Telegram мессенжеринин тартибин бузган колдонуучуларынын IP-адрестери менен телефон номерлери негиздүү кайрылуу түшсө, тиешелүү жактарга берилиши мүмкүн. Бул туурасында аталган платформанын түптөөчүсү Павел Дуров билдирди.

Буга чейин франциялык ЖМКлар мессенжердин администрациясы Францияда тергөөчүлөрдүн суроолоруна жооп берип жатканын жазышкан. Кийинчерээк Telegram башка өлкөлөрдүн да сурамдарына да жооп бере баштаганы кабарланган.

Садыр Жапаровдун иниси Улан Жапаров үй камагына чыкты

Мындай чечимди Биринчи май райондук соту чыгарды.

Улан Жапаров президенттин атасынын бир тууган инисинин баласы Ракымжан Жапаровдун уулу.

Ал биринчи ирет 2023-жылдын июнь айында бажычылар аралашкан мыйзамсыз ишке тиешеси болгон деп шектелип, кармалган. Төрт айдан кийин үй камагына чыгарылып, иши сотко өткөн.

Экинчи ирет быйыл июлда ал бирөөнүн ишенимине кирип өзгөчө ири өлчөмдөгү суммага алдаган деп шектелип, кайрадан камалган эле.