Azərbaycan
قلم حؤرمتینه شاعرلرین شعرین اؤز آدلاریلا پایلاشاق 🙏
✍️📖🌱
❌️پخش اول کتاب ها و جزوات کنکوری و نهایی❌️
.
.
.
.
تبلیغات (پیام به جز تبلیغات = بلاک)
@Tomir_H
Last updated 1 month, 1 week ago
[**اویانار
دَلی دومان احمال بورو داغلاری
داغ دؤشونده یاتان قوزو اویانار
سارماشیغا بیر کَپَنَک سیْغینیب
توخونارسان یورغون گؤزو اویانار
دَلی دومان احمال اُتور داغلارا
دَه یمه گینن مورگوله یَن تاغلارا
توخونارسان خاطیره لی چاغلارا
او چاغلارین اینجه ایزی اویانار
دَلی دومان احمال دؤشه بوساطین
ایتیررسَن یاز آنامین باراتین
اوردا یاتیب فلسفه سی حیاتین
توخونارسان (کؤنول) سؤزو اویانار
#فاطمه_عبدی_کؤنول
#قویمایین_شعریمی_اؤلدوره_اجل_کتابی
#قلم_حؤرمتینه_شاعرلرین_شعرین_اؤز_آدلاریلا_پایلاشاق
https://t.me/sasliyazilar**](https://t.me/sasliyazilar)@sasliyazilar
@sasliyazilar
@sasliyazilar
[**توخونما
مندن سونرا مزاریمی یوخالما
حسرت دولو توپراغیما توخونما
یارلاریم یاز باغی تک گول آچیب
گلیب یارا یاپراغیما توخونما
مندن سونرا نشانیمی آراما
کیپریگینله توپراغیمی داراما
قوی اؤز دردیم اؤرتوگ اولسون یاراما
کؤزمک له نن سون داغیما توخونما
(کؤنول) گئدیر آباد اولسون اورگین
ترسه دؤنسون دؤنرگه سی فلگین
مندن سونرا یئرین آلسین دیله گین
درد کؤزه رن اوجاغیما توخونما
#فاطمه_عبدی_کؤنول
#کونول_دونیاسی_کتابی
#قلم_حؤرمتینه_شاعرلرین_شعرین_اؤز_آدلاریلا_پایلاشاق
حیات بیزه
ایکی یاشیندا دانیشماغی
45 یاشیندا سوسماغی اؤیره دیر
#گونون_سؤزو
[لبلریم
ساقی سوروشما درد دیلیم ، یاندی لبلریم
سؤزلر کسیبدیر آغزیمی، باخ ! قاندی لبلریم
دردیم او قدر نئشه لی دیر ، باده مست اولور
حیرت ده یم ، بو سیری نئجه ، قاندی لبلریم
سؤنمز بو آه شعله سی ، سینه م آلوو چکیر
یاریم سورونجا دردیمی ، تئز داندی لبلریم
دونیا تیکیبدیر آغزیمی ، گؤزلر دیل آچمادا !
نطق ائیله ین بو گؤزلره ، مهماندی لبلریم
ساقی ! آماندی قویما فلک آنالاسین منی
حسرت اسیرید یر ، مئی یه ، قورباندی لبلریم
آل جامی اللریم داها توتمور پیاله نی
مست اولدو یاره لر ، دئمه ! پنهاندی لبلریم!
بوسه وورارسا باده یه ، آرام تاپار (کؤنول)
بیلمیر کی دردیمه نئجه درماندی ، لبلریم
#فاطمه_عبدی_کؤنول
#کونول_دونیاسی_کتابی
#قلم_حؤرمتینه_شاعرلرین_شعرین_اؤز_آدلاریلا_پایلاشاق
@sasliyazilar
@sasliyazilar
](/media/attachments/sas/sasliyazilar/653.jpg)
[اینجییه
باخمیرام اوزونه، قورخورام اینان
گؤزلریم یانیلا، اوْزون اینجییه
باخیشیم شیمشک تک دَیَه اوْزونه
دیسکینه کیپریگین، گؤزون اینجییه
دؤنم گؤزلرینده بیر داملا یاشا
گؤزوندن ائیله یم سنه تاماشا
قورخورام سئوگی دن دیلین دولاشا
دیلینده دولاشان سؤزون اینجییه
قورخورام خیالیم دویا سؤزومو
سن گزَن یئرلرده گؤره م اؤزومو
آیاق ایزلرینه قویام اوزومو
داما گؤز یاشلاریم، ایزین اینجییه
قورخورام (کؤنول) تک گیزله یَم سنی
اولمویا...! سئوینجین اویدورا منی !!!
یئننده کؤنلومون ،دومانی، چَنی
اوزونه شئه دوشه، اوزون اینجییه
#فاطمه_عبدی_کؤنول
#ماسال_کتابی
#قلم_حؤرمتینه_شاعرلرین_شعرین_اؤز_آدلاریلا_پایلاشاق
@sasliyazilar
@sasliyazilar](https://t.me/sasliyazilar)
[خیاللاریم گؤزلریمی ایسلادیر
یاز بولودو یاغیشیمدان اوتانیر....
#فاطمه_عبدی_کؤنول
#قویمایین_شعریمی_اؤلدوره_اجل
@sasliyazilar
@sasliyazilar](https://t.me/sasliyazilar)
تبریزم...! تاریخیمین من بوغولان نعره سی یم
یانار اودلار اوجاغیندان دوغولان نعره سی یم...
#فاطمه_عبدی_کؤنول
#کونول_دونیاسی_کتابی
سس : #رضا_زمانه_جو
#قلم_حؤرمتینه_شاعرلرین_شعرین_اؤز_آدلاریلا_پایلاشاق
@sasliyazilar
@sasliyazilar
@sasliyazilar
@sasliyazilar
@sasliyazilar
❌️پخش اول کتاب ها و جزوات کنکوری و نهایی❌️
.
.
.
.
تبلیغات (پیام به جز تبلیغات = بلاک)
@Tomir_H
Last updated 1 month, 1 week ago