ام البنين تحاجي عباس
والملكه صار احساس باحساس
تلاكو ضوه لعيون الحسين
والعين ضلت تحجي للعين
ام البنين تحاجي عباس

سبحانه لمن يخلق شهالابداع فن يصعب مجاراته
من نوره صور كل جمال العباس وعباس يامحلاته
خط الشمس.. يم وصف نور العباس والكمر هو بذاته
يعني امه ام النوركله بالكون وام فزعته ووكفاته

سبحانه من صور العباس
والملكه صار احساس باحساس
__

وكفو مناير والسمه اطوهه الروح يامحله ذيج اللقطة
والتمت طيور اعله جف العباس مو جايه للحنطة
اتخيل المنظر ابهاي الأجواء مابي ابد كل غلطة
ام البنين تحاجي ابنهه العباس وفيايهم شط غطه

من الجدم يضوون للراس
والملكه صار احساس باحساس
____

ام وابنهه رايح وجن ماراد واحساسهه يكللهه
لحظت وداع ابينهم والعباس بالصبر يتوسلهه
يايمه صار هواي انطر هاليوم وكربله اتأملهه
هو اليروح يروح بس تبقى ويا نظراته اليحنلهه

والفركه حيل تريد وانفاس
والملكه صار احساس باحساس
__

اي يبني روح وداعت الله وحسين لحسين كل العدنه
ما اعترض دربك وانه اتنخاك بهذا الدرب واعدنه
واعدنه ابوك تصير كافل لام عون هذا الضعن موعدنه
ماهمت امه وهيه شدتله حزام وتصيحله شيمنه

تحشمه يبني يبو النوماس
والملكه صار احساس باحساس
__
✍️محمد ثابت

رحلة وصال العشك
بطف نينوى تفترك
يتغير الحادي
كل عترة الهادي
بطف نينوى تفترك

@@@@@

دارالزمان ودارت ادوار ويا بأمر الله حتما نقبل

والجانت تنام اعله صوت العباس رجبوها فوك الهزل

يادنيا ماكفاج حال العباس راسه برمح يتشكل

اطفالنه مكيدين اديهم بحبال وينضرب متنه اليسأل

معقوله هاي وصدك
بطف نينوى تفترك
يتغير الحادي
كل عترة الهادي
بطف نينوى تفترك

@@@@@

دور الحسين الشمر هو الادا بس الفرق سابينه

عطشنه طول الرحله ذاك الملعون متقصد يأذينه

ماخذنه للشمات يضحك شمتان لانه ذبح والينه

كلما سمع طفله تون تنعه حسين بنظراته يخزر بينه

وبجفه سوط ويطك
بطف نينوى تفترك
يتغير الحادي
كل عترة الهادي
بطف نينوى تفترك.
@@@@

حسينه بس بالضيم والحر والجوع يهب الهوه وماهمنه

هو الهوه من عكب عين العباس لو عذب مايرحمنه

خنكه الوجوه السابيتنه بلا لون وبكل وكت تشتمنه

رحلتنه ذبلت والوصال اعله رماح لون الهجر عذبنه

والكون بالدم غرك
بطف نينوى تفترك
يتغير الحادي
كل عترة الهادي
بطف نينوى تفترك
@@

ابوابة الساعات ملتمة الناس ساعاتنه يعدوهه

رغم السلاسل والأسر شمتانين وام الحسن شتموهه

اي هيه دنيا النزلت خير الناس والموكفو يحكموهه

قلة عقول ومرجلة اعله النسوان واديانهم باعوهه

وي كل نفس ينشهك
بطف نينوى تفترك
كل عترة الهادي
يتغير الحادي
بطف نينوى تفترك

✍️محمد ثابت

لسان حال السيدة فاطمة بنت الحسين العليلة  بعد مضي سنين عله الطف
وفي ايام شهر محرم

يسموني عليلة حال . وانه بعلتي محتاره
سكته يموت ياهالناس.. العايش وحده بدياره

انه مدللة وبالعز.. جنت بزود عماتي
عليله وما أحس بآالام .. بأخوتي تضيع اهاتي
افرفرح من يجي من بعيد...ابوي وبيده لعباتي
اوصلة ركض واوكع.. يلمني وينكت عباتي
ابوي الجنه نسمة ريح.. من اشهك اشمنه
ابوي العافيه البلبيت.. ابوي الدنيا والجنه
ملمومين جنه ويا... جان بحضنه يجمعنه
ماجانت ابد ع البال .. ابونه تختفي انواره
___

من راح الضعن شوفي... راح وضعف كل جسمي
عليلة ضعن شوك حسين.. صار من الدمع اسمي
عساه الليل لاجلجل..  اجيب منين حضن امي
هلي العافوني شوغة آه. انام واكعد بهمي
هلي اترجاهم يردون .. كلبي موجرة ناره
شاركني المرض حزني.. وكام وجودر بكلبي
ادري العافيه ملكه .. لكن تيهت دربي
اتيه اباب دار اختي . ويدلوني واضل اربي
رقية شكثر تانيتج،؟. يختي العتب من تعبي
اختي وسالفة روحي.. ضلت منهه تذكاره

___---

ظل البيت ماينطب .. شجرة وضاع منهه الماي
وحدي بطرك دمعاتي.. انه الجان كلشي وياي
وياي بكل نفس ذكره.. تمردني وتهد عضاي
من دون العمام البيت .. هيمه ومايصلهه فياي
عباس الكمر لوغاب.. ظلمه تصير وغباره
غير بهجر واتصبر... مقتنعه بهجر واصبر
يومين ويرد كلشي .. وترد بيوتنه تزهر
يرد عباس وي حسين .. عمتي عليهم تنور
ترد امي تحني البيت .. وترد ديارنه تعمر
متأمله لجن مرسال... اجاني جايب اخباره
__-_-

يسولف عن قميص ودم.. وخيل وسالفه بعيده
اشوفه يسولف ومهموم.. يومي أيأشر بأيده
يلم الناس كلهه يريد.. يكلهم حزو وريده
هذاك الجان كلشي هنا.. سحكو صدره بالبيده
اركز كمت بلكي افهم.. يكصدمن بافكاره
_

اوكعت من الوصف للكاع.. شفت المنظر كبالي
عدمني الناعي يا هلناس.. بصوته لفلف احبالي
يكول الخيل فوكه تدوس.. وانه زغير خيالي
كلهه تصيح واويلاه .. واكله اسكت يجتالي
ياناعي الحسين حسين  .  محد يندل اكتاره.
____
✍محمد ثابت

(كعدية)

باسمك...... نهتف  .......يحسين وننزف دمه
ماذلينه بنصرتك
مو انصارك اخوتك
يحسين وننزف دمه

احنه انصارك الصفوة بينه شد حزام عابس
خيمة الحره سترنه بيهه نفخر بالمجالس
احنه كل الشرف النه فارس يحشم بفارس

هذا العشك ما اجمله
من كربله لحد كربله
وحسين كلمن يخذله ... هذا مايتسمه عابس
سبعييين ... للدييين   خطو قانون الوفه

ماذلينه بنصرتك
مو انصارك اخوتك
يحسين وننزف دمه
&&&&&&&&&&&&&&&&&&&&&&&

مانميز بالمذاهب مذهب الحب هوه واحد
منك اعرفنه الهداية الماتت ابنص المساجد
واليضدك ماينصفك لان جده أعليك حاقد

ولوالدك ذاك الابي
لاولي كلنه الا علي
والصوت بالحق يعتلي.... حسين باسم الدين جاهد
ميتين ... عدلين .... هم نرجع لكربله

ماذلينه بنصرتك
مو انصارك اخوتك
يحسين وننزف دمه
&&^&&&&^&&&&&؛؛&&&&&&&&&&&
صارت الدنيا جبيره وضاكت كبال المعسكر
حيل غرتنه نعوفك ولحرب صفين نذكر
صرنه كلنه  ابن الاشتر   ع العدو كالموت نفتر

هوه اليبيع الاخره
بالدنيا كلشي يخسره

حبك وصية حيدره ... والنبي قَبَل المنحر
نحرك... جسمك ... كعبة وتمشي اعله الارض

ماذلينه بنصرتك
مو انصارك اخوتك
يحسين وننزف دمه
^^^*^&^&^&^^^^^^&&&&&&&&&&&&
دمنه من يطيح دونك حتى ينصر هوه دمك
نحورنه من كطعوهه طافت وحجت بنحرك
والضلوع الكسروهه كملت اجزاء صدرك

حتى الكبور تقاربت
بعدوهه بس متباعدت

يحسين والدنيا انتهت ... والبقه من عدها ذكرك
ذكرك .. باقي ....  والضدك خٍله بهله
ماذلينه بنصرتك
مو انصارك اخوتك
يحسين وننزف دمه

✍محمد ثابت

(انشد العين العين)
طفله ضلت لحسين
بارض المدينه
من ودعاها وراح
ضلت تهل دموع
بارض المدينه
@@@@@@

بساعة وداع وسفر  غركت بهمهه  صفت وحدهه

تفز  جانت كل فجر  تحضنهه امهه والدهه يمهه

مدللة ام الخدر  ضلت بالمها  .. من عكب اهلهه

عثرت ابين الناس
بسبب دمعتهه

والمرض هد الحيل
ضلت بهم وويل

بارض المدينه
&&&&&&&&&&&&&&&&&&&&&&&&

والورد من ينترك تذبل الوانه ينتهي عطره

هم اسمهه فاطمه ضلت بحسره والهجر عصره

طبع البنيه ترف يصبح كلبهه تحركه أي حسره

مادرت بالطف
صرخت رقيه

من الجمر والنيران
والكلب ضل حيران
بارض المدينه
&&&&&&&&&&&&&&&&&&&&&&&&
خضعت لحكم القدر يعوفوهه اهلهه يكثر دمعهه

شما تسولف ع الهجر تحجي لوحدهه محد فهمهه

والجرح كل الجرح حنت لأمهه  تشتم عطرهه

غصت ابعبره وشوك
ولاذكره عدهه

طفله ماتحمل هجر
شابت بأزغر عمر
بارض المدينه  
&&&&&&&&&&&&&&&&&&&&&&&&
ردت امهه من السبي  بثكل خطوتهه . صوت نبضتهه

ركضت لعدهه ابدمع  ماكو والدهه ورادت اختهه

حارت امهه بهالوضع زغيره بعدههه وشخبرتهه

شدت اختج جنحان
طارت لربهه

صرخت تريد الموت
واتمنت التابوت

بارض المدينة

✍محمد ثابت

السيده زينب عليها السلام تُحمل رساله لخدام الحسين عليه السلام  وهي بالغربة

(من وحي الخيال)

هاك اخذ مكتوبي يالرايح اله
للحبيب  الضاع مني بكربله
دوره مابين الحوافر
كله من مصباح عاشر
مانمت من مشت  ذيج القافلة

______-----

ياساعي الكلوب ارد أخبرك
لو تيهيته ما اعذرك
محبوبي معروف

من بعيد عطره يدلي بأسمه
نسمة تهب بأثر نسمه
بلسم للكلوب

يختلف عن كل البشر محبوبي شكله
يشبه شمس يشبه كمر لو ضحك يحله
مرهم دوه نور وضوه للعين كحله

بلسم جروحي وطبيب  العايله
من نشوفه تهون اكبر معضله
الجان يمليهه النواظر
كله من مصباح عاشر
مانمت من مشت ذيج القافلة
@@@@

رايح الشوف ابفيض دمه
محكوم والسجان سهمه
وانحبست العين

بكد الجثث تيهت جثته
اذكر آخر مره شفته
من طاح الحسين

دخان بي دفتر هلي يشبه الخيمه
واسطورة ماتقبل حرف يوصف الهيمة
قافلة نور العلي.     كلهه حشيمة

بلكي صدر حسين يتلكه الظرف
حته لو بشفافه يلفظ بس حرف
حرف يشرح هالمشاعر
‏كله من مصباح عاشر
‏مانمت من مشت ذيج القافلة
@@@@@.

يفوت الحجي مكسر لصدرة
دوس الحوافر وصل نحره
ومطرز جروح

ضاعت ظلوعه وي الحوافر
لايردهه الله ايام عاشر
ياطلعت الروح

اقره الرسالة اعله الرمح ويشيب راسك
واتمشى واذكر غربتي لو جمر جاسك
يالماشى بدروب الضعن انقل احساسك

طفله عدنه وحيل اعز من الهوى
ضلت اتدور اعله ابوهه بنينوى
والدمع يم خدها حاير
كله من مصباح عاشر
مانمت من مشت ذيج القافله
#@@@@

من توصل لعباس اوكف
بالك تشيل بحضرته جف
كطعوهه الجفوف

يم النهر تانيه ويحضر
ينقص الماي وهو يكبر
وينشف الجروف

عكب النهر عباس يتصوب عينه
تنكطع منه يسرته وتالي يمينه
وحسين يبقى لوحده الله يعينه

خويه ادركني يصيح ويضربونه
بالعمد راس ابو فاضل يضربونه
حسين يبقى بلا مناصر
كله من مصباح عاشر
مانمت من مشت ذيج القافله
@@@@

درب السبي الام كله
والشام عله ماهي رحله
غربه وشماته

والروس  برماح ارفعوهه
جم فاكده بعازة ابوهه
انه وبناته

لبوابه الشام القهر لمن وصلنه
اشكال وانواع الشتم بيهه سمعنه
بحجار ضربونه يعالم من دخلنه
.
هذا مكتوب الدمع والقافله
بغربتي وابعث دموعي لكربله
هناك انه  وكلبي فاير
كله من مصباح عاشر
مانمت من مشت ذيج القافله

✍️محمد ثابت

@

العطش والموت والخنجر ذبح نحرك
السهام هواي بس متكسره ابصدرك
حسين الماي بعيونك
عطاشى المايعرفونك
يأول آخ تحجيهه وحنت ظهرك

@@@@@@@@

يحسين الرمح عالي عله رقيه
تشكيلك تريد مضيعه ترجيه
شيوصلهه وتسولفلك
وبيا سالفه تكلك

مطشر واحنه ملمومين يحسين ابوصالك
مسلب والعزه مستور يحسين بجمالك

العشك منبوذ بس عشكك عشك جنه
الحوافر داست التاريخ بس حبك وصل النه
حسين الماي بعيونك
عطاشى المايعرفونك
يا أول اخ تحجيهه وحنت ظهرك
@@@@@@@@@@@@

طيحت جسمك من المهر ع الغبره
خلت زينب بكل فاتحه تقره
تتحزم وتقرالك
وبمجلسك تنعالك

سمعته يون اخوي حسين يمه اتكربت ليه
لكيته مطبر موذر الف وجم جرح بيه

الدمع مكروه بس يمك رزق يصبح
حسين العافيه ابحبك عشكنه افلح
حسين الماي بعيونك
عطاشى المايعرفونك
يا أول آخ تحجيهه وحنت ظهرك
@@@@@#@

مولاي الخيم متوجره وتلهب
وتمشي اعله الجمر  بدموعهه زينب
جمرتهه تطفيهه
دمعة الالك تبجيهه

مخضب  والدمه تغير... لونه من التراب
مغطينا ابخدمتك هاي وانت مسلب ثياب

الشهايد والرتب والعلم بس يمك
الخلود ابمجلسك والعافيه باسمك
حسين الماي بعيونك
عطاشى المايعرفونك
يأول اخ تحجينهه وحنت ضهرك
@@@@@@@@@
تحدب ظهرك وكلت العمر عده
من شفت العمد راس الكمر هده
ماظل حيل ماطايح
من كون الكمر رايح

دنيا وخسرت العباس هيه شتسوه هيه
والطفت عيون حسين لعيون ال اميه

اليجلب بيهه والينغر تضيع اجره
حسين العاف لذتهه بذبح نحره
حسين الماي بعيونك
عطاشى المايعرفونك
يأول اخ تحجيهه وحنت ظهرك
@@@@@
يحسين السبي غصة كلب زينب
الهزله بلا ابوفاضل كلش اتعب
سلاسل اذت ايديهه
كلش حيل مابيهه

وي كل هاي الاوجاع وصعدتهه عله النوك
ويلي بديرة الشام لمن مرو السوك

لعن وحجار حته اطفالهم تشتم
تاليهه بخرابه تبات بت العزب ملثم
حسين الماي بعيونك
عطاشى المايشوفونك
يأول آخ تحجيهه وحنت ظهرك

✍محمد ثابت.

#قادم محرم

ياحسين وحبك مغطينه
نحبك شكد؟ الله يعلم بينه
اي وحقك هالعشك
بالكلب كلما يدك
ياحسين وحبك مغطينه
##$$$$$$####&&