❗️ Конституция қабул қилинганлигининг 32 йиллиги муносабати билан президент фармони билан қилмишига чин кўнгилдан пушаймон бўлган ва тузалиш йўлига қатъий ўтган жазо муддатини ўтаётган 483 нафар шахс афв этилди.

Афв этилган шахсларнинг 107 нафари жазодан тўлиқ озод қилинади, 275 нафари жазони ўташдан муддатидан илгари шартли озод қилинади, 7 нафарига тайинланган жазо енгилроқ жазо билан алмаштирилади. Шунингдек, 94 нафар шахсга тайинланган озодликдан маҳрум этиш жазосининг муддатлари қисқартирилади.

Афв этилганларнинг 25 нафарини чет эл фуқаролари, 32 нафарини аёл, 5 нафарини 60 ёшдан ошган эркаклар, 274 нафарини ёшлар (шулардан, 104 нафари вояга етмаганлар) ҳамда 6 нафарини тақиқланган ташкилотлар фаолиятида қатнашган шахслар ташкил этади.

@uzbaxborotxizmati

“Камбағалликдан - фаровонлик сари” дастури амалда: Ўзбекистон туманида 30 нафарга яқин эҳтиёжманд фуқароларнинг бандлиги таъминланди

Ўзбекистон туманида “Камбағалликдан - фаровонлик сари” дастурини амалга ошириш, аҳоли бандлигини таъминлаш ва турмуш фаровонлигини юксалтиришга кўмаклашиш доирасида тизимли ишлар амалга оширилмоқда.

Хусусан, бугунги тадбирда ҳам маҳаллалардаги ҳоким ёрдамчиларининг тавсияси билан “Аёллар” ва “Ёшлар” дафтарларига киритилган 27 нафар хотин-қизлар ва йигитларга субсидия асосида бепул меҳнат анжомлари топширилди. Эндиликда, улар уйда ўтирган ҳолда ўзларини банд қилишлари ва оилаларига қўшимча даромад олиб кириш имкониятига эга бўлишди.

Тадбирда сектор раҳбарлари, камбағалликни қисқартириш ва бандликка кўмаклашиш бўлими мутасаддилари, туман Кенгаши депутатлари, ҳоким ёрдамчилари ва ёшлар етакчилари иштирок этди.

Учрашувда камбағаллик даражасидаги, эҳтиёжманд, ногиронлиги бўлган, миграциядан қайтган, банд бўлмаган аҳоли бандлигини таъминлаш бўйича “маҳалла еттилиги” билан баҳамжиҳатликда аниқ тузиб чиқилган чора-тадбирлар ижроси ҳудудларда давом этаётганлиги таъкидланди.

@uzbaxborotxizmati

Қўшқўноқдаги 700 нафардан зиёд ўқувчи таҳсил оладиган билим даргоҳи капитал таъмирланиб, фойдаланишга топширилди

Бунёдкорона ислоҳотлар самарасида Ўзбекистон туманидаги таълим муассасалари замонавий кўринишга келтирилмоқда.

"Қушқўноқ" маҳалласидаги 61 йиллик тарихга эга 20-умумий ўрта таълим мактабида инвестиция дастури доирасида 3 млрд 900 млн сўм эвазига кенг кўламдаги бунёдкорлик ишлари амалга оширилди. Айни пайтда масканда таҳсил олувчи 717 нафар ўғил-қизлар учун замонавий шароитлар яратилди.

Кўркам қиёфага эга бўлган муассасанинг фойдаланиш топшириш маросимида сўз олганлар ўқувчи ва ўқитувчиларни табриклаб, келгуси фаолиятларига зафарлар тилади.

@uzbaxborotxizmati