@SA_podcast2024

‌ ژوان ڕەحیمی
شاعیـر

لەم لینکانەی خوارەوە
گوێ بیستی بەشێ له شیعره‌کانی بن

ڕاوە بەی... وەنایوە: شۆعەیب خالدیزاد

وەشما گەدٚا بوو... وەنایوە: شەهلا فەتحی

چل چلخانێ چۆڵێ... وەنایوە: فەرشید مرادی

ترەک بە ترەک... وەنایوە: ژوان ڕەحیمی

مەکۆی پێنووس
کاناڵ، وشەنامە،    کـۆڕ
🆔 @𝓅ℯ̂𝓃𝓊̂𝓈✏️پێنووس

#چاپی_تازە

چیاتەرین کام نامێ بەرویری تازەو ژوان ڕەحیمی ـن، کە لایەنی وەڵاوگەو گۆتاروو سەقزیوە چاپ و خەڵاتوو کتێبیانەو هەورامانی و کوردستانی کریان، ئی کتێبە بەشێو جە داستان کۆتایەکاو ئی نویسەرێشە چەنەنی - 12 داستان کۆتایێ- کە ساڵەکاو 2716 تا 2723 نویسیەینێ، داستان کۆتاکێ سوورڕئالیسمێ و ڕئالیسمێنێ، کە بابەتێ جۆراوجۆرێ گێراوە و نامێ کتێبەکەیچ جە نامێ یۆ جە داستان کۆتایەکا گیریەینە.
چیاتەرین کام حەوتەمین بەرویروو ئی نویسەرێنە و وەڵتەر چەنەش تەرجۆمێوە، یەرێ ڕۆمانێ و دوێ دەفتەرە شێعرێ چاپێ بیێنێ.

نامێ کتێبێ: چیاتەرین کام
نویسەرە: ژوان ڕەحیمی
بابەت: داستان کۆتا
هەڵەچن: کوورش ئەمینی
سەفحە ئارایی: مدریک ڕەزایی
ڕووبەرگ: پەیام شوکری( سیپان)
وەڵاوگە: گۆتار/سەقز/2724
ئەرکی ماڵی ئی هەرمانێ: خاتوو شیوا ڕەحمانی(چریکە)

یاگێ ورەتەیو ئی کتێبی دمایی ماچیەیۆ.

نیشتە تا ڕۆجیار تەمام تاویانە وەڵاتی و خەڵک لوا نماو جمعەی، سەڵتە سیاوەکەش کەردشنە و کەوتە ڕا. دوێ مانگێ زمسانی ویەردە بێ و پاو ئەزموونی شەس، شەس و پەنج ساڵەیش، ساڵەش نەدٚیێبێ چی عانانە وەرڤەی فرێ نەوارۆ، چەنی چنها سڵام و وەشی و تشیا، کۆڵانەکێش یۆ شۆنەو یۆیرە ویەرنەی و بانەکێش پیمەی. یاوا  ئەودٚەسوو دەگای، لاش کەردەو هەر پاسە دەسش تەسبیەکاو ملیشەو بێ و یا کەریم یا ڕەحمان وەنێ نێگایێوش خشنا باڵاو دەگایرە. ڕەنگی چەرمە هەمیشەی پیری ئارێوە ویرش، هەر پاسە چێروو لچانە بە مووسیقایێو نەرم یۆرە کەرێ:
" وادەی سفیدی شکۆفەی پیرین
شکۆفەی باخچەی پیری دڵگیرین"
ڕوەش کەردەوە ڕاکێش و کەوتەوە ڕا. تا واگە ڕاوڕەو ڕاکێش بڕیێ بێ بەڵام چاولای شیام چەنی زەنگۆڵاش وەرڤەش بڕیەی، زەنگۆڵێ ناتەوانێ کە سەردای و پیری کەردێ‌بێنێ وەننەنی. پلمەو گجیە سرمەیە گوڵ تۆپەکەیش دایمە گیریێنە بەینوو پایاش و مڵۆزمەو هەنگامەکاش بێ. بەڵام هەر چن دەور و بەروو ڕاکێ چۆڵ بێ و جگەم ساختمانوو مەدرسەی و دارە دەس هاڵیەکاو پیر حەمە یۆسۆی چیوەیتەر نەپێویێ، بەڵام پاسە عادٚەتش کەردە بێ پلمەیش فرە هۆرنەدٚۆوە و وێش بە حێجاب و شەرمێو کە نریارەو دەسوو خەڵکوو دەگای بێ زەنجیر کەرۆ. لاو پیر حەمە یۆسۆی  فاتێحێوەش وەنا و دەسش گێرتەو تەسبیەکاش و کەوتەوە ڕا ،چەنی هەر هەنگامێوە یا کەریمێو وەنێ و شەوقوو لوای وەرڤەکێ چێروو پایاشنە پلتە کەرێوە. دوورەو چەمش کەوت گۆمەیزیە سەوزەکێو پیرشالیاری و جەزمێوەش کەوتنە کە هەر پاسە دەنگوو زیکرەکەیش بەرز کەرێوە هەنگامەکێچش تنتەرێ بێنێوە. پیرەژەنێوە زایفە و کۆمە، بە چەمێ کاڵێوە کە هەڵای چێروو پێلە شۆڕانە و بڕوە تەنکە کاڵەکاشنە- کە ئەجیێ ئادٚێچ بە جەزمێوە ڕوەو چەماش کێشیەی‌بێنێ- برقەشا ئەی، پی زمسانە چێشی وستێبێ ئی هەڵەتە؟ سەرچەمەو ئی جەزمەی چێش بێ، پاسە دلێڕاسەو ئاواینە هۆرش ئێزنەی بێ و دلێ چنها گەزا وەرڤێنە ڕاش پەنە بڕیێ بێ و ڕوەو پیرشالیار کێشێش؟ داخۆم وجوودٚوو گردیمانە جەزمێوە نەبۆ کە هۆرمامێزنۆوە، هەناساما درێژە مدٚۆ و زێڵیما واخوا کەرۆوە؟ داخۆم هۆکاروو هەر هەرمانێوەما- مچکلێ یا گەورێ- جەزمێوە شاریاوە نەبۆ؟!

#ژوان

بەشێوە جە ڕۆمانەو:
قووڵ پێسەو غەریبی کاڵێ

https://t.me/Zhwan1370

کناچەکێ درۆس ڤەراڤەروو منەو بێ، بەڵام ئەرەجیێ هیچ ئاگادٚارەو ئیلا و ئەولاو وێش نەبێ. دیێ، بێ ئانەی دیەی‌بۆ، خوێوە بێ هۆش و بێ ئێرادە قەراخوو لچیشنە وشک بیەبێ، پێسەو ئینەی بێ ویروو یۆی نەبیەینە بیێ‌بۆ. چاگەوە بێ؛ چەمێ خۆفناکێ  سێحربازێ، چەمانێ کە پێسەو ئینەی…

کناچەکێ درۆس ڤەراڤەروو منەو بێ، بەڵام ئەرەجیێ هیچ ئاگادٚارەو ئیلا و ئەولاو وێش نەبێ. دیێ، بێ ئانەی دیەی‌بۆ، خوێوە بێ هۆش و بێ ئێرادە قەراخوو لچیشنە وشک بیەبێ، پێسەو ئینەی بێ ویروو یۆی نەبیەینە بیێ‌بۆ. چاگەوە بێ؛ چەمێ خۆفناکێ  سێحربازێ، چەمانێ کە پێسەو ئینەی بێ لۆمەی تاڵ کەرا بە ئینسانی، چەمێ پەرۆشێ، واقێ، هەڕەشە کەرێ و وادٚە دەرێ ئادٚێم دیێ و تیشکەو ژیوایم چەنی ئی گرۆڵیە برێقەدارا و پڕ مانایا جۆتە بیە و دلێ قووڵاییشانە کێشیا، ئی جامە دڵکێشە گردٚوو بیەو منش تا واگە ویروو بەشەری ناتەوانا بە وێش کێشت، چەمێ وامینێ تۆرکمەنیێ کە نوورێو سەرە سرۆشتی و مەسکەرشا بێ، پێوەرە تەرسنێنێ و کێشێنێ. پێسەو ئینەی بێ بە چەماش دیمەنێ خۆفناکێ و سەرە سرۆشتیێش دیێبێنێ کە هەر کەسێو نەتاوێ وینۆشا. کوپێ قوتێ و تەوێڵەی زلە و بروێ باریکێ و پێوەسێ، لچێ کۆشتیێ نیمە کریایوە، ئا لچێ کە پێسەو ئینەی بێ تازە جە ماچێوە گەرمێ و درێژێ جیای بیێنێوە  بەڵام هەڵای سێرێ نەبیێبێنێ. قژێ دژیەی سیاوێ و شپرزێ دەوروو مانگەو ڕوێش گێرتەبێشا و تاڵێوەشا لکەی بێ پاڵوو گۆشیشرە، نەرمی و ناسکی ئازای و بێ مەلاباتی ئەسیری جم و جۆڵەکاش جە شلی و تاوی بیەیش واچێ. تەنیا کناچێ سەماکەرەو دێوەڵوو٭ هێندی تاوێ جم و جۆڵی ئاهەنگداروو ئادٚێش بۆ...

٭بتکده

بەشێوە جە ڕۆمانەو بایەقوشی کۆری
هۆرگێڵنایوەو بوف کور ـوو سادێق هێدایەتی

#ژوان
#سادێق_هێدایەت

https://t.me/Zhwan1370

شێعرەو: بەراسانەو باوشێ

کۆنیشتوو: تا زرێبار و دێڕێک/ مەریوان

2724/6/20

https://t.me/Zhwan1370

پاییز بێ پاییز ڕاشا!
ئەرەجیۆم هەرگیز
نەواتەبێما:
"وادەما
وەختوو یاوایو هەنگوورە دەیما"
بەڵام
دیای و
هەزاران خۆمێ ئەساتیریێ
نێگاتنە سراویەی بێنێ
دیانێ و
وجوودٚم بی
ڕەستاخیزوو
مەسی و ڕسوایی!

#ژوان

بەشێوە جە شێعرەو: کزیم کزیۆوە

https://t.me/Zhwan1370

هەواڵێ دە: مەبارەک بۆ تەقەو پایاو خەزانی مێ
ئەها بێ تۆ ڕوەم زەردە و هەواو دیدٚەیم مدٚۆ یۆرە...

#ژوان

https://t.me/Zhwan1370