عصيمي والعصيمي في هوى مثلك ترى مملوك
‏وقف للوقت من دونك ولاجلك ما ذخر وقفه

‏مشى معك بـ خطاويّه ولا همه كثير الشوك
‏يحس أنه معك يحيى ولو كان الثمن حتفه

‏و ذا صدره مشرّع لك وعيشي فيه بنت ملوك
‏واذا بتكدرك دنيا تعالي و يسندك كتفه

نصون اصحابنا و صدورهم مليا علينا غل
‏صدق من قال: ما يملى عيونٍ تبغضك حاجة

‏كثير اللي عليهم من جمـايلنا نعيم و ظلّ
‏لو اكثرها على واحد يهودي حطنا تـاجه

تاهت اقدامي وانا اللي كان لي في الارض غاية
‏حلمي اللي كنت اشوفه في هواك وكنت اهيمه

‏اتّبعتك ، و اثري امشي خلفك لـ درب النهاية
‏ما دريت ان الطموح احيان معنى للهزيمة !

هلا في وجهك و زولك و حي الشوق لا قادك
‏على من فـ أيسر ضلوعه غدى لك مسكن ومذرا

‏تدوس اقدامك القاع و تدوس قلوب حسّادك
‏كأنه ما انخلق بعدك على مر الزمن عذرا

فوق من نجد العذية جلجلة غر السحايب
‏معركة لاجل المليحة فـ السما دارت رحاها

‏ما يلام اللي عشق من زينها سحر و عجايب
‏كل وابل يدفعه شوقه على معانق ثراها

لـ بال مرتاح نحتاج في هالحياة لشيء من الصبر والتجاهل

يا رب العطف والرحمة يارب الصفح والغفران
يا خالقني على دينك و انا مسلم على الفطرة

يضيق العبد وان ضاقت عليه الارض يا رحمان
يجيك بـ روح مغلوبة من الضيقة و منفطره

و انا ملجاي لـ ابوابك لا صكوا خلقك البيبان
و لا بيتٍ سوى بيتك ، اوّلي وجهي لـ شطره

عليك تساق دعواتي ب كف الصبر و الايمان
عساها تكون في ليلة، مثل غيث اوله قطره

تقول أمي ليا شانت ظروف الوقت قوم و صل
و لا ترجي سوى" ربك عظيم المُلك سبحانه "

يحل اللي في عين الناس مستعصي و لا له حل
و له قصرٍ في ثلث الليل دوم يفك بـيـبـانه

صاينك صون الملك للمملكة عن كل عادي
وانتي اللي ما تمس الناس شعره من طرفها

انا العبد التقي اللي يبـي الجنة بدال النار
‏و لا ودي شيـاطين الهوى و يّاك تغويني

‏ملذات الحياة وأنت ،تحتاج لعزم و إصرار
‏وانا ادنى شي لا شفتك تجي تختال يغريني

‏يا ذنب ابداه واحبه و ذنب انهيه بـ استغفار
‏واروح وناويٍِ تركه ،واجيه الحب معميني