المنشور رقم 0 - المثالية ? فكرة ان اسوي قناة وانشر بيها خليط من معلوماتي وتجاربي جانت ببالي من سنين وأكثر من شخص ناصحني ان اخطي هيج خطوة لكن كان اكو شي واحد يمنعني اسوي هيج شي وهو المثالية * اريد اسم القناة يكون افضل شي، اللوكو (الشعار) لازم ابقى شهر…

تطور متسارع في تقنيات الذكاء الاصطناعي *?‍♂️***1 bit LLMs era
عصر جديد من النماذج اللغوية الكبيرة (جات جي بي تي وربعه)

قبل كم يوم صدرت ورقة بحثية عنوانها:

```
The Era of 1-bit LLMs: All Large Language Models are in 1.58 Bits

```
الي تناقش طريقة جديدة للتعامل مع النماذج اللغوية الكبيرة
تؤدي الى جعلها اصغر حجمًا، وتشتغل بمتطلبات اقل، وبشكل اسرع
كل هذا، وبدون ما يتأثر ادائها باي شكل من الاشكال!!

يعني، جات جي بي تي رح يكوم يصرف اقل، ويشتغل اسرع، ويولد نفس النتائج
بالاضافة لهذا الشي، هذي الطريقة ممكن تؤدي الى توسع الLLMs ودمجها بالهواتف الذكية والحاسبات بشكل اكبر
بالمستقبل القريب، توقعوا الموبايلات والحاسبات الحديثة كلها بيها ذكاء اصطناعي مثل GPT مدمج وداخلي (حتى الي سعرها مو عالي)

هذي الورقة البحثية ايضًا ناقشت فكرة عمل هاردوير خاص بمعالجة اللغة سموه الLPU

وحاليًا هذي الورقة البحثية حاركة الجو حرك، وبيها نتائج واعدة

• LLM : Large Language Model
  نموذج لغوي جبير (مصطلح يطلق على نماذج الذكاء الاصطناعي مثل جات جي بي تي وجيميني وذولة الجماعة)

مصطلحات العصر الحديث

كل احنا نعرف:

? CPU (Central Processing Unit)
وحدة المعالجة المركزية: المسؤولة عن العمليات الرياضية والمنطقية بالحاسبة، والي تحير بسوفتوير الحاسبة وتشغيله بصورة صحيحة

? GPU (Graphics Processing Unit)
وحدة معالجة الرسوميات: المسؤولة عن دعم المعالج حتى يأدي العمليات المعقدة وخصوصًا بما يتعلق بالرسوميات (الشغلات ال3D والالعاب وتشغيل الفيديو وهالسوالف)

—

لكن كم واحد بينا يعرف الTPU والLPU؟
الي بدن يظهرن كنتيجة لتطور الذكاء الاصطناعي وحاجته للحسابات المعقدة

? TPU (Tensor Processing Unit)
وحدة معالجة التنسر: من تطوير كوكل بسنة 2016، وحدة مخصصة لمعالجة التنسرز (فدشي بالذكاء الاصطناعي) ويشتغل حتى يأدي حسابات الذكاء الاصطناعي المعقدة بكفاءة وسرعة عالية.

? LPU (Language Processing Unit)
وحدة معالجة اللغة:
مصطلح بدا يظهر بالآونة الاخيرة (صارله اقل من اسبوع)
يتحدث عن هاردوير مخصص قد يتم تطويره لأداء الحسابات المعقدة الخاصة بالLLMs (النماذج اللغوية الكبيرة، ChatGPT)

4 منشورات صغيرونة (جدًا) تحتوي معلومات عن الذكاء الاصطناعي واخباره رح تنزل اليوم باوقات مجدولة ومتفرقة
يتبعها منشور عن ماركوس اوريليوس من ينزل علية الوحي اكتبه (خلال اقل من شهر ان شاء الله، اذا الله سهل)