2003 - yilda Fransiyada issiqlik bo’ronidan 14 ming odam o’ldi.

Issiqroq va zichroq bo’lgan Makkadagi bo’ron esa 1300ta o’limga olib kelgan.

Saudiyaliklar issiq bilan doim kurashadi. Uylarning 100%ida konditsioner bor.
Fransuzlar issiqqa o’rganmagan. Uylarning 5%ida konditsioner bor.

O’limga sabab issiqlik emas, uning kelishiga tayyor bo’lmaganlik.

Xiyonat ham shunday.

Kutmagan joyingizdan keladi. Tayyor bo’lmaysiz. Og’ir ahvolga solib qo’yadi.

Sezar, Abdulhamid II, Avrangzeb, Doro III - xiyonatdan yiqilganlar ro’yxati cheksiz.

Xiyonat qilmang. Xiyonatni kechirmang. Uzoqlarga borasiz.

Aziz Rahimov

Ko’zingizga aytib beradi
Eng ko’p vaqt o’tkazadigan 5ta odamimizga o’xshab ketamiz. (J. Rohn)

Farzandingizga qiladigan eng katta yaxshiligingiz uni to’g’ri muhitga qo’yishingiz. (Yagodkin)

10-12 yoshida aqlli bolalar bilan do’st bo’lganlar 18 yoshida IQ darajalari katta o’sgani kuzatilgan. (J.Clear)

O'zgarishimiz uchun, muhitimiz o'zgarishi kerak. Tabiiy, yaxshiroq, kuchliroq muhit xohlaymiz. U muhitdagilar esa o’ziga o’xshaganlarni yaqinlashtiradi.

Shu tufayli u muhitga kira olmaymiz. Nima qilish kerak? Yechim nima?

Kitob. Biografiyalar. Buyuk insonlarning hayot yo'llari.

Navoiy, Rumiy, Avreliy, Aflotun, Seneka, Dostoevskiy… (Jobslar-u, Masklar ham bo'laveradi)

O’rtog’ingiz bilan gaplashsangiz baribir hayotini aytib beradi. Kitoblar ham shu. Qulog’ingizga emas, ko’zingizga aytib beradi xolos.

Bu ham yaxshigina muhit beradi.

-Keyinchi? Keyingi qadam nima? Yaxshi odamlar muhitga qanday o’taman?

Buyuklardan ilhomlanib yashashni boshlang. Muhitni o’zi sizni qidirib keladi.

📝Aziz Rahimov

Raqamlar haqiqatni gapiradi!

Ortiqcha vaznni yo'qotishga qo'yilgan eng samarali qadam parhez yoki badantaribaydan ko'ra, inson oynadagi o'z aksiga tik qarab ortiqcha vazni borligini tan ola bilishdir.

Xuddi shunday, moliyaviy holatni yaxshilashga qo'yilgan eng birinchi qadam har tongda bank raqamingizga qarab, holatingizni to'g'ri baho bera olishingizdir.

Universitetda o'qib yurgan paytlarim, "sonlar meni sohamda (marketing) kerak emas. Kreativ bo'lishni o'zi yetarli" degan gaplarni o'zimga aytib, moliya, buxgalteriya, statistika kabi fanlarni olishdan qochganman.

Hozir esa sonlar bilan do'stlashish nafaqat ma'lum bir sohada o'sish, balki hayotdagi qiladigan katta-kichik qarorlarga ham ta'sir qilishini tushundim.

Qo'lingizdagi telefondan tortib yashayotgan uyingizgacha sonlar va ularni to'g'ri yig'indisidan tashkil topgan.

Yaqinda Millat Umidi Universiteti asoschisi ustoz Umid akani bergan intervyusida "Hisob-kitobni bilgan odam biznesni tilini bilgan odam hisoblanadi va shuning uchun universitetdagi talabalarimizni sonlar bilan do'st qilishga harakat qilamiz" degan gaplarini eshitib qoldim.

Har qanday ta'lim dargohi, o'quvchilarni sonlar bilan yaqinlashtirishi shart deb o'ylayman.

Chunki sonlar aniq va sovuq. Unga tik qaray olsangizgina sizda o'zgarish bo'ladi.

Qochish o'rniga do'stlashing. Sizga kech bo'lgan bo'lsa, farzandlaringizni do'stlashtiring.

Afsuslanmaysiz!

#xulosalar
📝Shahbozbe Dolimov

@Bizness_SchooI

Tadbirkorlikka yaqinlashgan bo'lasiz
Yaxshi xodim bo’lish haqida postlar yozdim. [1],[2],[3]

Yoshlar xodim bo’lib qolaversinmi? Tadbirkor bo’lishga ham undamaysizmi? mazmundagi izohlar tushdi.

Do’stlar, kuchli tadbirkorlik - kuchli xodim bo’lishdan boshlanadi.

Nvidia asoschisi Jensen Huan birinchi ishidagi eng yaxshi tozalovchi va eng yaxshi ofitsiant bo’lganini aytyapti.

Alibaba asoschisi, milliarder, Jack Ma yaxshi o'qituvchi bo'lgani, o'quvchilari uni sevgani haqida ko'p gapiradi.

Do’stimiz Jahongir Pulatov moykada ishlaganini hamma bilsa kerak. Ishlaganini ko’rgan aka aytgandi — u ham eng zo’r ishchi bo’lgan.

Jamoada ishlash tajribasi yo’q odamga tadbirkor bo’ling deb, faqat tadbirkorlik kursini sotuvchilar to’g’ridan-to’g’ri aytadi.

Tadbirkorlik noma’lumlikdan iborat. Ma’lum ishlarni qoyillatmaganlar, noma’lumlarini o’xshatishiga shubham bor.

Ishlayotgan joyingizda 100% eng zo’ri bo’ling. Tadbirkorlikka 85% yaqinlashgan bo’lasiz.

?azizkrakhimov

@Bizness_SchooI

Harakatdan to’xtamang!

Harakat qilayotgan bo’lsangiz, xato qilasiz.

Xato qilsangiz, to’g’irlash uchun ilm o’rganasiz.

Ilm o’rganib, xatolaringiz to’g’irlanadi.

To’g’irlangan xatolardan xulosalar qilasiz.

Xulosalaringizni boshqalar bilan ulashasiz.

Undan boshqalar ilhomlanadi.

Ilhomlansa ular ham harakat qiladi.

Harakat qilsa xato qiladi.

Xatolarini to’g’irlab boshqalar bilan ulashadi.

Sizni harakatingiz minglab insonlarni harakatlantiradi.

@Bizness_SchooI

Javobi o'zingizda bor…

Eng yomoni hammadan qochish emas o‘zingizdan qochish.

Eng yomoni boshqalarni aldash emas, o‘zingizni aldash.

Eng yomoni boshqalar oldida hurmatni yo‘qotish emas, o‘z oldingizda hurmatingiz yo‘qolishi.

Eng yomoni birovlar bilan bo’lganda noqulaylik his qilishlik emas, o‘zingiz bilan o‘zingiz qolganda noqulay bo‘lishlik.

Paskalni ajoyib bir gapi bor:

“Insoniyatni jamiyki muammosi, xonada yolg‘iz, jim o‘tira olmasligidan kelib chiqadi”.

Sizni qiynayotgan ko‘p savollarga javob O'Zingizda bor. O'sha O'Zlikni gapiritirish uchun esa u bilan qorong'i xonada yolg‘iz qolib gaplashib olish kerak, tamom!

?shahadolimov

?Vaqt tez o‘tib ketyaptimi yoki biz vaqtni tez o‘tkazib yuboryapmizmi?

Ushbu video inson naqadar qo‘rqinchli darajada ijtimoiy tarmoqlarga qaram bo‘lib qolganligi va bu odat qay darajada inson hayotini barbod qilib turganligi haqida.

Ishonamanki, ushbu video raqamli iste'mol madaniyatingizni qaytadan ko‘rib chiqishingizga va ma'noli hayot kechirishingizga yordam beradi.

? Raqamli qullar. Nosog'lom jamiyat:
https://youtu.be/D9t2Zj1zYzc

Va’dalar sotuvi

19-asrda Klark Stanley Xitoyliklarda ilon yog’ini ko’rib qoladi. Amerikada tarqalmagan bu yog’ni sirli da’vo sifatida sotishga o’tadi.

Rostdan ham og’riq qoldiradigan yog’, boshida og’riq qoldiruvchi sifatida sotiladi.

Keyinchalik va’dalar kattalashadi. Terini go’zallashtirish, istalgan og’riqni qoldirish, qon aylanishi, psorias kasalliklari. Oxiri revmatism va artrit (tuzalishi hozir ham qiyin bo’lgan)ni ham tuzatadi deb sota boshlaydi.

Va’dalar kattalashgan sari savdosi ham oshaveradi.

Oxiri idishlar ichida ilon yog’i emas oddiy yog’ solishni boshlaydi. Chunki Klark bitta oddiy haqiqatni tushunib qoladi:

Odamlar - sodda, natijaga erishadimi yo’qmi farqi yo’q. Oson erisha olishini va’da bersang bo’ldi.

Ilon yog’i yo’qolib ketdi. Uni sotuvchilar esa yo’qolmadi. Shirin hayot, 1 oyda mashina olish, hamma kasallarga da’vo, tez boyish. Yangi sotuvchilar nima deb sotayotganini ahamiyati yo’q.

Ular aslida faqat ushalmaydigan va’dalar sotishmoqda xolos.

Alohida mavzuning yangi sonida infoqalloblar haqida gaplashdik.

Aziz Rahimov

*?*Agressiv munosabatga xotirjamlik bilan javob qaytarish.? Sizga tashlanayotgan (baqirayotgan, g'azab bilan gapirayotgan) odam, sizdan ham huddi ana shunday munosabatni kutadi.

? Agarda siz unga sovuqqonlik bilan javob qaytarsangiz, xotirjam bo'lib gapirsangiz, u darhol o'ziga keladi va katta ehtimol bilan, muammoni tinch yo'l bilan hal qilishga o'tadi.

*?*Asosiysi, uning tuzog'iga tushmaslik.

Ko'p yo’qotadigan narsangiz bormi?

Zapravkada navbatda turibsiz, navbat - 200 metr. Bittasi orqadan kelib sizdan oldin o‘tib ketdi. Nima qilasiz?

Internetda tarqalgan videoni ko‘rgandirsiz, odamlar birlashib qizil kiyimdagi bolani urib, bolani miya chayqalishiga olib kelishdi.

Balkim siz ham jismoniy vahshiylikka borarsizdir, chunki: hali yoshsiz, urishni bilasiz, vaqtingiz ko‘p va yo‘qotadigan narsangiz kam.

Endi vaziyatni o‘zgartiraylik: oilangiz va 20 xodimingiz bor. Bittasini urib 2 oy o‘tirib chiqsangiz, siz yo‘qligingizda qiynaladigan yaqin odamlaringiz bor.

Endi siz yo‘qotadigan narsalaringiz ko‘paydi, sizning qaroringizni qiymati oshdi. Riskni kamaytirasiz va ko‘proq o‘ylashni boshlaysiz.

Eng noto‘g‘ri qaror - yo‘qotadigan narsasi yo‘qlar bilan konfliktga borish, ular sizga kattaroq jabr yetkaza oladi.

Bu qoidani men faqat ko’chada emas, balkim biznesda ham qo'llayman.

Ravshan Turgunov

@Bizness_schooI