يا حروفي رددي واكتبي جزل القصيد
وامدحي دار الملوك الوفيّة بالدهر

السعودية فخَر مجدها ما هو جديد
قبلةٍ للمسلمين عزمها مثل الصخر

دام فيها بو فهد وحوله محمد عضيد
للمعالي دربها واسمها رمز الفخر

في فؤادي حبها والغلا شيٍّ فريد
في عيوني طيفها ضي دربي والنظر

عامها التسعين عزْ شاهد المجد التليد
من دهورٍ ماضية والعواذل في قهر

في ذرى سلمان هي طايلة راس البعيد
بالمحافل اسمها معتلي فوق القمر

عاش سلمان الحزم صاحب الراي السديد
لانتخى رمز العزِم يدحر الكايد دحَر

عاش شبلٍ من أسد ياعسى عمره مديد
يعتذر قاف الشعِر في محمد لا نذكر

أسال الباري عسى خيره الوافر يزيد
فوق دارٍ حبها للغلا اجمل صور

والختِم صلوا على صاحب الهدي الرشيد
أحمد اللي بالهدى أنقذ قلوب البشر

يا ما حلا قاف الشعر لا صار في أغلى بلد
دارٍ عظيمة بالسما فوق الجدي منزالها
اسم السعودية فخَر يا جعْلِ تفرح للأبد
عزٍّ و نهضة و منزلة بجْهودِ كلّ عيالها
في عهد سلمان الحزِم ومْحمدٍ وجه السعد
دار السعودية رقَت هام العلا برجالها
اقلوبنا متوحّدة نبني الوطن يدٍّ بيد
واليوم هو يوم الوطن والدار طيّب فالها
نسعد بها نفخر بها و نكون دايم بالوعد
نفرح بها في سهلها في بحرها و جبالها
نفدي ثراها بالعمر حنا لها درع و سند
وقت الشدايد و الفتن حنا نشيل أثقالها
حنا جنودٍ طايعة حنا سيوف أبو فهد
حنا أسودٍ ضارية كلٍّ يهاب أفعالها
واللي يبينا بالأذى يا جعْلِ عينه للرمد
نكحل عيون المعتدي نارٍ يطول اشعالها
عند الظروف الكايدة حنا الشجاعة والجَلد
من فعلنا كم من عدو في حالةٍ يرثى لها
مهما تطول القافية فايق غلاها كلّ حد
أرضٍ كريمة طيبة ترخص عَمار قبالها
نطلبْك يالله الولي يا واحدٍ فرد صمد
احفظ تراب بلادنا من كيدِ كلْ عذالها
واحمي حدود ديارنا واكفيها من شر الحسد
و اجعل مكانتها سما كل الدول تسعى لها

???أم سلطان???

يا مدوِّرٍ فينا ورا كل عذروب
تبطي ولا انت لاقي بنا عيب

حنا ليا جار الزمن نستر عْيوب
محنا من اللي يدوّرون العذاريب

ما بيننا الخاين ولا بيننا كْذوب
للطيّب نخاوي و لا نخاويَ الجيب

حنا ليا شان الدهر نكرم جيوب
محنا من اللي صيتنا بالاكاذيب

باخلاقنا طبع الوفا دوم أسلوب
نحفظ حقوقٍ للخوي حاضر وغيب

يعلم بنا رب البشر عالم غْيوب
ما عندنا للغدْرِ كيد و أساليب

ما ننكر المعروف صافين لِقْلوب
يثمر بنا طيبٍ نجازيه بالطيب

ام سلطان ????

فيك الجزايل تنهمر مثل المطر
يا محزمٍ فيك الوفا و المرجلة

يا محمد اللي بالسما مثل القمر
يا عزوةٍ للطيب مضرب أمثلة

مشكور يا رمز الوفا طول الدهر
فعلك شموسٍ تعتلي بالقايلة

مشكور ياللي وقفتك دون البشر
فيها المعاني والمراجل كاملة

وقفة كفو ما قال آسف واعتذَر
فزعة رجِل تقهر قلوبٍ عاذلة

ما تتبع الشور الردي عزمك صخَر
الراس قادح و المواقف صاملة

هامة جبل نلطم بها موج البحر
قرمٍ فعولك للمعالي طايلة

في سيرتك عطرٍ كما نفح الزهر
واللي انتخى بك لا ابد ما تخذله

أنا أشهد إنك للشعِر عز و ظفَر
اسمك يعزّه لو شطوره مايلة

والمدْحِ بأمثالك فخر والله فخر
ما غيرِكَ اللي بالعرب يستاهله

بعض البشر فيهاالردى يغلب الطيب
وْجوههم حسب الظروف تْلوّن

أهل النفاق أهل الغدِر و الأكاذيب
طبعٍ تأصّل من دهورٍ تكوّن

مهما يقولوا الفعْل كله عذاريب
فعلٍ خبيثٍ من زمانٍ تدوّن

ما ينخدع بأقوالهم و الاساليب
إلا الغبيّ اللي دماغه مخَوّن