Havolar sovudi. Odamlar sovuq.
Toshkentda qor yogʻdi, qishloqda yomgʻir.
Shamollar zabtidan seni qoʻruvchi,
Qoʻlingdan tutguvchi mehribon bormi?
Sendan xavotirman...

Yoʻllar juda yomon. Odamlar yomon.
Ishdan qaytadursan toliqib, xorib.
Hech kimga bildirmay yigʻlaganingda
Yoshingni artguvchi mehribon bormi?
Sendan xavotirman...

Ey mening oʻjarim, xudbin malagim!
Ey kunda ming bora vido aytguvchi!
Gʻururning zoʻridan qaytmaganingda
Yoningga qaytguvchi mehribon bormi?
Sendan xavotirman...

Balki baxtlidirsan oʻz olamingda,
Balki bilmasdirsan gʻam-qaygʻu nadir.
Garchi begonasan anchadan beri,
Garchi uzoqdasan, balki shungadir,
Sendan xavotirman...

Ilhom Salimov

@ashkim_sen

Qachonlardir yozgan ekanman, tagidagi ma'noni anglab, o'zim ham xayron qoldim)

Shunaqa gaplar yozganmanmi, deya.

@ashkim_sen

Turli osmonlar ostida edik go'yo.
Mening osmonim boshimdan yomg'irlar yog'dirarkan, uning dunyosida quyosh charaqlardi xuddi.
Hammamiz bir osmon ostidamiz degan taskin bekor edi bu hikoyada.

Yomg'ir yog'arkan, kamalak chiqishini ham majburiy qilib qo'yadigan bir dunyoda yashardim men. Qarshi tomonda charaqlayotgan quyoshga muhtojligim bor edi, anglamadilar...

@ashkim_sen

Har xarakatlarida, har bir so'zlarida "menga suyanib qolma!" degan gapga ishora bordek edi...@ashkim_sen

Nahot so'ngi sahifa?
Nahot sevgim so'ngi bekati?...

@ashkim_sen

Yoksa, gizlediğin bir şeylermi var?

@ashkim_sen

Turk tilidan yangi guruh🔅****

0 dan boshlab oʻrganuvchilar uchun yangi guruh ochishga qaror qildim. Oʻrganishga koʻzi, vazifalarga vaqti yetadigan, oxirigacha boraman deganlar bu e’lonning davomini o’qishi mumkin.

✅*kurs haftada uch kun:( juft yo toq kunni kelishamiz) soat 20:00–22:00

✅darslar telegramda videochat orqali boʻladi. Maxsus taqdimotlar asosida oʻtaman.

✅Kursimiz 4 oyga moʻljallangan. Sertifikat olish uchun oʻrganayotgan boʻlsangiz, kurs tugashi imtihon sanasigayam bogʻliq.

✅ Narxi 250 ming. Murojaat* @mattuqiz

🔆Shu kungacha soʻzimga sodiq qolib vazifa qilmagan, yaxshi oʻqimaganlarni chiqarvorganman, bundan keyin ham shunday boʻladi. Keyin alohida murojaat, bu e’longa qiziqib yoki oʻzimga qiziqib kursga yozilmang! Davom ettirolmaysiz, chindan oʻqiy olishga imkoniyati yetarlilar yozsin. Darslar 8-dekabrdan boshlanadi.

Yine aylardan Kasim...🍂

(Kasim=Noyabr)

@ashkim_sen

Agar bir millat o'z tilidan ayrilsa, ya'ni o'sha til yo'q bo'lib ketsa, millat yo'q bo'ldi deb hisoblasa ham bo'ladi.

Hozir yaqqol ko'rilayotgan ona tilimizni qo'llashdagi qo'pol xatolar odamni xafa qilmasdan qo'ymaydi.

Eng boshlang'ich, ammo xato qilganingizda juda qo'pol ko'rinadigan ma'lumotlar bilan bo'lishmoqchiman.

O'zbek tilida 2 ta inkor qo'shimchasi birga kelganida, ya'ni bitta gapda kelsa, birinchi inkorni ikkinchi inkor yo'q qiladi. Ya'ni, gapingizda inkorni ishlatmaganday bo'lasiz. Masalan:

Bir kulinar sahifa egasi videosida aytyapti:

"Xalqlar do'stligi metrosidan manashu kartoshkali kotletni yemasdan o'tib ketmagan odam bo'lmasa kerak."

Lekin u aslida "yemasdan o'tib ketgan odam bo'lmasa kerak" degan ma'noni yetkazmoqchi edi, ikkita inkor qo'shimchasidan keyin gapi teskari ma'noga o'zgarib ketyapti.

Yoki so'z yasovchi qo'shimchalarni olaylik "-be", "-siz" qo'shimchalari ham xuddi shunday. Ko'pchilik ikkisini ham bir so'zda ishlatib yuboradi:

"Bee'tiborsizliging tufayli bo'ldi hammasi."

Bunda so'zga yoki "-be" yoki "-siz" ni qo'shish kerak. Juda qo'pol eshitiladi.

Bee'tiborliging✅
E'tiborsizliging✅

Hech qaysi millatni tilini biznikichalik buzib yozganini ko'rmaganman. Gapirishni aytmay turay, mayli.
Istagan joyida istagan unlisini tushirib, undoshlarni xohlagancha buzib ishlatib-"sh" xarfini w ko'rinishida masalan. Bu judayam tilimizga va o'zligimizga bo'lgan hurmatsizlik deb bilaman.

Tilimizni biz asramasak, farzandlarimiz bizni tilimizda gapirmasligi mumkin.

Bu post juda uzun bo'lishi ham mumkin edi, shu yerda to'xtay qolaman.

@ashkim_sen

Quruq sevgi bilan qorin to'ydirib bo'lmaydi,
Qorin to'q sevgisiz yashab ham bo'lmaydi!

@ashkim_sen