يال هاشم...آنه زينب يال هاشم
نعشي عوزة امتون خوة
گلبي من الهم تلوة
بين ناس ابلا امروة...ما ايصير الموت لازم

ما اتعدي الليلة اضنهة
اشتذكر السلبوا ضعنهة
ونّت و شيفيد ونهة...الشافت اركاض الفواطم

هاا يخوتي...وينكم هالليلة عن زينب يخوتي امتانيتكم و انتظر و امعطلة موتي
راح صوتي و ماكو ليرد راح صوتي
♕♕♕♕♕♕♕♕♕♕♕♕♕♕
يا اجروحي...يا حسرتي و يا اجروحي
والله يهلي الليلة ميتة
و نعشي مطروح ابغربتة
وينة اخوي الكافل اختة...والله طلعت مني روحي

غربة هذا الشام غربة
و بت علي الملچومة صعبة
بس طلب هالليلة اطلبة...تعتنوني و يهدة نوحي

هم صحتهة..."وين طالب ثار زينب" هم صحتهة
وين يا عباس زينبكم عفتهة
بين غربة و هاي ديرة الما ردتهة
♕♕♕♕♕♕♕♕♕♕♕♕♕♕
طال عمري...أرد اموتن طال عمري
هاا يهل زينب چبيرة
زينب و لساعة اسيرة
حيرة فرگتكم يحيرة...بيهة راح اهناك خدري

لسة بالطف دمعة الية
لسة و احچايت سبية
ما گضت يهل الحمية...منهة خلّص حتى صبري

بالخرابة...أسمي ظل اهناك يهلي بالخرابة
موت درب اليسر و اشيحمل عذابة
بين كوفة و شام گلبي انهد عتابة
♕♕♕♕♕♕♕♕♕♕♕♕♕♕
الشام غربة...اخذوني منهة الشام غربة
ابديرت البيهة سبوني
شلون اموت و يدفنوني
لا يخوتي اتلاحگوني...غربة والله الشام غربة

ابكربلة اخذوني ابكتركم
و گبري خيرافگ گبركم
آنه اختكم و انتظركم...وحشة يهلي الشام دربة

امتانيتكم...يهلي لا تبطون يهلي امتانيتكم
عاد بآخر ليلة ارحموا ابحال اختكم
گبل جية موتي يخواني ردتكم
♕♕♕♕♕♕♕♕♕♕♕♕♕♕
حسين علي الزهيري

يحسين اجيتك حافية..ما بية اشوف و غافية
يحسين خوية
جيتك يبعد اعيوني...كل خوفي لا يسبوني
يحسين خوية
گوم و دشوف اعيالك...عالغبرة من يبرالك
يحسين خوية

يا خوية أجيتك بين النار
ما بية أشوف و گلبي احتار
يا بعد العمن يا بعد الروح
لخيامي ردت واحد نغّار
♕♕♕♕♕♕♕♕♕♕♕♕♕♕
يحسين اجيت اشكيلك...بچفوفي صرت اوميلك
يحسين خوية
كونك شفتهة اچفوفي...ارحمني و ارحم شوفي
يحسين خوية
بس خل اصدلك سالم...ما أدري ميت نايم
يحسين خوية

يا حيلي ترد حيلي امن اتگوم
يالبيكم خدر زينب ملزوم
عاذرتك لچن يبن امي شلون
بالهيمة عفت ضعنك مهظوم
♕♕♕♕♕♕♕♕♕♕♕♕♕♕
الما صايرة و لا دايرة...هدت علينة الغايرة
يحسين خوية
و صوت الفزع من سمعن...نسواني بالبر طلعن
يحسين خوية
امن الخيمة اجيتك راكضة...اگبالي الحوافر عارضة
يحسين خوية

الخاطركم ركضت ابين الناس
و عالتلة اشبچت عشرة اعلة الراس
كل ظني امن اصيح آنه اتسمعون
لا أنتة الگمت لا رد عباس
♕♕♕♕♕♕♕♕♕♕♕♕♕♕
ياهو البعد نمشيلة...و وكت المسة اشباقيلة
يحسين خوية
گرّب ظلام الهيمة...و ما عدنة حسبة خيمة
يحسين خوية
حرگوهة كل اخيمك...منعونة نگعد يمك
يحسين خوية

ردناهة نظل يمك و انّام
ما ردنة العذب لا ردنة اخيام
ما عدنة وكت بس هذا الليل
و صبح الله نغرّب لرض الشام
♕♕♕♕♕♕♕♕♕♕♕♕♕♕
طر الفجر يبن امي...راح امشي و آنه ابهظمي
يحسين خوية
ايتام و حرم مچتوفة...و النية لرض الكوفة
يحسين خوية
و الحيرت محتارهة...شام الهظم و اخبارهة
يحسين خوية

من هسة و افكّر بيهة شلون
عالهزلة تطب للشام ام عون
مو گدري أمّر ابذاك السوگ
يا خوية و تصد الضعني اعيون
♕♕♕♕♕♕♕♕♕♕♕♕♕♕
حسين علي الزهيري

مجبورة من عفتك
لو بيدي جا شلتك...وياية عالنوگ
لو بيدي ماعوفك
توميلي بجفوفك...و عالغبرة محروگ
حگك على اعيالك
محد ركض شالك...و ظليت مسحوگ
بس يا عزيز اهلك
منعونة نوصلك...و گادونة للسوگ

ابكلهن يبعد ام عون مجبورة
شتصير اختكم والله معذورة
و جسمك توزع بالفلة
ابكل وصلة خوية ابكربلة
بيهة لگيتك و آنه مكسورة

ما بية حيل...و اجدامي تعبانه
آنه العزيزة آنه...گوم امشي ويانه
الغربة يخوي...ترضاهة ماشوني
للضيم عفتوني...و محتارة بضعوني
♕♕♕♕♕♕♕♕♕♕♕♕♕♕
يبن امي من رحنة
گوم اشكثر صحنة...بس خوية شتگوم
من كل كتر تنزف
و من التعب ترجف...و الحافر ايحوم
مروني من يمك
و اشگد صحت بسمك...و دلالي مهظوم
و كلما أصيح افزع
اتگوم و ترد توگع...من كلشي ملچوم

ماريد اصيحك و الچم اجروحك
ماريد ازيدن دمعك و نوحك
بس خوية حگي لو صحت
چا غير عالهزلة رحت
راحت غريبة اعلة الهزل روحك

حل الوداع...و مامش بعد رجعة
طفولي چم شمعة...شفت اخوتي صرعة
فوگ التراب...چم جثة عريانه
و فوگ الهزيلة آنه...تعبني الامتانه
♕♕♕♕♕♕♕♕♕♕♕♕♕♕
من خلصت اوياكم
و عالغبرة عفناكم...و ودونة للشام
ما ندري شنسوي
و نار اليتم تچوي...بگلوب الايتام
و النسوة عالهزّل
من دم دمعهن هل...و ايريدن اخيام
و ماگلك ابحالي
ألغربة تبرالي...رد لو بالاحلام

من رحنة درت اعليكم اعيوني
هلبت تگوم و تلحگ اضعوني
و من ابتعدنة اتحيرت
لاچن ابد ما أيست
ابكل خطوة اگولن هسة يلفوني

هسة ابن ابوي...يفزعلي و ايردني
آنه ادري ميهدني...و هوة اليصعدني
عالناگة من....يچهبني ضي عيني
مو طبعة يجفيني...و لا طبعة ياذيني
♕♕♕♕♕♕♕♕♕♕♕♕♕♕
أرد اشكي يخواني
الضيم التولاني...و ارد اشكي الاجروح
ما بين ال ايسبهة
و بين اليعذبهة...زينبكم اتنوح
يخواني مو سهلة
مشوني عالهزلة...ميتة و بلا روح
ما ينحچي المرني
و كل ذكرة تكسرني...و من بالي متروح

شيصير لو ميتة آنه وياكم
متعودة ماعيش الة بحماكم
چا كون اموت ابهالمسة
بس حيرة ياهو الهالنسة
و اتغربن يهلي اوية فرگاكم

باچر يخوي...الديرت علي و جدي
بس آنه ارد وحدي...و حزني يرد يبدي
باچر أحير...من اوصل ادياري
شلون اگعد ابداري...و ابن امي ظل عاري
♕♕♕♕♕♕♕♕♕♕♕♕♕♕
حسين علي الزهيري

خجلانة من روحي و علي خجلانة و الزهرة آنه اعلة هزلة من رحت و ابن امي عالغبرة مو گدرة يبقى ابلاية في لا والله مو گدرة حتى الله ما يرضاهة يبقى ابدمة مطروح يتگلب اعلة الگاع عفتة و نحرة مذبوح شيردني يم ابن امي صعبة انعوفة و انروح الحافر خل يسحگني و لاعوفنة…

خجلانة من روحي و علي خجلانة و الزهرة
آنه اعلة هزلة من رحت و ابن امي عالغبرة
مو گدرة يبقى ابلاية في لا والله مو گدرة

حتى الله ما يرضاهة يبقى ابدمة مطروح
يتگلب اعلة الگاع عفتة و نحرة مذبوح
شيردني يم ابن امي صعبة انعوفة و انروح

الحافر خل يسحگني
و لاعوفنة الوحدة...حسين
ياهو ايدفنة اعزيزي
و هالروحة ابلا ردة...حسين
رديني يا ناگــــــــــــة
خل ابگبرة انوسدة...حسين

ما ينطيني گلبي وحدة اعوفنة
و لا ينطيني گلبي عاري اشوفنة
شيصبرة آنه گلبي...و حيل اطويل دربي
يا ريت ارجع و بچفوفي ادفننة
♕♕♕♕♕♕♕♕♕♕♕♕♕♕
طفوا شمعتي ابكربلة و مشوني عالهزلة
محتارة وين انطي الوجه و الشام شيحملة
و ازلامي موتة اعلة الثرة ريت الزلم عدلة

ما چان فوگ الناگة رحنة الديرت الشام
ظالم يدهري اوالله مدري الزينب اشضام
وين الكفلني اليوم طولي اتشوفة الازلام

ضليت انشد و اسأل
وين ابن امي الغالي...حسين
يدري ابخدري امسلب
يدري اشصار ابحالي...حسين
من ديرة الديرة امشي
ابعازت خيمة و والي...حسين

مو گدري الخرايب بس دخلتلهة
مالت روحي حيرة و ياهو يعدلهة
محتارة ابحرمنة...من كلشي انهظمنة
امن الحسرة تموت الهدهة كافلهة
♕♕♕♕♕♕♕♕♕♕♕♕♕♕
متحيرة و ما عندي اخو يمي و يباريني
طاح و مشة لبحماه عشت و طاحت صواويني
ما أندل امشي الوحّدي وين اليدليني

ابدرب الأبد ما شفتة تمشي اجدامي و اتريد
حامي الضعن و الحامي طايح غرّب ابعيد
وي غربة رحت و زينب آنه و حبلي بالأيد

من عالناگة و صاحت
روحي و تنشد وينة...حسين
ضعنة ايباروه غربة
و خدر اختة امسلبينة...حسين
بحماه ضعنة اتعنة
و وي اعداه ردينة...حسين

من كثر البچي ما ظل دمع بية
شيهود بچيهة التمشي مسبية
و وي اخوتهة چانت...العازة ابحيلي بانت
محنية الهزايل و آنه محنية
♕♕♕♕♕♕♕♕♕♕♕♕♕♕
الوحدي و خرابة مظلمة خلوني اطب ليهة
تتغرب ابديرت غرب الما يمهة واليهة
ابشام الهظم كلشي صعب و تلچم طواريهة

نستني كل عزي و دلالي و ذيچ الاسنين
و التهظم اضعون الله بيهة الغربة ماشين
فز نوحي بية و روحي حنت للصواوين

احترگن وي اخيامي
اجدامي و گلبي و روحي...حسين
و الزيّد حسراتي
و هيّج كل اجروحي...حسين
مذبوحة امن الغربة
و ينحب ظل مذبوحي...حسين

ظل ضامي و يلوج امن الضمة ابهيمة
ما حنت على الطاحوا و لا غيمة
عالغبرة و ضماية...أهل الله و عراية
و زينبهم بقت لا خوة لا خيمة
♕♕♕♕♕♕♕♕♕♕♕♕♕♕
حسين علي الزهيري