" في الفترة الأخيرة، ردود أفعالي تجاه اللي حواليا بقت أهدى بكتير جدًا، عِتابي قلّ بعد ما اكتشفت إني ضيَّعت طاقة ووقت كتير جدًا في محاولة عتاب ناس مبيفرقش معاهم العتاب أساسًا وبيشوفوه "وجع دماغ"، بقيت بتعامل بمنطق التجنُّب والاستبعاد؛ يعني فُلان قدملي رد فعل سخيف على لحظة شافني فيها ضعيف ومحترمش ده بشكل مُرضي ليا، بقرر إني عمري ما هظهر ضعفي قصاده تاني.. فُلان محترمش سؤالي عنه ورغبتي في وده، واتعامل مع ده باستهتار، بأبطل أسأل عنه وبريح بالي من وجع القلب، حسيت إني وجودي بقى تقيل على شخص ما حتى لو بحبه، بخف وجودي وأسيبه هو يبادر لو حابب يسترجع وجودي بشكله القديم المُكثَّف؛ يمكن كل ده بدأ مع قناعات بتتأكد جوايا إني مُكرَّم جدًا عند اللي خلقني، وحياتي أغلى وأهم من إنها تضيع في الحُزن تجاه الناس دى

زي ما إنتو شايفين إننا بنتعوّض عادي فإحنا كمان شايفين نفسنا مش هنتكرر، أه هتلاقو غيرنا بس مش زيّنا، هتحبو وتتحبّو، بس مُستحيل تتحبّو بنفس درجة حُبنا ليكو، مُستحيل تلاقو حد يتحمل رُبع اللي اتحملناه معاكو وإحنا ساكتين  لا إشتكينا في يوم ولا اعترضنا، لفّو ودورو وقابلو ناس كتير .. بس أنا واثق ومُتأكد إن اللي هييجو من بعدي بدايل تصبّركو على غيابي لكن ما يعوّضونيش ?.

من وسط علاقات كتير ، علاقة واحدة منهم اللي هتقسم قلبك نصين .. أو زي ما بيقولوا هتعلم عليك للأبد. من وسط قصص حب هتعيشها على مدار حياتك، شخص واحد منهم هيفضل معلّق معاك ويمكن تفضل تحبه، هو مش مناسب .. وكلنا عارفين انه مش مناسب، وفيه العِبر .. بس اداك حاجة كلهم فشلوا يدوهالك ف هتفضل محتفظ بجزء كبير من قلبك ليه هو. شخص واحد من سط ملايين هيفضل جزء منك، وهتفضل تضعف قدامه وعلشانه، وهيفضل قلبك خاضع ليه مهما عمل. وارد تحب غيره، ووارد تتخطى وتكمل حياتك، بس مهما عملت هتفضل متعلق بيه، ومهما لفيت وهربت عقلك وقلبك هيرجعوا يفكروك بيه.. للأسف.

في الفترة الأخيرة ردود أفعالي تجاه اللي حواليا بقت أهدى بكتير جدًا عِتابي قلّ بعد ما اكتشفت إني ضيَّعت طاقة ووقت كتير جدًا في محاولة عتاب ناس مبيفرقش معاهم العتاب أساسًا وبيشوفوه "وجع دماغ" بقيت بتعامل بمنطق التجنُّب والاستبعاد يعني فُلان قدملي رد فعل سخيف على لحظة شافني فيها ضعيف ومحترمش ده بشكل مُرضي ليا بقرر إني عمري ما هظهر ضعفي قصاده تاني فُلان محترمش سؤالي عنه ورغبتي في وده واتعامل مع ده باستهتار ف هبطل أسأل عنه وبريح بالي من وجع القلب حسيت إني وجودي بقى تقيل على شخص ما حتى لو بحبه بخف وجودي وأسيبه هو يبادر لو حابب يسترجع وجودي بشكله القديم المُكثَّف يمكن كل ده بدأ مع قناعات بتتأكد جوايا إني مُكرَّم جدًا عند اللي خلقني وحياتي أغلى وأهم من إنها تضيع في الحُزن على حاجات وناس ميستحقوش الزعل ما هو حتى الزعل غالي مينفعش يتقدم كده عشان أي حاجة أو أي شخص.

من أكتر الحاجات الجميلة اللي بتمناها ف علاقتي مع أي إنسان، أن عمره ما يفهمني غلط او يفترض سوء نيه في كلمه أو فعل مني، عشمي دايما أن الناس اللي بحبها تكون متاكده اني بحبها بدون اي سبب وأني بحترمهم وبقدر مشاعرهم ودايما يكون ف بالهم جمله
" أنا بحبك ف هحب اشوفك دايما مبسوط، ف مستحيل أأذيك بكلمه او فعل أو اتمني ليك اي حاجه تضايقك " شكرا لكل حد سهل بسيط في حياتي عمري ما احتجت معاه اي جُهد لتبرير تصرفاتي

للآسف مفيش حاجه بقيت تقدر تراهن عليها دلؤقتي بقلب جامد ..لا ناس بتحبك واثق انها هتفضل تحبك ..ولا ناس بتتعشم فيها و بتتطلع قد العشم دا ..ولا ناس بنستني منها التقدير وبنلاقيه فعلا ..دا حتي صبري و ثباتي مبقتش قادر اراهن عليه من كتر الضغوط واللي الواحد بيشوفو ..بجد الحياة بقت صعبة جدا ..بقينا عايشين في زمن مفيش حاجه مضمونة او علي الاقل تبقي مطمن لفترة من ناحيتها ..الدنيا و الظروف غيرت القلوب و النفوس ..

‏الحقيقة إحنا تايهين وما بقيناش فاهمين نفسنا خالص؛ هل إحنا مبسوطين ولا زعلانين؟ طيب مرغوب فينا ولا وجودنا تقيل؟ الناس اللي في حياتنا بتحبّنا لشخصنا ولا بيحبّونا عشان إحنا كويّسين معاهُم؟ طيب حاسين بالسعادة فعلًا زي ما بنبيّن للناس ولا الحُزن مسيّطر علينا زي ما بنحس كُل ليلة وإحنا لوحدنا؟ طيب هو اللي إحنا فيه دا مؤقت ولا خلاص دي بقت حياتنا وهنفضل طول عُمرنا تايهين بالشكل دا!

من اهم النصايح  اللى اتقالتلى هى إنك لازم ترضى بتدابير ربنا علشان تكون مبسوط ، ترضى ان في خير وإن كُل اللي حصلك خير بردو ، ترضى إن اللي راح مكنش من نصيبك وربنا شايل ليك الأحسن ، وإن الفُرص اللي راحت كانت مش خير ليك ولسه فيه حجات جميلة غيرها ، وإنك لو فضلت زعلان ومشيل نفسك فوق طاقتك مش هتمشي غير بأمر ربنا فديماً أختار الرضى وقول الحمد لله

‏العتاب محبة لكن كُتره مزلة، عشان كدا أنا ضد انك تعاتب الشخص على نفس الحاجة أكتر من مرة، لإن مفيش حد مش واخد باله طول الوقت، هما واخدين بالهم وعارفين بيعملو إيه، وبما إن زعلنا مش مهم عندهم وبيكرروا الحاجة اللي بتضايقنا، وزي ما العتاب محبة للي قدامك الانسحاب برضو محبة لنفسك، علشان كده اوعي تكتر في العتاب لان كل واحد مُدرك افعاله