو يصير موقف يتطلب تضحية منهم، هي اللي تكشف معدنهم الحقيقي.

بحياتنا الاجتماعية همين نشوفها. مرات تصير عركة بسيطة على قطعة أرض أو ميراث، فجأة تشوف أخ يخاصم أخوه، أو صديق يبيع صديقه لأنه حس إن حقك يتعارض ويا اللي يريده هو. ويا ريت الموضوع بس على المال، مرات حتى على أمور صغيرة، مثل الغيرة أو التنافس غير المبرر.

شوف جانب ثاني، العلاقات الشخصية مثل الحب أو الصداقة العميقة. الشخص اللي يگول: "أني وياك للموت" هو نفسه اللي أول ما يحس إن مصلحتك صارت تختلف عن اللي يريده، يبدأ يتراجع، يبتعد، أو يضغط عليك لتغير طريقك. كأن حبهم أو صداقتهم چانت مشروطة بأنك دائماً تبقى بإطار يخدم رغباتهم.

هم نگدر ناخذها بطريقة أعمق، من جانب "الإنسانية". مرات من تتبرع بوقت أو جهد أو حتى مال لمساعدة ناس تحتاج، تتوقع التقدير أو الامتنان على الأقل. بس من يصير يوم وتحتاج مساعدة، فجأة تشوف نفسك وحدك. مو لأنهم ما يگدرون يساعدونك، بس لأنهم ما يشوفون مصلحتهم وياك بهاللحظة.

الحياة مرات تكون أشبه بمرآة للمصالح. البعض يحبك طالما انت ما تدخل بمجاله أو حقله. بس أول ما تتعارض طرقكم، يبين معدنهم الحقيقي، يا إما يتعاملون بشرف وإنصاف، يا إما يكشفون عن وجوه أنانية ما چنت تتخيلها.

بالتالي، لازم نعرف: مو كل من يبتسملك هو صديق، ولا كل من يعانقك هو أخ. الزمن والمواقف كفيلة تنخل العلاقات وتنظفها من اللي چانوا فقط يمثلون عليك، ويتركونك مع القلة اللي تستحق فعلاً تكون وياك.

الجاحظ يشوف إنّ الشعر العربي بالذات صعب كلّش أن يُترجم، لأنّه متّصل جوهريًا باللغة العربية. بالمقابل، أدب غير العرب، يعني النثر، ممكن يُنقل للعربيّة بدون ما يتأثّر هواي. الشعر حسب رأيه مدموج بالعربيّة بشكل قوي، ولهذا مستحيل يُترجم بشكل صحيح، لأنّه إذا تُرجم للغة ثانية - خاصة إذا هاللّغة ما بيها جوهر شعري - راح يفقد أهم ميزة بيه، اللي هي الوزن، ويتحوّل لنثر عادي كلّش.

بمجرد ما الشعر يُترجم، وهو أصلاً قائم على النظم والترتيب والتناغم، يتحوّل لنثر، والنثر معناته تشتت وانفصال وتفكك. يعني لمن نترجم الشعر ، يصير بيه سقوط، بحيث الانسجام والترتيب اللي كان بيه بالأصل يتحول لفوضى النثر وعدم نظامه.

القدماء من العرب لمن يحچون عن “النظم”، يشبّهونه بالعقد اللي يجمع اللؤلؤ بسلك. فالترجمة، بالنسبة إلهم، تقطع هالسلك، وبهالحالة يُنثر اللؤلؤ بشكل عشوائي وتضيع الفكرة والترتيب، وبدل الجمال يصير خلل واضح.

‏«وأعنفُ ما احتواهُ اليوم صدرٌ
‏حنينُ المرءِ -يا سلمى- لنفسِه»،
‏—الشريف المرتضى.