ومضه
ـــــــــــ
عباس عدنه علم والوطن عدنه حسين
الدين بحسين اقترن الـديـن واسم حسين
والوطن من يرتقي ابدين اوعلم وحسين
ــــــــــــــــــــــــــــــــــــــــــــــــــــــــــــــــ
القصيده
ــــــــــــــــــ

حبيبي ياگمر. يانور البصر
محبوبي يعباس محبوبي يعباس
ـــــــــــــــــــــــــــــــــــــــــــــــــــــــــــــــــ
انته حياتي اودنيتي ما اهوى غيرك ثاني
يالعايش ابنص الگلب وارويحتي اووجداني
انته حبيبي امن الزغر يافرحتي اواحزاني
اتمنه اطوف ابحضرتك كل لحضه انه امتاني
يابعد العمر يانور البصر
محبوبي يعباس محبوبي يعباس
ـــــــــــــــــــــــــــــــــــــــــــــــــــــــــــــــــ
لــوضاگت الـدنيه علي انته امـل دنيايه
الروح كل شده اوحزن اتروح الك عنايه
انته الحيات انه العمر ياغايتي او رجوايه
انته التفرجلي العسر بالحزن انته اويايه
اوياي ابكل عسر. يانور البصر
محبوبي يعباس محبوبي يعباس
ـــــــــــــــــــــــــــــــــــــــــــــــــــــــــــــ
يااسد في سوح الحرب يمروي العطشانه
حامي الضعينه ابكل وكت انته التروي اضمانه
يانـور بسمـانه اعتلى بيك ازهـرة دنيانه
يوم الحشر يوم الوعد انريدك تقود الوانه
وتشفع بالحشر يانور البصر
محبوبي يعباس محبوبي يعباس
ـــــــــــــــــــــــــــــــــــــــــــــــــــــــــــــــــ
اليوم اجينه ابمولدك نفرح ابكل احساسنه
والدنيه تزهـي ابجيتك ياعطر كل انفاسنه
يالمولدك خيـر اوفرح بي تبتشر كل ناسنه
طول الزمن طول العمر تبقى انته رفعة راسنه
يادر من درر يانور البصر
محبوبي يعباس محبوبي يعباس
ـــــــــــــــــــــــــــــــــــــــــــــــــــــــــــــــــ
لشاعر اهل البيت عليهم السلام
خالد عامر الزيادي

عباس عباس انته رفعة راسنه
عباس عباس يا فخر نوماسنه

هاليوم هاليوم نفرح ابميلادك
هاليوم هاليوم اتجددت اعيادك
هاليوم. هاليوم نفتخر بٱمجادك
عباس عباس ياوردنه اوياسنه
عباس عباس. انته رفعة راسنه

هالناس هالناس الليله كلهه اويانه
هالناس هالناس سيدي فرحانه
هالناس هالناس اتصيح يامولانه
عباس عباس تبتشر كل ناسنه
عباس عباس انته رفعة راسنه

مولاي مولاي اگلوبنه اتهنيلك
مولاي. مولاي يالوفيت الدينك
مولاي. مولاي ياذخر لحسينك
عباس عباس يا عطر انفاسنه
عباس عباس انته رفعة راسنه

كل عام كل عام انجدداحنه البيعه
كل عام كل عام للولي و انطيعه
كل عام كل عام ننتظر تشريعه
عباس عباس. نفرح ابٱحساسنه
عباس. عباس. انته رفعة راسنه

لشاعراهل البيت عليهم السلام
خالد عامر الزيادي

لوله حسين عشنه أبهم ونسله
فاز الي حزن لجله وأنسله
الينكر حب ابو اليمه ونسله
تنكره فاطمه اوسيد البريه

شيعه ابمنهجك يحسين سرنه
ألك مشيآ على الاقدام سرنه
سر عند الخلگ مفظوح سرنه
لجل حبك ندوس اعلى المنيه

شاعر اهل البيت عليهم السلام
خالد عامر الزيادي

نــــــــــعــــــــــــــي
ــــــــــــــــــــــــــــــــ
رحتي امن اديه يمه غفل رحتي امن اديه
تصعب عليه يالغيبتچ تصعب عليه

وگت الاغروب كل يوم اذكرچ وكت الاغروب
واگليبي متعوب من فرگتچ اگليبي متعوب
عيني اعلى الادروب وانطر جيتچ عيني اعلى الادروب
لوهاي هيه انشوفچ بعد لوهاي هيه

صارت بعيده يالشوفتچ صارت بعيده
والهم يزيده ايون الگلب والهم يزيده
بعدچ وحيده بس بالحزن بعدچ وحيده
يمي الزچيه مشتاگه الچ يمي الزچيه

لشاعر اهل البيت عليهم السلام
خــالـد عـامـر الـزيـادي

نــــــــــعـــــــــــي
ـــــــــــــــــــــــــــــ

اشگد صعبة ابغيابچ چلمة اليمه
أمن ا سمعهه ييمه اتهدم الحيل
أزغيره أوفارگيتچ بأول اسنين
على اخدودي ابغيابچ دمعتي اتسيل
حگ مو بس دمع ابجي انه الاعيون
ياشمعة حياتي ابظلمة الليل
عليچ الدنيه وحشه اوخالي البيت
اهنا يم المحنه اشلون ترحين

خادم الزهراء عليها السلام
خالد عامر الزيادي

باب الكسرظلع الزهره خله الگلب يلهب جمره
من ذاك اليوم الهاليوم
شيعتهه ظلت بهموم
مهظومه اوتهمل بالعبره
ــــــــــــــــــــــــــــــــــــــــــــــــــــــــــــــــ
من انكسرمنهه الظلع البضعه بنت المختار
ظلت تلوج امن الألم والعين اتصد للكرار
الهظم محسن من وگع يومي بأيده اعالبسمار
والدمع منهه سچاب
اتنادي ياداحي الباب
مهظومه اوتهمل بالعبره
ــــــــــــــــــــــــــــــــــــــــــــــــــــــــــــــــ
خلفو وصيتك والدي بيعتهم او نكروهه
بجمع السقيفه اهل الرجس ام الحسن ظلموهه
اول هظمهه الشافته بالباب من عصروهه
جم ضيم الشافت جم هم
عترتهه بچتول اوسم
مهظومه اوتهمل بالعبره
ــــــــــــــــــــــــــــــــــــــــــــــــــــــــــــــــ
او بعد الزچيه الطاهره اتواكبت هاي المحن
جرح الصميده حيدره الشيعه ونتله ابحزن
والحره زينب حايره فگدت وليهه اخت الحسن
بفگد امهه وامصاب الولي
مهمومه زينب بت علي
مهظومه اوتهمل بالعبره
ــــــــــــــــــــــــــــــــــــــــــــــــــــــــــــــــ
والمسموم وجرح امصابه والچبده الظلت مسمومه
وحسين الظل فوگ الغبره عطشان امخظب بدمومه
ولوعت زينب يوم العاشر مسبيه اوامست مهظومه
ابلا والي اتظل بين الناس
لا يمهه حسين او عباس
مهظومه اوتهمل بالعبره
ــــــــــــــــــــــــــــــــــــــــــــــــــــــــــــــــ
وي ونت زينب ونينه واشگدشفنه آآهات اوظيم
چم ظيمالشفنه اوعانينه چم ارگاب السالت دم
متمسكين ابحب العتره اشما ضحينه او مانهتم
اشما جارت بينه الكفار
تتعنه العتره الزوار
مهظومه اوتهمل بالعبره
ــــــــــــــــــــــــــــــــــــــــــــــــــــــــــــــــ
لشاعر اهل البيت عليهم السلام
خالد عامر الزيادي

نـزل مـرسال الـمنيه
استٱذن السيد الـبريه
حـيدر ايـفارگ اخـيه بالأنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليله بدموعك يحيدر ودعت سيد الرسل
ياعلي وايعينك الله اشلون گلبك يحتمل
اشلون ودعته اخيك مـن گـرب ليه الاجل
بقت لو وياه روحك راحت اوياه من رحل
راح طاهه ابهل مسيه
صعبه كلش هالقضيه
حـيدر ايـفارگ اخـيه بالانين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشحال الأيوسداخيه بيده وابوكت الدفن
وحسرة الفاگد عضيده مايفيد الهه الحزن
ماتوفي ادموع عينه لو تصب شبه المزن
عظم الله اجرك يحيدرعالمصايب والمحن
ياعـظـم هـاي الـرزيه
وحده ظل حامي الحميه
حـيدر ايـفارگ اخـيه بالأنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليله بـغيابه حزينه فاطمه ابحسره اوألم
جارت اعليهه النوايب من رحل سيدالأمم
الأبوخيمه اعلى بنته لوتحس بنته ابهظم
ابياألـم ياحسره ظلت ابيامصاب اوياظلم
من تون ونـه شجيه
راح ابوالزهره الزچيه
حـيدر ايـفارگ اخـيه بالأنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليله بالـهم ابـغيابه الـحسن دمعه ايـهمل
والغريب حسين بعده بحسره ماضله امل
شافواخلافه الاذيه مـن ظلم اهـل الـجهل
واليتامه اتلوع ضلت لاولي لاعـدهه أهـل
الـحزن عـم عالوطيه
راح ابوالطلعه البهيه
حـيدر ايـفارگ اخـيه بالأنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لشاعر اهل البيت عليهم السلام
خالد عامر الزيادي

اهتزت اركان السمه راح والد فاطمه
گامت اتنوح الزچيه ابهذا الآمصاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يوم راح النبي الهادي فاطمه اتهل الدمع
تنادي ابونه شجيه بويه احس گلبي انشلع
بويه ظلمتني الآعادي وانكسر من الظلع
بويه والمحسن تصوب راح مني منصرع
شوف بويه ابن الدعي هل سطرني ابعيني
گامت اتسيل ابدماهه او دمع سچاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من غبت سيد رسلهه خالفو عهدك الي
وبجمعهم بالسقيفه خلفو البيعه العلي
فزعو اعلى الدار لينه چتفو بويه الولي
ٱلتزم بويه ابوصيتك ماخلف عهده الوصي
بويه خلفو بيعتك خم غدير انسوهه
غدرو ابحيدر علينه داحي الباب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
آه يابويه شوصف گلبي چم لوعه حمل
من جمر فگدك تچوى والجسم مني نحل
بلوعة السطره يوالي عيني حمره واتهمل
وانكسر بالباب ظلعي بويه واگليبي ذبل
بويه محنيه الظهر من رحت يالغالي
دمعي بالعصره اختلط وي دم الآصواب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بويه بالحسرات والهم خلص بعدك هالعمر
دنيتي جارت عليه بظيم وآآهات و قهر
بعد ماغمضت عيني حيدر ابراسه انطبر
والحسن تدري ابغيابك چبده بالسم نفطر
و الحسين ا بكربله الشمر حز رگبته
وزينب الحره سبيه ابين الاجناب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بويه من گبري وانوحن باليسرويه الحرم
وبدمع سكنه او رقيه گلبي يابويه انهظم
طفلي وي طفل الرباب بنبلة الطاغي انفطم
وصدري رضنه الحوافروي صدرابني انهشم
صوباني حرمله يوم صاب حسيني
دمي من ظلعي جرى وي دم الآخضاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لشاعراهل البيت عليهم السلام
خالد عامر الزيادي

ملا هذه القصيده على لحن قصيدة (اسمعي يمي فاطمه) للملا احمد الباوي

طه طه زينب تنادي طه طه بين الاعادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
ياجدي نادت واعلينه فزعت خيل ال اميه
اعيالي هجت واخواني طاحت بالغاضريه
طايح ولينه وامخضبينه ابـن الزچيه
احنه انسبينه وامـسـلبينـه وانـه سبيه
طه طه ناده المنادي. طه طه والشمرحادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
طاح الكفلني والهم كتلني والدمعه تسچب
والي هظمني. زيدلي وني هاي النوايب
امشـي سبيه بالغاضريه ويه الاجانب
وي ال اميه بت الزچيه شوف العجايب
طه طه اعليك اعتمادي طه طه اتجرح فؤادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
حركو خيمنه ذبـحو زلمنه. ولـيه ولـونـه
نهتف يجدنه والي هظمنه ايسبون ابونه
اسـره ضعنه للشام اخذنه يسره خذونه
بالهيمه سرنه ايتام اوحرمنه وي راس اخونه
طه طه بالهم ينادي طه طه زين العبادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
ألوحده سجاد من بعد الامجاد اهل الشهامه
المجلس احقاد ياجدي ننگاد وسفه اوندامه
ابلايه ولينه انرد للمدينه بس اليتامه
انمر بالظعينه. يوم اربعينه. لهل الامامه
طه طه صرخة فؤادي طه طه هزت الوادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
لشاعر اهل البيت عليهم السلام
خـالـد عـامـر الـزيـادي

شفتك طايح والهم حنالي اظلوعي
ابدمك سابح واتـغسلت بـدموعي
حاچيني يبن الزهره
اگليبي ظل ابحسره
شفتك طايح شفتك طايح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خويه من ردالمهر خالي سرجه عالظهر
چنه يناديني ابذعر راح راح
زينب اخيچ منذبح والجرح صار ابجرح
ايگلي خدرچ والفرح راح راح
الخيل ياخويه اجت لخيامي ليه اتگربت
واشچم يتيمه التيهت راح راح
محتاره مابين الخيم حيلي ياخويه انهدم
والنضر مني انعدم راح راح

گلبي او روحي راحن الك يالغالي
اعليك اجروحي تنزف دمه يالوالي
نار الخيم مستعره
اگليبي ظل ابحسره
شفتك طايح شفتك طايح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خويه اعتنيتك للحرب دمعاتي عالوجنه تصب
شفتك ذبيح اعالترب آآه آآه
ياخويه ليك اتگربت انه انتخيتك مأسمعت
اعيالي ياخويه انسبت آآه. آآه
مذبوح ياخويه النحر والسهم طالع بالظهر
واگليبي مايحمل قهر آآه آآه
محتارگلبي وانهظم. مابينك اوبين الخيم
اعيالي تاهت والحرم آآه آآه

لواظل يمك لو ارد الم ايتامي
حيرني امرك واتحيرت بألامي
بأأوصالك المتوذره
اگليبي ظل ابحسره
شفتك طايح شفتك طايح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خويه بالهيمه صفت اعيالي كلهه اتسلبت
اوياكم البسمه مشت وين وين
اشلون اصبر وعتي ابدمعتي لوحسرتي
صحت چاوين اخوتي وين وين
طفله ياخويه انچوت امن السياط اتعذبت
اتدور اعليك اوبچت وين وين
وانضرالصوب النهر بلكي يفزعلي الگمر
عالثره او راسه انطبر وين وين

راعي الرايه يم النهر مذبوح
تنطر مايه. اعيالي بيهه اجروح
نـام الگـمرعـالغـبره
اگليبي ظل ابحسره
شفتك طايح شفتك طايح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خويه لوامسه المسه ضعني ياهو اليحرسه
اشلون حالي والنسه شوف شوف
ابهيمه وابلايه ولي من يرجعني الهلي
وانتخي احضرياعلي شوف شوف
با لأيتام امحيره وينه سبع الگنطره
ريته بحوالي دره شوف شوف
خويه من صارالصبح راسك اگبالي ابرمح
خويه اداوي ياجرح شوف شوف

راسك يمي والجسم فوگ الغبره
ياهو ايلملي اوصالك المتوذره
ويـه الـعده متيسره
اگليبي ظل ابحسره
شفتك طايح شفتك طايح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لشاعر اهل البيت عليهم السلام
خالد عامر الزيادي