#Bugungi_kun_hikmati ***Dunyoda yo‘lovchi kabi bo‘l. Ortingda faqat chiroyli izlarni qoldir. Biz bu dunyoda bir mehmonmiz, xolos. Mehmoning jo‘nashdan boshqa chorasi yo‘q.

✍ «Hikmatlar – saodatga yetaklar» kitobidan***https://t.me/joinchat/AAAAAFkSiSlYvT9HNs4DrQ

Билишини биладиган одамга эргашинг.

Билишини билмаганни огоҳлантиринг.

Билмаслигини биладиганга ўргатинг.

Билмаслигини билмагандан қочинг.

КОНФУЦИЙ.

⚖️Жиноят ва жазо

УЧОВЛОННИНГ АЧЧИҚ ҚИСМАТИ

Қилмиш-қидирмиш деб, халқимиз бежиз айтмайди. Акс ҳолда суд томонидан жинояти учун узоқ муддатга қамалган қуйидаги ҳамтовоқлар очиқда юришмасмиди?!

Воқеа тафсилотлари қисқача бундай: илгари судланмаган уч нафар тоғни урса талқон қиладиган йигитлар шайтон васвасасига учраб, кўп миқдордаги героин гиёҳвндлик моддасини қонунга ҳилоф равишда сақлаш ва олди-сотдиси билан шуғулланадилар. Кўр-кўрни қоронғуда топибди деганларидек, улар гўё ҳеч ким билмайди қабилида иш тутиб, ўзларича ими-жимида иш қилмоқчи бўладилар. Лекин бузоқни югургани сомонхонагача деганларидек, қилни қирқ ёрадиган ҳуқуқ-тартиботни сақлаш органлари ходимлари ушбу жиноятни иссиғида фош қилиш ташладилар.

Дарвоқе, аслида улар ким? “Қаҳрамон”ларнинг исми-шарифларини ўзгартирилган ҳолда келтирамиз. Қўшкўпирлик Матчонбой билан Дўстчонбой битта кўчада деярли ёнма-ён, бир том остида яшашади, ишсиз. Мақсудбек эса Хива шаҳридаги маҳаллаларнинг бириди истиқомат қилади, у ҳам ишсиз. Қаранг, учовлон ишсиз. Бекорчидан худо безор сўзи топиб айтилган.

Судда берилган кўрсатмалар, ашёвий далилларни судланувчилар ўзларича хаш-пашламоқчи бўлишди. Лекин одил суд ҳаммасини исботлаб берди ва адолатли ҳукм чиқарди. Ҳукмга кўра, Матчонбой билан Дўстчонбой Жиноят Кодексининг турли моддалари бўйича жиноят содир қилганликда айбли деб топилиб, уларнинг ҳар бирига беш йил муддатга озодликдан маҳрум қилиш жазоси тайинланди.
Энг кўп йил кесиш Мақсудбекнинг зиммасига тушди. Унга Жиноят Кодексининг 59-моддасига асосан, жиноятларни қисман қўшиш йўли билан узил-кесил ўташлик учун ўн йил муддатга озодликдан маҳрум қилинди.

... “Озодликдан маҳрум қилинди” сўзи қулоққа хунук ва ёмон эшитилади. Маҳалла куй, ота-оналари, оиласи бунга қандай қарашар экан? уччаласини ҳам тайинли иши йўқ. Ахир “Маҳалла еттилиги” ҳар бир шахсга муносиб иш ўрни яратишга сидқидилдан ҳаракат қилаётганига қарамай, юқорида номлари зикр қилинган кимсалар нега эътибордан четда қолди?! Хуллас, саволлар кўп, сўнгги пушаймон – ўзингга душман.

Азизлар! Ўйлаймизки, бу аччиқ қисмат ҳар биримизга аччиқ сабоқ бўлар, лекин ёнимизда содир бўлаётган воқеа-ходисаларга бефарқ бўлмайлик!

Ж.ЖУМАНИЁЗОВ,
Хива шаҳар суди раиси.

https://t.me/gazetaxivatongi/9652

Хива шаҳрида куз-қиш мавсумига тайёргарлик қилиш ишларини бажариш мақсадида Хива шаҳрида 15 август куни соат 10:00 дан 18:00 гача аҳолига ва хизмат кўрсатиш саноат объектларига табиий газ етказиб бериш вақтинчалик тўхтатилади.

Хива шаҳар ҳокимлиги матбуот хизмати