Telegram 11.6 par Android, iOS, macOS e 5.10 par Desktop.Programi de fiłiasion
• Tuti i utenti e i canałi de Telegram i połe vadagnar stełe co i programi de fiłiasion.
• So ła sesion Saldo stełe se połe védar tuti i programi disponìbiłi, sernir i propi prefarìi e tacar a sparpagnàrghine i link.
• Co calchedun el dòpara el link de fiłiasion de na mini apl par acédarghe e el ghe spende stełe rento, ghe vegnarà dà na comision a chi che'l gà sparpagnà el link.
• Calsìase dezviłupador de bot o mini apl el połe tacar el só programa de fiłiasion e spesifegar che comision darghe a chi che partèsipa e par cuanto tenpo dàrgheła.

Reserca figurete co IA
• Grasie a un mòdeło IA parsonałizà el paneło de łe figurete el suporta reserche pì conplese e co pì parołe ciave.

Conpozision so łe storie
• So łe storie deso se połe conbinar fin a 6 foto e video in struture defarenti.

Testi sora i media
• I testi de i media i połe èsar spostài insima grasie a'l boton novo "Movi testo par sora".Regałi da cołesion
• I regałi i połe èsar ajornài a NFT da cołesion.
• I regałi da cołesion i gà variasion spesiałi par farli deventar ùneghi e i podarà èsar scanbiài co i utenti o mesi in asta.

Reasion so i mesaji de servisio
• Co se verìfega un evento so na chat de Telegram, vien jenerà un mesajo de servisio.
• I mesaji de servisio deso i suporta ła zonta de reasion.

Tamizi de reserca par i mesaji
• Ła zbara de reserca ła parmete de catar rezultài so calsìase chat.
• So ła scheda Chat ze stà zontài tamizi par sercar soło so chat privàe, grupi o canałi.

Verìfega de sojeti tersi
• Parsonaji pùbleghi e organizasion verifegàe da Telegram i połe verifegar a só volta utenti e chat par redùzar trufe e dezinformasion.
• Chat e utenti verifegài da sojeti tersi i gavarà na icona blè prima de'l nome.

Emoji parsonałizàe so łe cartełe
• Łe cartełe chat deso łe suporta anca łe emoji parsonałizàe.

Łetor de còdazi QR integrà
• Ła fotocàmara integrada de Telegram ła reconose i còdazi QR.
• 'Sta funsion ła parmete de vardar i link QR direti rento a Telegram co'l só browser integrà.

Stabiłidà econòmega de Telegram
• Grasie a i ùltemi ajornamenti, Telegram el ze rivà a poderse mantegner da soło.
• 'Sto rezultà el ghe parmetarà de restar independente e protèjar ła reservadesa de i utenti.
Bon 2025!

Dòpara Telegram da profesionista!
Varda tuti i "sujerimenti de Telegram" traduzesti!

Telegram 11.4 par Android, iOS, macOS e 5.8 par Desktop.Mini apl 2.0
• Modałidà a schermo pien: łe mini apl łe połe doparar el schermo intiero, in vertegałe o orizontałe, par poder doparar intefase pì grandi e pì comandi.
• Trasamento de'l movimento de'l dispozidivo: łe mini apl łe połe resevar info so'l movimento de'l dispozidivo, par zontar comandi ùneghi.
• Scurtarole so'l dispozidivo: par acédar in presa a i propi zoghi e servisi prefarìi.
• Aceso a ła jeołogałizasion: i dezviłupadori i połe crear zoghi bazài so ła pozision o mape interadive par eventi.
• Regałi da łe apl: co łe só stełe, łe apl łe połe mandarghe regałi a i utenti cofà reconpensa par 'ver conpletà obietivi o èsar rivài a traguardi inportanti. A i utenti ghe ze anca stà zontada na inpostasion de reservadesa par controłar chi che połe mandarghe regałi che conparirà so'l só profiło.
• Emoji de stado da łe apl: i utenti Premium i połe inpostar ła propia emoji de stado da rento łe mini apl par farghe saver a tuti cosa che i ze drio far. Łe mini apl łe połe mudarghe l'emoji de stado in automàtego drio ndove che ze i utenti o cosa che i ze drio far.
• Sparpagno de media: łe mini apl łe połe crear contegnùi o media parsonałizài da sparpagnar so łe storie o so calsìase chat.
• Creasion de documenti: par poder descargar file e documenti jenerài da łe mini apl cofà media profiło creài da IA o file àudio.
• Piani de abonamento: i dezviłupadori i połe dimandar stełe par poder doparar ła só mini apl o i só prodoti dijitałi.
• Schermada de cargo: i dezviłupadori i inpostar icone e cołori parsonałizài so ła schermada de cargo de łe apl.
• Informasion so l'hardware de'l dispozidivo: cusì łe mini apl łe połe regołar in automàtego łe inpostasion e otemizar ła gràfega par aumentar łe prestasion e mejorarghe l'espariensa de dòparo a i utenti.

Dòpara Telegram da profesionista!
Varda tuti i "sujerimenti de Telegram" traduzesti!

Telegram 11.3 par Android, iOS, macOS e 5.7 par Desktop.Funsion video mejoràe
• Par cargar pì in presa i video che se varda e sparagnar dati, so i canałi pì grandi vien sełesionada in automàtego ła resołusion de reprodusion, drio ła cuałidà de ła propia conesion.
• Se połe sernir ła cuałidà de reprodusion de i video anca a man strucando so ⚙️.
• Deso so iOS se połe pasar a ła modałidà imàjine-so-imàjine zlisando el video par alto.
• Se połe mudar ła vełosidà de reprodusion de i video co sesti novi: tegnendo strucà el video zlisando par dreta o sanca.
• So Android strucando do volte so un łato de'l video se połe farlo saltar vanti o indrìo de 10 segondi.

Funsion de mudansa mejorada
• Mudando un mesajo dezà mandà deso se połe zontarghe un media in presa.
• I mesaji mudài deso i gà un marcador de tenpo co scrito a che ora che ghe ze stà fazesta l'ùltema modìfega.

Hashtag spesìfeghi par chat
• Ze stà zontà un formà novo de hashtag, par sercar rezultài soło so chat spesìfeghe.
• Co se scrive un hashtag so'l canpo de scritura de na chat pùblega, salta fora un menù spesiałe par zontarghe in presa el nome utente de ła chat.

Mudanse so bot e mini apl
• Deso anca i bot e łe mini apl łe podarà 'ver reclan, in magnera che i só dezviłupadori i posa finansiar el só łavoro.
• I bot i połe mandar agratis 30 mesaji par segondo a i só utenti, da uncó i só dezviłupadori i połe farghe mandar via fin a 1000 mesaji a'l segondo doparando łe stełe de Telegram.

Contador de reasion
• Par saver el nùmaro presizo de un tipo de reasion zontàe so un mesajo basta tegner strucada na reasion a volta.

Dòpara Telegram da profesionista!
Varda tuti i "sujerimenti de Telegram" traduzesti!

Telegram 11.2 par Android, iOS, macOS e 5.6 par Desktop.Regałi
• Deso i utenti i połe mandarse regałi doparando mesaji parsonałizài e òpare d'arte anemàe.
• Co se reseve un regało se połe farlo védar so ła nova scheda Regałi de'l profiło o convertirlo in stełe da poder spéndar so altre robe.
• Se se manda un regało se połe sernir de scóndar el nome, inte'l cazo che'l vegne publegà so'l profiło.

Piataforma de verìfega
• Calsìase dita, apl o sito el połe mandar còdazi de verìfega de'l nùmaro de tełèfono de i só utenti co Telegram.
• I còdazi de verìfega de Telegram i ze pì ràpidi, pì econòmeghi, pì seguri e convegnenti de i SMS.
• I utenti i resevarà i còdazi so na chat spesiałe de Telegram.

Interfasa de segnałasion mejorada
• I moderadori i cava via miłioni de contegnùi che i và contro łe condision de servisio de Telegram.
• Par mejorar el servisio so'l menù de segnałasion ze stà zontàe tante opsion in pì.

Tanto altro
• So iOS ze stà mejoràe łe ciamàe video par aumentar łe prestasion e ła durada de ła batarìa.
• So Android ze stà zontà el suporto par łe trazmision in direta co apl esterne.

Dòpara Telegram da profesionista!
Varda tuti i "sujerimenti de Telegram" traduzesti!

Telegram 11.1 par Android, iOS, macOS e 5.5 par Desktop.Concorsi co łe stełe
• Cofà premi par i concorsi se połe métar in zugo abonamenti Premium, ojeti reałi e deso anca łe stełe.
• Se se vinse łe stełe se połe spéndarle par media da pagar, abonamenti par i canałi, so zughi o mini apl.
• I concorsi i ze prepagài, trasparenti e co inpostasion parsonałizàbiłi.

Vizion imediada so'l browser Telegram
• Ła vizion imediada ła otemiza in automàtego i artìgołi de łe pàjine web par i dispozidivi.
• El browser integrà de Telegram el połe convertir calsìase artìgoło inte na strutura pì łejera da cargar e da łèzar.
• Par vardar na pàjina in vizion imediada basta ndar so'l menù de'l browser e sełesionar Mostra co vizion imediada.

Tanto altro
• Ze stà postài racuanti bai e mejorà łe prestasion de l'apl.
• Ze stà mejoràe łe mini apl in magnera che łe sipie pì reative e co pì opsion par i dezviłupadori.
• Ze stà cavada via ła funsion Parsone visine, na funsion vecia che ła vegnéa doparada da'l 0.1% de i utenti Telegram.

Dòpara Telegram da profesionista!
Varda tuti i "sujerimenti de Telegram" traduzesti!