«Жиззах ҳақиқати» газетасининг 2025 йил 15 февраль кунги 15 (6580)-сони мутолаа учун ҳавола қилинади.

Газетанинг  интернетдаги  www.jizzaxnews.uz веб сайти орқали ҳамда @Jizzaxnews телеграмм канали орқали Жиззах вилояти ва юртимиздаги энг сўнгги янгиликлардан бохабар  бўлиб боришингиз мумкин.

Jizzaxnews |Тelegram| Facebook | Dzen | YouTubе

〰️〰️〰️〰️〰️
Kanalga obuna bo‘ling👇****https://t.me/gazetalar_sharhi

Бир кун машина ҳайдаб кетаётгандим, йўлда адашиб қолдим. Шунда Зулайҳо хожи онам: “Тагингда янги мошина-ю, қаёққа кетаётганингни билмайсан-а!” дедилар. Онамнинг бу сўзлари бир умр юрагимда муҳрланиб қолди. Айниқса, бир ишни бошлаб, нима қилишни билмай қолганимда ёки минбарга чиққанимда онам, “Худо шундай минбарга чиқишни лозим кўрибди-ю, нима гапиришни билмаганингни қара” дегандай, бирор нарсани ёзмоқчи бўлсам, “Худо қалам бериб қўйибди-ю, қўлингда пит ўлмайди (бирор нарсани ёзиб мондитмайсан, ёлчитмайсан, эплолмайсан) дегандай бўлаверадилар. Хаёлан ношудлигимдан хижолат тортаман.

Онамнинг оёғи оғриб, туролмай қолдилар, аммо жойномозга эмаклаб боришни канда қилмадилар. Касалга рухсат борлигини айтишганида:”Эртага Худо, ҳали тирик эдингку, калланг жойида эдику, деса, Худонинг юзига қандай қарайман” дедилар ва номоз ўқишни тўхтатмадилар.

Болалигимда, дунё мен учун яралган ва мен дунёни ўзгартираман, дердим. Ўшанда онам: “Дунёнинг куни сенга қолгани йўқ, дунё сенгача ҳам айланиб турган, сендан кейин ҳам айланаверади. Ўзингни эплаб юрсанг шу ҳам катта гап, эҳтиёт бўл, чархнинг қиличи тегиб кетмасин. Дунёни ўзгартирадиганлар якка дуккам, минг йилда бир чиқади. Худо айтди, Пайғамбар (с.а.в) ўзгартирди. Эндиги ўзгариш қиёматда бўлади,” дедилар. Бу сўз мени доим эҳтиёт бўлишга чақиради.

Бир кун Онамга “Шеър ўқиб берайми?” десам, “Йўқ, Қуръон ўқиб бер,” дедилар.

Бир кун синглим хомуш тортиб: “Сиз ўлиб қолсангиз биз нима қиламиз, Онажон!” деди. Онам: “Дунёда ўлмайдиган одам бўлмайди. Бир бирини ажалидан беш кун бурун ўлдирадиганлар бор. Умримни бошида етти қиз туғмай мен ўлай деган эдим, умримни охирида яхшиям шу етти қизни туққан эканман дедим, энди шу етти қиз учун яшагим келаяпди, кетишга кўзим қиймаяпти. Ўлиб қолсам сизларсиз қандай яшайман, жон қизим!” дедилар. Синглим хўнграб йиғлаб юборди.

Онам ҳамиша: - Ўғлим, кўпчилик тарафида бўл. Кўпчилик бор жойда барака бор. Биров бир нарса деса оғиб кетаверма, нимаики ақлдан оздирса, билиб қўйки уни ортида шайтон турибди. Пул деб борди келдини унутма, шайтон пул бор жойда болалайди. Ёруғ, катта, кенг, кўпчилик юрган йўлдан юр. Қоронғуда юрган гўнг босади. Одамнинг эти ҳаром лабзи ҳалол . Яхши сўз айтсанг, яхшилик топасан, ёмон сўз айтсанг вахшийлик, ҳеч қачон болтанг тошга тиймасин, – дейдилар.

- Ўлсам, оталарингни ёнига кўминглар. Қиёматда отанг билан бирга бўлишни истайман. Жанозамга келган одамларни ҳеч қайсисини қуруқ оғиз қайтарманглар. Шу ёшгача яшадим, ҳаммадан розиман. Ҳеч кимдан ҳеч бир гинам йўқ. Ҳаммадан яхшилик кўрдим. Худога шукур, орқамга қарамай кетаяпман. Қирқ йил олдин, мана энди қаридим, энди ўлсам керак девдим, Худойим яна қирқ йил умр берди. Ҳеч армоним йўқ. Тепкилаб кўмаверинглар. Худо насиб қилса қиёмат куни кўришаверамиз. Катта умр олдинда! – дедилар.

Илоҳо, Онажонимни умрини узоқ қил, Оллоҳим! Барча қудрат, барча мурувват, барча саховат сенинг қўлингда Оллоҳим!Барча оламларнинг ёлғиз подшоси Ўзингсан! Сенгагина ибодат қиламиз, сендангина нажот кутамиз, сенгагина сиғинамиз, сендан ўзга паноҳимиз, дардкашимиз йўқ, илтижоларимизни қабул қил, Парвардигорим!

1981- йил ўқишга кирдим. 20- августда ўқишга кирганларнинг рўйхатини ўқиб эшиттиришди. У пайтлар телефон йўқ. Уйга хабар беролмадим. Қолаверса, ўқишга кирганимга ўзим ишонмасдим. Ўқитувчилар, Янгийўлга олма теришга борасизлар, ким яхши терса ётоқхона билан таъминлаймиз дейишди. Янгийўлга кетдим. Кимдир шу орада, ўғлингиз имтиҳондан ўтолмай Тошкент кўчаларида сарсон саргардон, йиқилгани аламига йиғлаб, гаранг юрибди, деб онамга етқазибди. Бу сўзни эшитиб, онамда жон қолмабди. Икки пақир олмани кўтариб, хирмонга кетаётсам, қаршимда онам турибди. Онам мени мардикорликда ишлаяпти деб ўйлаган эканлар, “Юр болам, мени сени хору зор қилиб қўймайман, Янгийўлни иргасига ташлаб қўядиган болам йўқ, сени шу кунларга ким солди”, дея ҳўнграб йиғлаб юборса бўладими. Ўқитувчимиз ўртага тушиб зўрға юпатди.
Ҳа, мана шундай важоҳатли онам, бир парчагина бўлиб ўтирибди. Мунғайган. Ўн марта гапирсангиз бир марта жавоб бериб, сўниқ кўзлари киртайиб, сўз демай ғарибона мумсик ўтирибди. Оҳ, Онажоним-а... Онажоним!
Қанийди дунёдаги энг ширин сўзларни билсам-у, юзингизга табассум югуртирсам, кўнглингизни кўтарсам. Бир дунё меҳр кўрдим-у, мисқолча муҳаббатимни изҳор қилолмадим. Меҳр кўришни билдиму, меҳр беришни билмадим. Хаёлимда Душан Файзийнинг шеъри айлана бошлади, онамга шуни ўқиб бердим:
Қанийди она, табиат қўлидан келса,
Абадий этолса сенинг умрингни,
Розийдим онажон иложи бўлса,
Сенга қўшиб берса менинг умримни!
Бир кечалик алланг ҳурмати учун,
Юз йиллик умримни бағишласам кам,
Кўчирсам қалбингга қалбимни кучин,
Қарзим узилмасдан қолур шунда ҳам!
Мободо бўлсайдим зўр ҳайкалтарош,
Сенга юрагимдан ясардим ҳайкал,
Ё агар бўлсайдим мўйқалам, наққош,
Суръатинг ясардим бериб минг сайқал!
Оралаб қолибди сочларингга оқ,
Ол менинг сочимни қораларини,
Тишларинг тушибди хўрсинма бироқ
Ол менинг тишимни сараларини!
Хиралашиб қолибди кузларингда нур,
Кўзларим нурини олгин меҳрибон,
Розиман бир умр хизматинг қилсам,
Юрагим қўрини олгин онажон!

Шу кўйи Ховосда икки кун қолиб кетдим. Онанинг қучоғидан, онанинг бағридан, онанинг ҳузуридан яхшироқ жой борми? Албатта йўқ. Дунёдаги энг буюк гўша, энг гўзал маскан, энг файзли, энг фароғатли жой, онангиз бор жой, онангизни пойидаги жой. Танангиз яйрайди, дилингиз ғаму ташвишлардан озод бўлади, фикру ўйларингиз ором топади, ҳузур ҳаловатдасиз. Дунёдаги энг гўзал чеҳра, онангизни чеҳрасидир. Онангиз ҳузурида дунёдаги энг ишончли ҳимоя остидасиз. Буюк қўрғон, бузилмас қалъадасиз. Кўксингиз тоғдай юксаладиган фараҳли салтанатдасиз.
Аммо...чархи дун айланаверар экан. Кетар вақтим бўлди. Кетар вақтим шундай воқеа юз бердики, эсласам ҳали ҳануз юрагим зир зир қалтирайди, эсанкирайман, ўзимни минг бор айбдор ҳис қиламан. Мени кузатиш учун акам, янгам, сингилларим уйда ким бўлса ҳаммаси кўчага чиқди. Хайрлашув бироз чўзилди. Машинага ўтираётсам не кўз билан кўрайки, уйда ёлғиз қолган онам мени кузатиш учун ерда судралиб эмаклаб базўр келаяптилар. Оҳ, Онажоним-а, Онажоним! Ҳузурингизга мен эмаклаб, тиз чўкиб, бармоқларим қонаб борсам бўлмайдими, Онажон! Ўша лаҳзалардаги ҳижолатимни сўз билан таърифлай олмайман. Бундай буюк муҳаббатни, буюк фидоийликни менга яна ким бераолади? Ким мени ҳар лаҳзада соғинади? Кетганимга бир лаҳза бўлмай излаб қолади?
Яна бир кун Онамнинг ҳузурида қолиб кетдим.
Дунёдаги барча Онажонларга шон шарафлар бўлсин!
Пайғамбаримиз Муҳаммад с.а.в ҳазратлари Маккаи мукаррамада оналарининг қабрини зиёрат қилган эканлар. Зиёрат чоғида қабрни қўллари билан силаб, эзилиб, кўзларидан дув дув ёш тўкилади. Бунинг сабабини сўрашганда: “Онамнинг менга бўлган сўнгсиз меҳру муҳаббатини соғиндим” деган эканлар.
Ҳозирги маъсуд лаҳзаларда, Сиз ҳам Онангизни кўрсатган адоқсиз ғамхўрликларни бир зум ёдга олинг. Онангизни ҳақига дуо қилинг! Шу жумладан, илтимос дўстлигимиз ҳурмати Зулайҳо хожи Онамнинг ҳақига ҳам бир оғиз ширин дуода бўлинг, азизим!

'Гўзал Туркистон'. Абдулҳамид Сулаймон Чўлпон шеъри. Клип сунъий интеллект ёрдамида тайёрланди.

Ҳурматли Муҳаммад Исмоил ака!

Жуда-жуда унутилмас кунларни тақдим этдингиз ҳаётимда, Аллоҳга беадад шукур, ҳамиша ҳурматимдасиз, юрагим тўридасиз. Шафоатли Зулайҳо Онамизнинг дуолари билан ижодингиз янада юксалсин, нафақат Ўзбекистонни, балки бутун дунё адабиётини забт этиш Сизга насиб этсин, фақат ва фақат олға шоирим!!!

Акрамжон АЗИЗ,
Фарғона, Олтиариқ тумани.

#marifat_ulashib
#Muhammad_Ismoil

4-dekabr 2024-yil, "Ma’rifat ulashib" loyihasi doirasida Farg‘ona politexnika institutiga zamonamizning eng mashhur shoirasi FARIDA AFRO‘Z, iste’dodli yosh adib JAVLON JOVLIYEV, Xalqaro Robindranat Tagor mukofoti sovrindori, atoqli shoir MUHAMMAD ISMOIL tashrif buyurmoqdalar. Shu munosabat bilan aziz mehmonimiz MUHAMMAD ISMOILning institut talaba yoshlariga murojaatini, dil so‘zlarini e’tiboringizga havola etmoqdamiz.
Marhamat! #MARIFATULASHIB #FARIDAAFROZ #JAVLONJOVLIYEV #FARGONA #MuhammadIsmoil #FARGONAPOLITEXNIKAINSTITUTI
Adib nomidan berilgan 3 ta savolga eng tezkor javob bergan talabalar taqdirlanadi.
@farpiyoshlar

МЕН ҲАҚИМДА ЁЗИЛГАН КИТОБНИНГ ПДФ ВАРИАНТИ. ОДИЛ ЁҚУБОВ, АБДУЛЛА ОРИПОВ, РАУФ ПАРФИ, ҲАЛИМА ХУДОЙБЕРДИЕВА, АБДУСАИД КЎЧИМОВ СИНГАРИ УЛУҒ УСТОЗЛАРНИНГ, ЗАМОНДОШ ШОИР-У ЁЗУВЧИЛАРНИНГ, АКАДЕМИКЛАР, ФАН ДОКТОРЛАРИ, ОЛИМЛАР, ҚАДРДОНЛАР, ҚАЛБАН ҚАРИНДОШ ЁР-У БИРОДАРЛАРИМНИНГ МАҚОЛАЛАРИНИ, ФИКРУ МУЛОҲАЗАЛАРИНИ ЎҚИШИНГИЗ МУМКИН. БУ КИТОБ ОЛТМИШ ЁШИМ МУНОСАБАТИ БИЛАН ЧОП ЭТИЛГАН БУЮК ТУҲФА! БАРЧАНГИЗГА ТАШАККУР АЗИЗЛАРИМ!