تراودني الضيقه لها حروة اسبوعين
‏وتأثيرها واضح علي و على اخلاقي

‏ولا يجبر خاطري سوى كسرة الروتين
‏حسب خبرتي في معرفه حالة ارهاقي

‏يا محتاج من شعر العتب والحزن بيتين
‏انا والله المحتاج ضحكة من اعماقي

انا جني الليله واجنن تِجنن

وفيك وخويك قمت تو اتفنن

ولا قلت لك دندن تِدندن تِدندن

فَمان الله ، و آخر حروفي لك رحيل
لا الدروب تود القُرب ، ولا انت تبغى

جيت بأشكي لك عنك و حالي نحيل
بس ضاعت حروف الكلام وانت ترى

مانويت الصّد ، و لكن الدرب طويل
لا انت تمشي معي و لا أنت لي تسعى

جيتك و بغيت منك بُرهان و دليل
يثبت لي صادق الود وهل انت تَهوى؟

لا سنه جديدة ولا قديمة
‏ أنتِ كل سنيني
‏ -❤️-

لو احاول انسى مامضى وادرك الأسباب
‏انا شايف ان القلب ماهوب متشالي

‏اضيّع دليل الراي واخطي طريق الباب
‏ولا عاد افكر في خروجي .. ومدخالي

‏واسامر سواد الليل ونجومه السّكاب
‏واسولف على نفسي وانا فالخلا الخالي

‏هواجيس قلبي بالدقيقه تجيه اسراب
‏وانا مابكيت الماضي الا من هبالي

قولوا لها لا خالط الشوق همسي
هي غير عن كل البنات الذي غير

وقولوا لها لاهبّت الريح عكسي
وقامت تصافقني هبوب المشاوير

تلمّني باهداب نجلٍ و خرسي
وتمطر على عمري وتصبح على خير

تصبح على قلبي وتصحى وتمسي
ريانة القامة عنود المغاتير

مت من رمش عينك صوبتني سهامك
‏أشهد إني حظيظٍ وإنت حبي المثالي

‏آه لامِن طريتك أو طرالي اهتمامك
‏أبتسم لا شعوري ويبتسم لي خيالي?

في ليلةٍ شتوية بردها جاف
‏من بردها ما يدفي الذيب صُوفه

‏لي صاحبٍ مفقود ما عاد ينشاف
‏ومالي على المقفين شفّ و حسوفه

‏خلاص نفسي عافت و خاطري عاف
‏واليوم نفسي عن هواها عيوفه

نصيحة اليوم:
مزاجك هو أغلى ماتَملك أجعله مرتفعاً ، لتكتب لتقرأ لتعمل لتتفاعل بإيجابية لذالك

لأ تعطي إي شخص فرصه لتعكيره.

اللي خدعني فيك مظهرك غشاش
واثرك عوج والزين غطى على الشين

قلبك حقود ولون خدك كما الشاش
متجمعاتٍ فيك كل النقيضين

لولا ان قلبك ساتره وجهك الباش
ماضنتي تقبل فيك حتى الشياطين