أنَه بخير ..
بَس شتاگيت مَدري إلمن ،
نَاس هُواي بَس مَاكو أحَد ..
مابيهُم لگيت إنسان ،
يسمَع لحُزني لو غَرد ..
أنَه المَابيه أعِيش أسبُوع !
جَبروني و عِشت هَلگد .

وأهچ من ذكرياتك وين ؟
كل شارع الك بي صوت
زحمة العشرة تكضي بزعل كون بموت

گوه شايل رُوحي بيدي
وخاف مِن رُوحي اطيح
هِنه كلهن يوجعَني
منيَن ما تلَزمني اصَيح
وهذا موگلبي اليدگ بضلوعي
گلبي مَيت وانتهِى موضوعي
انت والدنيا عَلي وهمومها
انتَ شايف عَين تبچي بنومها.؟

أضُم چِم ليَل مِن روحَي
وأسيَرلك گُمر مَتعوب ..

طَبع عاگول مامِتعود إعلة ألناس تِسگيني !

شمدريني گلبك باب گهوة يلفّي ياهو الچان؟

أحس الشِعر عگبك مَاله داعِي
مو مَالت شِعر مالت نوَاعي .

تفارگنة
بس چَان الفرقِ
انتَ رحت لأقرب حِضن
وأنـة رحَتلك فدوة
بس يِلا منا وأنَتهت
مِو صوچك
صوچ الگلب مَا يِعرف المَن يهوى ..!

من أموت
برودتك خليها
على التابوت
و بيدك كون
نعش جنازتي تطبگه
و خليلي دمعتك
على الگبُر نيشان
خاف بچفن گبري
دموع ما تلگه
و خاف يمُر وكت
و تزورني من بعيد
تدليك بمُكاني
حرورة الشَهگة
- الشَهيد علي رِشـم