سابع جار الكم بيده محبس چان.
صايغ محبسه من نشوفه نذكركم.

تغطيت وبعدني الليلة بردَان
لأن مو أنتَ يمي فراشي بارد
وينك يادفو ياجمر الأحزان ؟
أحس بدمي بالشريان جَامد
تعال أوزن همُومي وجيب ميزان
وشوف شگد عذاب الرُوح زايد
سوَاد الليل يبقى وتطفى الألوان
وأعيد بذكرياتك والمَشاهد
إذا كل طير عنده أثنين جنحَان
أنا مكسُور وعشت بجناح وَاحد .

عيونّج طَريق وگلّبيّ هاوي السَفر .

چم شوغة انچفت بالروح
من شحّت مراسيلك.

كلشي يلچمني
مِن أريدك
الرسايل
والشوارع ، والغنة
وعيون غيرَك
حَتى بيبان المَدينة
الضالة بحَسرة بريدك .

ناري ما تطفيّ ولا نارك طفت
وعَيني گبلك تبچي
اذا عَينك بچت
يالعزيز المَا غَبت عَن بالي
لحظه
ما أكول انتَ بعدت وشلون
أظُلمك ؟
ومِن يذكروك گبالي يبيّن بوجهي
القلق لو جابوا أسَمك ..

بگصايب يا حَلمَ شديت روحَك خيط
خيطك مَن يمَر دخان مَا گطعهَ .

صَار سنين اطُك حجار بـ حجار
و اوَل ما شعَلت النَار مُطرت
سنِين مني راحَت و انَه رايِد نَار
بَس لو رايدهَا تمطُر،
چان ما مُطرت