Шодмонқул Салом ижодидан...

BURCH (Islom ALIga)
1.
Bizning diyorimiz qirli,adirli,
Bizning ustozimiz buyuk bir baxshi.
Har yonda togʻlar tik tutar qaddini,
Bunda boshqachadir yashamoq gashti.

Dashtlarda yugurdik,toy boʻlib eldik,
Soylarda suv boʻldik,soy boʻldik xatto.
Tayansak togʻlarga  tayanib keldik,
Bizning egiz aka-Oqtov,Qoratov.

She'r aytdik irmoqqa joʻr boʻlib gohi,
She'r aytdik shamolga zoʻrlik qilib ham.
She'r aytdik togʻlarga oʻzidan ogʻir,
She'r aytdik osmonga gʻoʻrlik qilib ham.

Togʻlikmiz-soʻz aytsak aytamiz dangal,
Axir,bobomiz ham shunday baxshiydi.
Togʻlari,bogʻlari,har yeri goʻzal,
Yurt uchun jonimiz boʻlsin baxshida!
Yurt uchun jonimiz boʻlsin baxshida!

1. Togʻlarga suyandik,toshga suyandik,
   Dilni dard qoplasa yoshga suyandik.
   Bobomizdan qolgan doʻmbiranimas,
   Qalam deb yondik.

Jununvash hislarni sipqordik mayday,
Oʻkirdik sher boʻlib hamlaga shayday.
Sevdik kimlarnidir...Kuydik kimdandir...
Qovrildik,chopildik...
Qay birin aytay.

Koʻzi koʻr burgutlar goʻng talashdilar,
Mansabxoʻr kimsalar doʻng talashdilar.
Kimlardir tigʻ sanchib yelkamizga ,o,
Kim qildi boʻtam,deb siypalashdilar.

Biz yoʻlga chiqqanmiz,ortga qaytish yoʻq!
Yolgʻon yozish yoʻqdir,yolgʻon aytish yoʻq!
Magaram chekinsak, choʻksak birodar,
Ergash Jumanbulbul-bobom, deyish yoʻq.

Biz yoʻlga chiqqanmiz,ortga qaytish yoʻq!

Sh.Ravshan

https://t.me/IslomAli_shoir

✍Rauf Parfi
?Dadaxon Hasanov

@telba_xayollar