*Президент совғалари Элликқалъалик болажонларга бир олам қувонч улашди

Ҳар йили Янги йил байрами муносабати билан ўтказиладиган “Президент арчаси” тадбири болажонлар учун беғубор орзу-умидлар шодиёнасига айланади. Ушбу тантаналар давомида Президент совғалари топширилиши эса кичкинтойларга олам олам қувонч бағишлайди.

Бугун Элликқалъа туманидаги санъат саройида "Президент арчаси" тадбири юқори савияда ташкил қилинди.

Юртбошимизнинг келажагимиз эгаларига кўрсатаётган меҳр-эътибор ва ғамхўрликлари ҳамда юртимиздаги болажонликнинг ёрқин ифодасини ўзида намоён этган тадбирда туман ҳокими В.Б.Ниязимбетов, сектор раҳбарлари, корхона ва ташкилотлар раҳбарлари ва болажонлар қатнашди.

Туман ҳокими В.Ниязимбетов болажонларни Янги йил билан табриклади. Ўқишларига омад тилар экан, уларни янги ва юксак марраларни забт этишга ундади.

Бунга муносиб равишда келажагимиз эгаларини яхши ўқиб, ҳунар эгаллаб, юрт манфаати, халқ фаровонлиги учун хизмат қиладиган инсонлар бўлиб вояга етишга, мамлакатимизда Учинчи Ренессанс пойдевори бўлишга чорлади.

Шундан сўнг "Президент совғалари" болажонларга тантанали тарзда топширилди.

Театрлашган саҳна чиқишлари эса барчага бир олам қувонч бағишлад*и.

“Назм ва наво” — “Ёшлар ва мақом” кечаси

Бугун Элликқалъа туманидаги ихтисослаштирилган санъат мактабида Республика Маънавият ва маърифат маркази Элликқалъа туман бўлинмаси, Ўзбек миллий мақом санъати маркази Қорақалпоғистон Республикаси ҳудудий бўлими ва Элликқалъа ихтисослаштирилган санъат мактаби ҳамкорлигида “Назм ва наво” ҳамда “Ёшлар ва мақом” кечаси ўтказилди.

Тадбирда ёшларга миллий мақом санъатини сингдириш, унинг маънавий юксалиш ва ёш авлод тарбиясидаги аҳамияти ҳақида фикрлар билдирилди.Шунингдек, мақом санъатининг ёш авлод қалбида шаклланиши ва маънавий юксалишдаги беқиёс аҳамияти таъкидланди.

Тадбирда Ўзбек миллий мақом санъати маркази ходимлари томонидан миллий куй ва қўшиқлар ижро этилди. Тадбирнинг ўзига хос жиҳати шунда бўлдики, мақом ижролари билан бирга шеърият намуналари ҳам ўқиб эшиттирилди. Бунда ижодкорлар миллий руҳ ва маънавиятни акс эттирувчи шеърлари билан иштирок этишди.

Тадбир якунида миллий мақом санъатини ривожлантириш ва келажак авлодга етказиш йўлида қилган улкан меҳнатлари, фидокорона хизматлари ҳамда миллий маданиятимиз ва халқимиз руҳиятини юксалтиришдаги ҳиссалари учун Республика Маънавият ва маърифат маркази Элликқалъа туман бўлинмаси томонидан фидойи санъат ходимлари ташаккурнома билан тақдирланди.

✏️ҚР бөлимниң рәсмий каналы
👉 @QR_Ruwxiyliq