‏"الأمان جميل جدًا، أظنه الشعور الوحيد الذي يستحق عناء البحث، أن تأمن وأنت تتحدث، وتنفعل، وتعبر عن مشاعرك، أن تأمن أن عفويتك محبوبة ومقبولة، أنك لا تحتاج إلى التصنع كي تبقى مرغوبًا، وأن كل ما تعانيه من نفسك، لا يمثل مشكلة للآخر."

انتهى العام

أحب هذهِ العادة
في نهاية كُل يوم حينما أعود لمحادثتنا
بصفتها ( منزلي الآمن )
و أبتسم بيني وبين نَفسي لكلماتِكَ
و نبرة صوتَك ، عاهدتني أن تكون سَبباََ لضحكتي
و لا تزال مؤنساََ لروحي
في الحضور و في الغياب ..?**

‏ماذا لو كانت بداية يناير لقاء ؟

قرأت بوست على الفيس بوك
لشخص مصري يقول فيه :
“إتجوزت ست أمها مكنتش بتبطل تقولها ،والله مانتي نافعة وامه داعية عليه اللي هيتجوزك..

بداية جوازنا كانت بتتعامل معايا علي أساس إني خالها، كل يوم أستني تبعتلي ع الواتس اب وانا ف الشغل تقولي "هات جرجير ولا بصل ولا بقدونس قلقاس حتي" مكنش بيحصل..

هي كانت بس بتبعتلي تقولي هات "دوريتوس ، مورو ، شيبسي ابو سبعة ، فشار من ابو خمسة،بيك رولز ،ماندولين، بيبسي" ..

حرفيا مكناش بناكل من ايديها انا وهي خالص ماشاء الله ، انا كنت ساكت علشان بحبها ،كنت بخاف ابداء مشاكل الجواز من اول شهر ، كنت باجي علي نفسي واجيب اكل جاهز..

صاحبك علي عيبه و شريكك علي عيبه برضه، وطلاما ربنا أراد إنها تكون شريكة حياتي ،ف لازم اتقبل كل عيب فيها ، وخصوصا يعني انه مش عيب كبير بنسبالي..

بنسبالي أنا ممكن أكلها وأشربها طول ما هي رايحة جاية قدامي وبتتحرك، طول ما هي لسه بتناكف فيا وترخم عليا وبنضرب بعض بالمخدات ف انا مش محتاج حاجة..

بس الغريبة ف يوم قومت بليل اشرب ،شوفت ف سلة المطبخ أكل محروق وطاسة بايظة واكل كتير مرمي بايظ، وقتها ابتسمت

وفهمت انها حاولت تطبخ بس فشلت ، ومجرد محاولتها بس ده بنسبالي نجاح ، اصل كنت لسه امبارح بقولها ان الفلوس بداءت تخلص ، ف اكيد حست وحاولت من نفسها ..

تاني يوم خدت أجازة م الشغل وجبت اللاب توب وفتحت علي شيف بيعمل طبخة "فراخ ،ورز وبسلة" ،وشدتها من ايدها معايا ع المطبخ ..

وانا وهي لبسنا المريلة ، وبداءنا نطبخ سوا ،أنا أقشر البسلة وهي بتسوي الرز ، أنا اجهز الصالصه وهي تسلق الفرخة ..

لحد ما نجحنا سوا اننا نطبخ اول أكلة هناكلها سوا ، يوميها حضنتها وقولتلها إطمني أنتي مش فاشلة انتي بس كنتي محتجاني معاكي ، انا موافق كل يوم اكل نفس الاكلة وهكون مستمتع برضه..

النهاردة وبعد مرور سنة علي الموقف ده بقت تطبخ كل الاكل اللي ف العالم ،ومعتش بنجيب اكل جاهز خالص ووفرت فلوس كتير كمان..

انا فخور بيها وبأحلى اكل بأكله من ايديها، وعايز أقول لمامتها شئ مهم، إن أمي كانت دعيالي مش داعية عليا يوم ما حبيتها واتجوزتها “♥️

" حاولنا جاهدين أن لا نتركَ ندبةً في قلب أحدٍ .. فاغفرْ لنا إن فعلنا ! "