​​​​Рамазонда таомланишнинг 10 та олтин қоидаси
@savollar_kanal

Узоқ муддатли очликдан сўнг, мазали таомларга тўла ифтор учун безатилган тўкин дастурхон Рамазонда соғлом овқатланиш хақидаги орзуларимизни чеклаб қўйиши мумкин. Агар тўғри амалга оширилса, Рамазон рўзаси соғлигимиз учун кони-фойда, акс-ҳолда, инсон саломатлиги учун зарар бўлиши мумкин.

Рамазонда соғлом овқатланиш кераклигини ва фақат янги масаллиқлардан таом тайёрлаш жоизлигини ёддан чиқармаслик керак.

Ушбу Рамазон ойида соғлом овқатланиш учун қуйидаги маслаҳатларга амал қилишингизни тавсия қиламиз:

1. Овқатланишни хурмодан бошланг. Хурмолар - оқсилларнинг манбаси бўлиб, фақат бир кунга етувчи қувват берувчи таомдир. Хурмо толалари овқат хазм қилиш тизимининг вазифаларини ўз назоратига олади. Шунингдек., хурмолар магний ва калий моддаларига бойдир.

2. Кўп сув ичинг. Бу йил Рамазон ёзнинг чилласига тўғри келади, шунинг учун, бадан жазирама об-хавода сувсизланиб қолмаслиги учун етарли миқдорда сув ичинг. Саҳарликдан кейин ва тонггача, кун давомида чанқаб қолмаслик учун кўпроқ сув ичиб олинг. Хали овқатланиш мумкин бўлган вақтда 8 стакан сув ичишга ҳаракат қилинг. Чанқоқликни чақирувчи меваларни ейишдан сақланинг. Бадандан чанқоқлик ҳиссини уйғотувчи сабзавотларни ҳам камроқ енг. Тузли махсулотларни, хусусан, тузланган консервалар, ёнғоқлар, бодринглар, балиқларни еманг. Шунингдек, зираворлари кўп бўлган таомлардан ҳам чекланинг, улар ҳам чанқашга сабаб бўлади. Кўпроқ мевалар ва сабзавотларни истеъмол қилинг, чунки улар организмдаги сув захирасини тўлдиришади.

3. Секинлик билан таомланинг. Узоқ оч бўлишликдан кейин кўп миқдорда таомланиш бадан учун стрессдир. Иложи борича, ўрталикка риоя қилинг, ифторни хурмо билан бошланг, сўнг сув ичинг, ундан кейин эса шўрва ва салат ейиш мумкин. Озроқ муддат ўтказиб асосий таомни ейишга киришса бўлади. Ортиқча таомланиш овқат хазм қилишдаги муаммолар ва ошқозондаги оғриққа сабаб бўлиб қолиши мумкин. Ифторни иссиқ шўрва билан бошлашлик, узоқ очликдан кейинги энг яхши таомланиш ҳисобланади, чунки, у организмдаги озуқавий моддалар захирасини тўлдиради ва баданни асталик билан қаттиқроқ таомга тайёрлайди.

4. Овқатингизда барча дармондорилар бўлишига ишончингиз комил бўлсин.

Ифторда оқсиллар, сабзавотлар, мевалар ҳамда фойдали ёғлар бўлиши керак.

6. Фойдали махсулотларни танланг ва улардан фойдаланинг. Рационингизда ёрма, кўкрак гўшти, ёғсиз гўшт, балиқ, зайтун мойи ва мевалар бўлсин.

7. Қовурилган, тузланга ва ўта ёғли таомларни чекланг. Гўшт, тухум ва сут махсулотлари оқсилга бой ҳисобланади. Юқоридаги махсулотлардан ҳеч бўлмаганда биттасини истеъмол қилиш керак.

8. Ширинликлардан ҳам чекланинг. Ширинликлар ифтордан кейин қоринда дамланишга сабаб бўлади ва овқат хазм қилишни ёмонлаштиради. Бундан ташқари, у қон таркибидаги глюкоза миқдорини ошириб юборади, натижада ширинликка бўлган талаб яна ортиб кетади. Шунинг учун, ширинликни ифтордан 2-3 соат кейин истеъмол қилиш тавсия этилади. Лекин энг яхшиси ширинликнинг ўрнини ширин хурмолар, қуруқ мевалар ва мевалар билан босиш керак.

9. Рамазонда кофе миқдорини камайтириш керак, акс ҳолда у бош оғриғи ва уйқусизликка сабаб бўлиши мумкин.

10. Рамазонда уч қисмли овқатланиш ҳам мухим ўрин тутади. Асосий таомни уч қисмга бўлинг. Учдан бири - кучли оқсиллар, яна учдан бири - ёғсиз гўшт ва балиқ, қолгани эса сабзавотлар бўлсин. Бу овқатланишдаги соғлом мўтадилликка сабаб бўлади.

Дўстларингизга ҳам улашинг!
Каналга уланиш???
https://telegram.me/joinchat/AB-BFjwdJ4fhMs8oXD2ZCA

https://telegram.me/joinchat/AB-BFjwdJ4fhMs8oXD2ZCA

Бир бинонинг зинасида, ёқлари олдига шляпаси ва “Мен кўрман, илтимос ёрдам беринг“ деб ёзилган тахтачасини қўйиб, кўр одам ўтирар эди.
Бир ўткинчи, шляпасида бор йўғи бир неча танга бўлган ногиронни кўриб, унга яқин келди ва тўхтади. У шляпага икки танга ташлади ва тиланчидан изн олмасдан тахтачадаги ёзувни ўчириб, бошқа сўзларни ёзиб қўйди ва йўлида давом этди.
Кун охирлаганда у қайтиб келди ва шляпа тангалар билан тўлиб кетганини кўрди. Кўр одам уни қадам товушларидан таниб, “Тахтачадаги ёзувни қайтадан ёзган киши сиз эмасми?“ - деб сўради. У яна, тахтачага нима деб ёзилганини билишни истади. Ўткинчи:
- Ёлғон саналадиган ҳеч нима ёзганим йўқ. Мен фақат тахтачадаги ёзувни бироз бошқачароқ қилиб ёздим холос,- деб жавоб берди. 
У жилмайиб қўйди ва кетди. Тахтачадаги ёзув қуйидагича эди:
"Ҳозир баҳор... Лекин мен уни кўра олмайман..."

https://telegram.me/joinchat/AB-BFjwdJ4fhMs8oXD2ZCA

Олдингдаги овқатни камчилигини гапирма, Овқатсиз юрганлар қанча....

Каналга уланиш учун ???
https://telegram.me/joinchat/AB-BFjwdJ4fhMs8oXD2ZCA

**Ҳафта ичра турли кун,
Турли саҳар, турли тун.
Энг муқаддас, нурли кун
Жума айём муборак!

Дард кимда, қайғу кимда,
Бахт кимда, туйғу кимда,
Шодлик қалби муслимда
Жума айём муборак!

Динимиз доим омон,
Дилларда ишқу имон.
Эй муҳтарам мусулмон,
Жума айём муборак!**

•┈•┈•┈•┈•❁✿❁•┈•┈•┈•┈•
Каналимизга уланинг?
https://telegram.me/joinchat/AAAAAENwFkemWspBvvvGKQ

Жума айёми муборак азизлар!
? @mazmunli_sozlar

Инфекция қуйидаги йўллар билан юқиши мумкин:

— соғлом одам бемор билан тўғридан-тўғри мулоқот қилганида ва кўришганида (кўпинча ўпич орқали);
— ҳаво заррачалари ва кундалик буюмлар (умумий ишлатиладиган тозалик буюмлари-сочиқ, тиш чўткаси ва идиш товоқлар) орқали;
— йўлдош орқали (зарарланган онадан ҳомилага), инфекция туғруқ пайтида ҳам юқиши мумкин;
— жинсий йўл билан юқиш охирги пайтда кўпроқ учрамоқда.

Жинсий аъзолар герпесини келтириб чиқарувчи вирус шунчаки кайфиятингизни бузиб, ташвиш туғдирибгина қолмайди, у ҳақиқатан ҳам хавфлидир.
Герпес аёлларда бачадон бўйни, эркакларда эса простата бези аъзосида ўсма касалликлари келиб чиқишига мойиллик туғдирар экан. Бундан ташқари касаллик бола тушишига, ҳомиланинг нуқсонли туғилишига, кўзнинг оғир зарарланиши ёки бўлмаса янги туғилган чақалоқлар организмида нуқсонлар бўлишига сабаб бўлади.
Касалликнинг йилда бир неча маротаба такрорланиши, баъзида эса тез-тез қайталаниши беморнинг руҳий ҳолатига албатта салбий таъсир этади. Гоҳо касаллик невроз ва депрессияга мойиллик туғдиради.

@VisionUz

Nonning kletchatkalar va foydali mikroelementlarga boy bo‘lgan turlari ozishga yordam beradi. Maqolamizda nonning foydali turlari to‘g‘risida o‘qiysiz.

Javdar non

Ozish uchun davlat standartlariga asosan tayyorlangan “Borodino javdar noni”ni izlash yaxshiroq. Bu nonda kaloriya oq nonga qaraganda 20% kamroq va kletchatkalar esa 4 marta ko‘proq.

Zig‘ir urug‘li non

Zig‘ir urug‘lari kletchatkalarga va yog‘ kislotalariga boyligi bilan juda mashhur. Ularda boshqa non turlarida kam uchraydigan selen, kaliy, marganets kabi ko‘plab foydali moddalar mavjud. Zig‘ir urug‘i qo‘shilgan mahsulotlar juda past glikemik indeksga ega. Bu uning ozish uchun mukammal vosita hisoblanishiga asos bo‘ladi.

Suli non

Nonning  bu turi tarkibida glyuten bo‘lmaydi va sog‘liq uchun foydali hisoblanadi. Shifokorlar uni organizmdagi “yomon” xolesterinlar darajasini kamaytirish xususiyati uchun yaxshi ko‘rishadi.

Suli nonida glikemik indeks juda past, shuning uchun u ishtahani nazorat qilishga yordam beradi.

O‘stirilgan bug‘doydan qilingan non

Tabiiy xamirturushlar va tozalanmagan unlar asosida tayyorlangan nonlar, afsuski kamdan-kam uchraydi. Bunday nonlar xususiy non tayyorlanadigan joylarda pishirilishi mumkin.

@Visionuz

Kordovadagi Reproduktiv tibbiyot markazi olimlarining tadqiqotlari natijalariga ko‘ra, simsiz tarmoqlar (Wi-Fi) taratayotgan elektromagnit nurlanishi erkaklar sog‘ligi uchun xavflidir, deb yozadi mobinfo.uz sayti. Aniqlanishicha, mazkur nurlar erkaklar urug‘ining sifatiga salbiy ta’sir ko‘rsatadi.

O‘tkazilgan ilmiy tadqiqotlarda Wi-Fi tarmoqlari va erkak urug‘ining sifati orasida bog‘liqlik mavjudligi aniqlandi. Tajribalarda turli yoshlardagi o‘ttiz nafar ko‘ngilli erkak ishtirok etdi. Ularning har biridan biomaterial namunalari olindi. Tekshiruvga olingan urug‘larning har biri ikki qismga ajratilib, birinchi qismi Wi-Fi tarmog‘iga ulangan noutbuk yoniga to‘rt soatlik muddatga qo‘yib qo‘yildi. Ikkinchi qismi ham xuddi shunga o‘xshash sharoitlarda, faqat Wi-Fi to‘lqini yo‘q joyda shuncha muddat saqlab turildi.

Tajriba yakunida birinchi guruhdagi – Wi-Fi to‘lqini hududida saqlangan namunalar tajriba avvalidagi holatiga nisbatan jiddiy o‘zgarishga uchragani aniqlandi. Ulardagi erkaklik urug‘lari harakatchanligi chorak qismga – 25 foizga kamayganligi ma’lum bo‘ldi. Shuningdek, ulardan to‘qqiz foizining hujayrasida DNK o‘zgarishlari ham qayd etildi.

Ikkinchi guruhdagi urug‘larda esa harakatchanlik tajriba boshidagiga nisbatan 14 foizga kamaygan, hujayrasidagi DNK buzilishlari bo‘lsa atigi uch foizida uchragan. Shu vaqt oralig‘ida halok bo‘lgan urug‘ hujayralari soni bo‘yicha esa birinchi va ikkinchi guruhlardagi namunalar orasida aytarli farq sezilmagan.

Tadqiqot mualliflarining ta’kidlashicha, bu borada erkaklarga shunaqa maslahat berish mumkin: Wi-Fi yoqiq bo‘lgan qurilmalar, jumladan smartfonlarni bel sohangizdan imkon qadar uzoqroq tuting!

@VisionUz