يشرب اليل ضوه عيونك يضاوي
وضمت الكاع نهر حسنك يراوي
فوك الرماح الك تحله النعاوي
يادرب كل الحياره التيه دروبك يضيع
صدرك ترضه الحوافر شايل الكون الوسيع
دمع اليالي
لجلك يغالي
شلون انسه حزني
وانت عله بالي

.....
مو بالخيام يكون النار بيه
وي اليتام تروح اختي سبيه
وتسحك الخيل كبل صدرك عليه
يانهر تسكي العطاشه ابابك الحر والعبد
اقبلني فدوه الخنصر ايدك خادم الولد الولد
جملني دمعه
وشعلني شمعه
كون عله بابك
كل عمري اضيعه

........
فوكك شلون رمل وانت غطانه
وداست الخيل ضوه ولمعة سمانه
و مو عالرماح ابد راسك مجانه
انت يم كلشي بدايه وكلشي يم اسمك عدم
اليقره حزنك يبجي عينه ويم خيمكم يبجي دم
كل خيري منك
ارزقني حزنك
واطيني كل يوم
دمعه عله ضعنك
.................

كون السياط تمر كل يوم بيه
واشعر بحال كلب ذيج السبيه
وشهك عليك مثل شهكت رقيه
يا عذب يشفي ضماهن والعطش لاح الكلب
شدو بجفهن سناسل واليجر جف الغرب
جف الشماته
ساعة مماته
من حضنه للشام
ماخذ بناته

...........

اااه يحسين يا يمه

انا امك يبعد امك هاك اسمعهن اخباري

بعدك ما غفت عيني ودمعي بكل وكت جاري

من ذاك الذبح يحسين وانا ولا طفت ناري

من خيمه لعد خيمه وجدمي ماوصل داري

ادور بالمجلس مثل المضيعة
ادور صوت ناعي ع الولد ينعى

ينشال التعب مني
عليك شماثكل حزني

،،،،،،،،،،،،،،،،،،،

شما هب النسيم الحار يلجم خاطري وجرحك

ويلتم الدمه عله الشيب وانت مكابر وتضحك

وانا وياك نجمة ليل  اضل مناطره الصبحك

عين عله الظعن تندار واخره اتعاين الرمحك 

انه يمج يزينب مو بعيده
وشفت حسين من حزو وريده

جنت وكت الذبح يمه
وبجفوفي شلت دمه 

،،،،،،،،،،،،،،،،،،،،

تدري شصار بالنسوان لو تدري انهدم حيلك

من ذاك الركض والخوف لو بالسبي ابديلك

وما اسولفلك شسويت هاي عيوني تحجيلك

يوميه بمجان انعاك و ادور ناس تبجيلك

انا الوالده والگلب لهفان
وادور عزه ابني وين ماجان
واكعد بالدرب عثره
وعيني من الدمع حمره

،،،،،،،،
يوميه احلم بعاشور واذكر ساعته ويومك

صوره براسي دوم تدور هذاك السلب هدومك

عطشانه الخلگ يحسين وانت مسبل غيومك

بعدك عالرمل مذبوح والحر غير ارسومك

مَ انا الوالده يحسين يبني
يمن ريت ذباحك ذبحني

الخيل شسون بصدرك
يلجمني اليحز نحرك

برمح ساجد والنجم شارب ضواك
وشفت شيبك صلى لله وخابط الشيب بدماك
سبحت بالتسعه وانت بلايه خنصر
ساجد الربك ودنيا سهام تمطر
ثبتت الكاع بسجودك
الله خالقنه عله مودك
نبجي لضعونك عمرنه
ونملي بالدمعات جودك

................

خيمتك صارت على حبابك ستر
بكل حزن تكصر سنيني وحزنك يطول العمر
هواي نعتب وانت كلبك ما يمل من العتب
حزنك يمشيني كوه شما سعى بروحي التعب
جفك يشد حيلي وامشي
كحله حزنك فوك رمشي
روحي مشدوده وي ضعنك
وكلبي لجلك عاف كلشي
................

كمر جنك تزهي وضعونك وراك
وعالرماح ابدور هاشم كله مزدحمه بسماك
من دمه وليدك بجت دم السمه
ومن ضماكم عرفت الكاع الضمه
زحمه تعطش وانت زمزم
يالي بسمك روت مريم
يا نهر ما باس جفك
والجفاكم راح يندم

..............

تعب كلبك من بواجي اختك عليك
مجتفه وما بيه تركض لو عثر رمحك تجيك
اتحيرت وانت عله رمحك للعثر ما تلتفت
نحر مذبوح ويسولف حار بحسين الوكت
تقره ايات السبايه
ترتل الدم والعبايه
عالرمح ما سكتوك
انت ماخذهم سبايه
......................

ماطحت بالطف ولكن طاحت الدنيا عليك
وما يمر ريجك ضماهم كل نده الدنيا بديك
عدل ميت صيتك اعلى امن السمه
وخنصر ايدك مطر فوك وبلل النجمه دمه
عاندت كلشي بطفوفك
ونزلت الجنه تطفوك
عطشتهم وانت تجري
يمهم ومحد يشوفك
------------------
الشاعر :- يحيى الظالمي
اللحن ??
@Yahay19

السلام على ..  ذبيح كربلاء

اضل ابجي المسه وصبحه
ولاتسكي الجفن فرحه
على الطاف الفله برمحه .. حزن روحي

كل حسره بأثر حسره
يا عيني مثل نحره
دمه الحد فرحت الزهره  ..... تضل تجري
كل عاشرك مصاب
ياجدي فكلي باب
          كفى كفى غياب
.................
اجيلك وانحني ابابك
ويمم روحي بترابك
واموت بلوعة مصابك .... حلم عمري

كل ليله التمر جمره
عالضامي ونزف نحره
مكتوب الحزن كله ..... على عيوني
حزنك سبب ضماي
يارجوتي ومناي
      متى متى اللقاء
...  ......

جم ليله التمر وانه
نعش متغطي لحزانه
من ديره لعد ديره  ... غريب انه

مثل ضعنك صفت روحي
ومثل جسمك ترى جروحي
النفس بالغربه يذبحني ....مثل نحرك
بس مجلسك امان
يحويني كل زمان
            روحي لك الفداء
....................
مو حكي امن اون واسهر
وي غربه مشن خدر
عماتي وضوه عيوني ..... مشن كوه

اريد اغفه ويفززني
طيف بمنحري يحزني
اشوف جفوف مشيوله .... تگطر دم
جف الكمر جفاك
ضلمه صفت سماك

لك لك النداء
--------------------
الشاعر :- يحيى الظالمي
اللحن ??
@Yahay19