لو صار فِي خلل فِي شعور الإستحقاق متعنا شن حا يصير ، هـنا حا تبدا المشاكـل كلهـا ... يبداء الضعف ... يبداء التنازل ...يبداء الشعور با النقص... يبدا الحسد... يبدا الغيره ... و الإحباط و الفشل الحسرة ..
معادلة الحياة عجيبه جدا كل ما حسيتي با إنك صغيره و ناقصه او ما ليكـش قيمة ، كُل شئ في الحياة حا يبدا أكبر منك ?? الخدمة أكبر منك ، الفلوس أكبر منك ، الحياة السعيدة أكبر منك .
تعرف شن حا يصير تاني ، حانقولك ...

لو ما عندكـش شعور الإستحقاق ( مِشْ حا تقدر تطلب شئ ) حا تحس أنْ طلبكـ كبير و ثقيييل كأنه ما عندكـش حق أنكـ تطلـب وفي هلـبا بنات تحس بإهانه و النقص قبل ما تطلب اي شئ من اي حد!!
مثلاً
تقدرش تطلب من زوجها فلوس ??
ما تقدرش تطلب مصروف من بوها ??
تقدرش تطلب مساعده من أمها او صديقتها ??
هادي علامـة كبيره علي أنه ما فيش إستحقاق لأنه الإستحقاق ما فيهش هـا الضعف و الهشاشه .

حتـي الأنبياء يطلبو شوفو الأمثلة .
يوسف علـيه السلام طلب من الملك و قال ( أجعلني علي خزائن الأرض إني حفيظ عليم ) سيدنا يوسف عليه السلام كان عارف روحه و عارف مميزاته فا طلبها بكل ثقه و قوة ، فا كان متأكد انه يستحق ها المركز بجداره هدا علاش طلبه .

تخيلو لو شخص ماًعنداش إستحقاق ؟؟؟؟؟؟
كان حا يقول أنا كنت مسجون وهدا منصب كبير مستحيل يحطوني فيه ، بس ثقته و إستحقاقه كان أكبر من ذلكـ .
?? موسي عليه السلام طلب من الله طلب محدد أن خوه يكون معاه ( وأجعل لي وزيراً من أهلي ، هارون أخي ، أشدد به أزري ، وأشركه في أمري ) الإنسان لازم يطلب حتي من الله سبحانه و تعالي لازم يدعي و يطلب .
??? سليمان عليه السلام طلب من الله طلب ما فيش حد قدر يطلبه ( وهب لي ملكـاً لا ينبغي لأحد من بعدي )
راه الملك الي طلبه سيدنا سليمان با الدنيا مش با الأخره ، لاحظو صيغة الطلب كيف فيها قوة و عزه عظيمه .

الخلاصه : تشوف نفسك تستحق ها الشئ أطلبه ، ما تتحشمش ولا تخاف .
ها الشئ مقابل عطائك و إخلاصك وجهدك ؟ ?
أنت اكثر وحد تعرف حقوقك و مجهودك وشن تستاهل في المقابل سواء في خدمتك في الحوش في أي مكان كنت فيه حتي في الدراسه . ?
باهـي كيف نرفع شعوري با الإستحقاق ؟
1 راقبـ أفكارك تجاه الناس لأنها حا تنعكس عليك إلي تحبه لنفسك حبه لغيرك وشوف الراحه .

2 أشحن بطاريتك كل يوم (مستحيل تعرف شن تستحق وانت مش مشتغل علي روحك وأنت مش عارفه أنت شن فيك من مميزات ) أقرا ،أسمع ، شاهد .

3 خليك واعية للناس إلي حوليك و دورهم في حياتك ❤️? في ناس ديما تقلل منك وقفتهم عند حدهم ولا تضحك لا تجامليعني ما ترضيش با الإهانه لنفسك حتي لو ضحك ??
يعني الانسان الفاضي الي هدرزته كلها ضحك علي عباد الله شن تبي في صحبه ؟.

4 ركز علي الوقت الي يجيك فيه شعور با الملل ❤️ تعرفي ان الملل نعمه ؟. كيف ؟ لأنها حاجه تجيك باش تنبهك ان الي اديري فيه غلط ✖️✖️
مش مناسبك ✖️ مفروض توقفي ✖️✖️??
وقفي لأنك تستحقي احسن من هكي و تستحقي حياة أحسن غيري ??

الكساد و الملل نعرف فيه أنه ( المنبه الي يجيك كل مره باش تعدل بيه طريقك ويدلك علي الشئ الي تستحقه في الحياة ) .

أسفه لو طولت في الخاتمه
أنت تستحق كٌل خير و السعادة و الحاجات الجميله في ها الحياة زي كل الناس ولاتحس با الإستحقاق لازم تتخلص من الغيره و الحسد ، يعني قدم شئ و تأخذ شئ وتحاول توازن ها الشعورين لين تولع اللامبه الي حكيت عليها في الجزء الاول ?

لــ آيـــة

حا نقولك نصائح يارب فِي يوم تتفكريني بيهم و يفيدوك ??

خاطرك في حاجة مستحيله،ومش قادره توصليلها حا نقولك علي ٩ حاجات بس ديريهم بإثقان✅

1- الدعـاء بيقيـن ?

هو الأسمنت الي حا تبني بيه السلم باش توصلي لـ حلمك

2- الاستغفـار ?
هوا الحجر الي حا ترصيه واحد فوق التاني لحد ما توصلي ?

3- الصلاة علي النبي ?

هي الورد الي حا تفرشي بيه السلم بحيث تطلعي وانتِ مرتاحة البال ومطمئن ومش قلقانه وخايفه لين ما توصلي (الطمئنينه)

4- الصدقات ?

هي الي بتعطيك القوة باش تطلعي درجااات كثيرة من السلم مرة وحده بدل ما تطلعي خطوة خطوة

5- قيام الليل ?

هدا الي ليك فيه يومياً دعوة مستجابة وربك ينزل فيه للسماء الدنيا يسألك عن حاجتك هل من سائل فأعطيه ?✅

6- قراءة سورة البقرة ?

هدا هوا الكنز الكبير الي والله وعن تجربة ما فيش من واظب عليها الا وشاف في حياته العجب من التيسير والبركة في الرزق واستجابة الدعوات وتفريج الهموم ✅?

7- اذكار الصباح والمسـاء ?

تشحن روحك بطاقة عالية و تخلي عندك حسن ظن بالله في ان دعواتك حا تستجاب وهذا لانك بمجرد قرائتها تكون في حفظ الله

8- الصلاة علي وقتها ??

وهذا اللي من الأخير لو عدلتها حا تعدل حياتك ومافيش اي عمل صالح حا ينفعك لو ما تصليش و السلم كله ما يطيح??

9- الدعاء بظهر الغيب ?✅

وهذا للناس الي ادير في ذنوب وكل شويه اطيح و تنوض وحاسة انها خجلانه من ربها ?
و أنها تطلب و تدعي با الحاجه!!
لو انت هكي متخليش الشيطان يقدر عليك ، وادعي لغيرك بظهر الغيب بالدعوة الي انت خاطرك فيها الدعاء بظهر الغيب اسرع الدعاء استجابة وفيه ملك لم يعصي الله قط حا يدعيلك بنفس دعوتك ?✅

امشي علي الليستا هادي وعرفيها لغيرك وانشريها علي قد ما تقدري وانتظري تحقيق ما تتمنيه وطال انتظاره عن قريب ?✅.

لـ آيـــة