المرحلة الرابعة: تحديد الأهداف السنوية

من الأهداف بعيدة المدى، تجمع كم هدف وتخليهن بأهداف هذي السنة، حتى تبدي تشتغل عليهن

الأهداف ما لازم تكون اشياء عامة مثل:
أريد جسمي رياضي ❌
لكن تكون شي محدد وقابل للتطبيق مثل: رح أخسر 5 كيلوات هذي السنة ✅

وبعد ما تحدد هذا الهدف، تبدي تحوله الى (افعال)
شلون؟
رح أخسر 5 كيلوات هذي السنة —> رح التزم بالدايت والرياضة —> رح العب رياضة 20 دقيقة كل يوم —> رح آكل 1800 سعرة باليوم

لكـــــــــــــــــــــــــــــــــــ😮ـــــــــــــــــــــــــن!
بعدنا بنفس المشكلة!!
وهي ان احنا ما نكدر نعتمد على الواهس حتى نحقق أهداف السنة
ورح نلتزم اسبوع اسبوعين بفضل الواهس .. بس بالنهاية رح يخلص ونرجع لحياتنا الطبيعية

كلام مضبوط 100% ... لكن الي لازم نفهمه، الواهس ما رح نستعمله حتى نحقق أهدافنا
بل رح نستعمله حتى (نحدد أهدافنا) ... ويكون بمثابة الشرارة الأولى الي تدفعنا نحو حياة أفضل

لأن الواهس بطبيعته مؤقت، ويصعد وينزل وما عليه الاعتماد .. فنكدر نستغله حالياً حتى نخطط

زين شلون نحقق أهدافنا لعد؟ 🤔
بالنسبة الي ...

الطريقة السحرية لتحقيق الأهداف هي:

اولاً: تحديد الأهداف بعيدة المدى وقصيرة المدى (الي سولفنا عنها خلال هالبوست)
ثانياً: صياغة *⚡️ *تحديات *⚡️ *مشتقة من الأهداف
هذي الطريقة ساعدتني أحقق اكبر عدد من الأهداف الاحطها
وهي ببساطة كالتالي:
اخلي تحديات عشوائية .. مشتقة من الأهداف الرئيسية

مثال: هدف انزال الوزن
أخلي تحديات مثل:
30 يوم بدون سكريات
30 يوم ملاكمة
تحدي 100 شناو لمدة اسبوع
تحدي ركض 200 كيلو متر على مدار السنة
تعلم السباحة

هدف زيادة التركيز
30 يوم بدون سوشيال ميديا
30 يوم تجربة التأمل

...الخ

واخلي اشياء ما مجربها بحياتي، وما احددها بوقت معين، وبين الحين والآخر اراجع اهداف السنة، وبحسب المزاج والواهس العندي والوضع الاني بيه بالحياة، اسوي تحدي من التحديات، وباغلب الاحيان تكون التجربة ايجابية واستمر بهذا الفعل المعين

ثالثاً: تحديد مستوى الطموح

اذا كان هدفك تحقق 100% من اهدافك بسنة 2025 .. رح تفشل بنسبة 100%
لذلك المفروض تركز على تحقيق أكبر قدر ممكن من الاهداف الموجودة
الي اغلبها على شكل تحديات واشياء تجربها .. بدون ما تضغط على نفسك
وخلال السنة راجع الأهداف وشوف شنو حققت منها وشنو تكدر تحقق بعد حتى ما تنساهن
وابدي عدل وضيف واحذف للخطة السنوية بحسب الظروف والمتغيرات

وببداية كل سنة .. راجع الاشياء الي حققتها، وشوف وين وصلت بأهدافك بعيدة المدى، وايضاً ضيف تحديثات وتعديلات
وهاهية

وعلى كولتهم

Enjoy the process... not the results تونس بالدتسويه من تقدم هسة . ولا تضم ونستك للنتيجة النهائية

خلاصة المنشور:
1 - رأس السنة خوش يوم حتى نغير حياتنا لو كلاوات؟
2 - الجواب: كلاوات .. بس نكدر نستغله بصورة صحيحة
3- شلون نحدد الأهداف بعيدة المدى من خلال التفكير بنقاط ضعفنا
4 - تحديد الأهداف الأكثر اهمية من خلال ايجاد الروابط بين الانماط الاكثر تكراراً بين المشاكل والحلول
5 - اشتقاق الأهداف السنوية من الأهداف بعيدة المدى والعمل عليها
6 - أفضل طريقة لتحقيق الأهداف هي ان تخلي اهداف منطقية وما تركز على تحقيقها كلها بشكل كامل لان هالشي رح يسببلك ضغط ويخرب واهسك وما تنجز شي.. ويفضل تخليها على شكل تحديات ممتعة تسويها على مر السنة وتراجع اهدافك بين الحين والآخر حتى تحافظ على واهسك
7- الأهداف التحطها ما لازم تكون خاصة بهاي السنة.. خليها خطة مستمرة لحياتك بالكامل
8 - لقد كانت الثورة الصناعية وعواقبها كارثة على الجنس البشري.

رأس السنة الميلادية .. فرصة للتغيير، لو مجرد اختلاف أرقام؟

هواي يكولون راس السنة ما يعني شي ... ومجرد اختلف الرقم جان 24 صار 25
ويكملون يومهم طبيعي بدون ما يخططون لأي شي

وعلى الجانب الآخر، اكو ناس طموحين، بهذا اليوم يكعدون ويخلون خطط وأهداف حتى يغيرون من حياتهم

ويستغلون الحافز القوي الي يجي لكل واحد من عدنا ببداية كل سنة

لــــــــــــــــــــــــــــــكن

ورا اسبوع - اسبوعين، تخلص بطاريتهم، ويبطلون يلتزمون
وشوية شوية يرجعون لحياتهم الطبيعية ويغلسون على الأهداف الحاطيها

فالسؤال المهم،
هل فعلاً راس السنة يوم اعتيادي ونخليه يمر مرور الكرام؟ لو ممكن نستغله؟

الجواب، وبحسب تجربتي المتواضعة
نعم، رأس السنة الميلادية هو يوم اعتيادي حاله حال باقي الأيام

لكـــــــــــــــــــــــــــــــــن
نكدر نغير هذا الشي، ونخليه يوم مو اعتيادي، ونخليله أهداف ونطبقها فعلاً

وهذا الشي يتم من خــــــــــــــــــــلال
*💫 *استراتيجية تحديد وتنفيذ الأهداف المطورة من قِبلي على مر السنين *💫***

بالبداية، تحتاج تكتب وتشخبط، اما بالورقة والقلم، او تابلت، او تكتبها بالملاحظات
**(ضروري تؤرشف حتى ترجع تقراها بين الحين والآخر وتتابع تقدمك)

بالبداية رح نفترض انك شخص فاشل ماعندك هدف بالحياة او ماتعرف تفكر بأهداف

المرحلة الأولى: الأهداف بعيدة المدى ونقاط الضعف**

فكر بينك وبين نفسك، منا لـ5 - 10 سنين، شنو الأشياء الي تتمنى تحققها؟

مثال عملي (افتراضي):
شنو اريد احقق منا لسنة 2030 او 2035؟
اريد يكون عندي شهادة (بكالوريوس، ماجستير، دكتوراه).
اريد اتزوج ويكون عندي اطفال.
اريد يكون عندي سيارة مارسيدس مايباخ GLS600 🚘*❤️😱.
اريد يكون راتبي 2،500،000 د.ع شهرياً.
اريد يكون عندي سكس باك وجسم رياضي.
اريد اعيش بمكان منعزل عن الحضارة البشرية وملوثات الثورة الصناعية وتبعاتها الكارثية على الجنس البشري والضغط المستمر الي تسببه على ادمغتنا المصممة لأسلوب حياة مختلف كلياً.
اريد اقضي على النسوية والحركات اليسارية واحافظ على المجتمع من الانحراف.

تجي بعدها تصفن على الاهداف الي فكرت بيها، تشوف شنو المنطقي والي ممكن تحققه خلال هاي الفترة
وشنو الي يعتبر احلام وردية وصعب يتحقق ..

تبقي الأهداف المنطقية .. وراها تسأل نفسك سؤال، شنو اليمنعني من تحقيق هذا الشي؟

على سبيل المثال، شنو اليمنعك تتزوج ؟
الجواب راح يكون واضح بالنسبة الك: ما عندك فلوس، وانت تتجنب تسولف ويا البنات لأن تخاف تتفشل

شنو اليمنعك تشتري مارسيدس مايباخ GLS600 ؟
الجواب: ماعندك فلوس

شنو اليمنعك تحصل على شهادة جامعية؟ شنو اليمنعك تحصل راتب عالي؟ شنو اليمنعك تحصل على الجسم الرياضي التحلم بيه؟
الجواب: ضعف الالتزام وعدم القدرة على التركيز ولأن مكضيها تلعب بالموبايل 24 ساعة

من خلال هالاجوبة عرفنا عدة نقاط ضعف:
قلة الفلوس (عائق امام العديد من أهدافك)
قلة الثقة بالنفس
ضعف الالتزام (معالجته قد يؤدي الى حل مشكلة الفلوس ومشاكل أخرى كثيرة)
عدم القدرة على التركيز
...الخ

المرحلة الثانية: ايجاد الروابط والعلاقات

نبقى نفكر بهذي الاهداف ونقاط الضعف وسبل حلها لبعض الوقت، ونحدد اهم نقاط الضعف واكثر شي يتكرر بينهن، واذا اكو روابط بينهن هم نحاول نفكر بيهن

مثلاً:
عدم القدرة على التركيز قد يكون ناتج من الدايت واسلوب الحياة غير الصحي .. لذلك الالتزام باسلوب حياة صحي رح يحل مشكلة التركيز، وبنفس الوقت رح يساعدك تحصل على جسم مثالي .. لذلك اذا تخلي الدايت ضمن اهدافك لسنة 2025، رح يحل اكثر من مشكلة بنفس الوقت

ومن تحل مشكلة التركيز ويزيد التزامك .. ربما هالشي يساعدك تدرس بتركيز اكثر وبالتالي تحصل على الشهادة الجامعية + تحصل شغل.

ومن يكون عندك شهادة + شغل + جسمك صحي .. ممكن تزيد ثقتك بنفسك وتكوم تسولف ويا البنات ويضربنك بوري ورا مدة

💡 من خلال تحليل مشكلة وحدة .. لكينا حل يساهم بحل اكثر من مشكلة، ويخلينا اقرب من تحقيق اهدافنا بعيدة المدى .. وهذا الهدف هو الدايت بمثالنا الحالي.

المرحلة الثالثة: تثبيت الأهداف بعيدة المدى

بعد ما حللت اهدافك بعيدة المدى، ووجدت روابط وعلاقات بينهن، المفروض صار عندك مجموعة من الأشياء الي لازم تشتغل عليها حتى توصل لأهدافك

تجمعها كلها سوة بصفحة خاصة بيها تسميها الأهداف بعيدة المدى (ترجعلها وتحدثها كل سنة)

المنشور رقم 7 - شلون تحقق أهدافك بـ2025؟
(اكو تلخيص للمنشور بشكل كامل بآخر كم سطر)

المنشور رقم 0 - المثالية ? فكرة ان اسوي قناة وانشر بيها خليط من معلوماتي وتجاربي جانت ببالي من سنين وأكثر من شخص ناصحني ان اخطي هيج خطوة لكن كان اكو شي واحد يمنعني اسوي هيج شي وهو المثالية * اريد اسم القناة يكون افضل شي، اللوكو (الشعار) لازم ابقى شهر…