بعد عام ونجي مشايه لحسين
نوادع كربله وللبيت ماشين
اشبعن شوف من حسين يعيون
كبل لا سامح الله أتغمظ العين
اشحلات بدربه لمن نبجي عالنوك
وننعى اعله السبي وياذاك الونين
زينب طبت بديوان بالشام
وزينب وينها وين الدواوين

من الشام إجت زينب بس جيتها يا جية
يحسين الإجت وياك هسه تكول مو هيه
غيّرها السبي والسوط ، مايرحمله علويه

ما تعرفها يحسيـن
زينبكم قبل ويـن
بيها اشسوت الشـام
اوگفات الدواوين ...

محـد الها واتنـوح
وبيها معذّبـة الروح
بكل خطــوه تصيح آه
تـون و تفـز الجــروح

خويــه ..... ونتهـا يحسين وبــچت
خويــه ..... محٌد تلگاهـا الأخـت
خويـــه ...أمن الشام زينب شيّبت
**،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
إشكثر عمه وبعد نوصل يبو الباقر تعب حالي
بعد شمرة دمع كَلها يعمه ونوصل الغالي
أوّل مره ذاك حسين ما كام وتعنالي

بعد رحلة عذابات
رد ظعن السبيات
ومن طب كربله بنوح
تلاكه المسبي والمات

نوّخ ظعن الاطياب
يمك يابو المصاب
أوّل مرة يحسين
نشوفك حدرالتراب

خويه،، زينب إجت ويالظعن
خويه،،، وابكربلا دفنت وطن
خويه،،، وإشكد مدامعها بجن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
إجت بس بطلاع الروح سبيــة وحيــل ما بيها
يعت بيهــا الحزن والشوگ واتون اعله اهاليها
شمرت روحها أمن النوگ ذبتها اعله غاليــها

قبل لتنوّخ النوگ
ذبت روحها بشوگ
ما تانت يالحسين
گلبها عليك محروگ

تكلك كلهن إحذاي
سكينه وزينبك هاي
بس اعذرني يحسين
رُقيـة ما هي وياي

خويه،،، درب الجرح شفته ورحت
خويه،،، أمن الخيمه والحد الطشت
خويه،،، يا ليتني وياكم. متت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كعدت عالكبر تنعى. ذهيله وما حجت كلمه
ماكالت خرابه وشام خاف حسينها تلجمه
بكلبها إشكد حجي وعالنوك الهزل ماسولفت يمه

إبسبب مايحمل آهات
ماصاحت خرابات
بعد ما عايز جروح
واتكله رقيات

وَلَو شافاهن الراس
سبايا أبين حراس
للطف ردن إنوب
للبالحافر إنداس

خويه،،، هاي هيه وخلصت
خويه،،، زينب عليك إشكد بجت
خويه،،، ردتلك الراس وإجت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كرار أبو مهدي المالكي

تم تعديل القصيدة

بس الله والهيمه
مامش ضره و خيمه
أولا جانت ابيني
وبين الشمس غيمه

متعنيه مشايه
بس ماشفت رايه
ولا موكب بدربي
وخادم يصب مايه

حايره وبالصحره تمشي الحايره
ماكو   خدام   اتلكه   الزايره 
ابوكتي ما جانت مواكب صايره

ماكو ابطريقي احسينيات
وآنه بركبتي العلويات
بذيج الصحاري اشلون انبات
بليل الشوك جروح
زينب وين تروح
زينب وين تروح
////////////////////////////////////////////
متعنيه لخواني
ومحّد تلكاني
امدلله وكتي
مهضومه خلاني

لو ميته أشوالي
محتاره بطفالي
والليل لوجلجل
ديرة عرف مالي

امشي بس اشلون  وابيا حاله
مشية   المذبوح   وي   جتاله
حسين وكتي وياي مدري إشماله

محد   يكول    اتفضلو   وياي
صاير على اختك حسره الماي
حيلي قليل وجرحي اهواي
السوط ابمتني يلوح.
زينب وين اتروح
زينب وين تروح
//////////////////////////////////////////////
يمغيّر الواني
زينبكم تعاني
الكه طفل وأفكد
بالبر طفل ثاني

زينب على الناكه
كل خطوه مشتاكه
يوم اربعينيتك
وي كبرك اتلاكه

راده   اليوم   اربعينك   راده 
بس أشم  كبرك  أموتن  رايده
ابوجهي باب الراحه جرحك ساده

تعبني  ضيمك  والعباس
انت الجبتني وجبتك راس
الناس ابزمانك ما هم ناس
مارحموا مذبوح.
زينب وين تروح
زينب وين تروح
//////////////////////////////////////////////
جنت أحلف ابراسك
واشتم هوى انفاسك
أدري عليه اتحن
اختك وأعز ناسك

بس  النحر  شفتك
جايبني  وجبتك
ردالك   و ظلت
برض  الغرب  بنتك

اشعايفه اتكلي وراج  اشعايفه
عايفه   بنتك   رقيه   وخايفه
شافت الغربه وكبل ما شايفه

ماتت  رقيه   و ما تلّام
مثل المنيه الشام الشام
أشكد لوعونا الموش إسلام
لأهلك ون اللوح.
زينب وين تروح
زينب وين تروح
//////////////////////////////////////////////////كرار أبو مهدي المالكي

تطبير

هَذا حُسَينٌ رأسُهُ مَنْحُورُ
ذبحًا قَضَى فِي كَربلا مَغدُورُ
حيدر حيدر/ حيدر حيدر

واقعه عدنا ورواية = للشعيره أشرت
بالنبي إبراهيم نبدي = طاح جي مهره أعثرت
هامته انشگت اله
عرف هوّ ابكربله
وشاهد الثاني العقيلة = الراس أخوها دم جرت
لطمت ابهودجها هامة = يعني زينب طبرت

مَن طبَّرَ الرأسَ فَذا مَعذُورُ
هَذا حُسينٌ رأسُهُ منحورُ
حيدر حيدر/ حيدر حيدر

مو خرافه ولا تخلف = عن درايه وعن وعي
مرجعي حسين وتطبّر = وآنا اقلد مرجعي
راسه مدمي امن الحجر
موضع السجده انفطر
حسين تبجيله سمائك = شنهي قيمة مدمعي
كون مو راسه واصبعه = انگطع راسي وأصبعي

مِن كفِهِ صِبعٌ لَهُ مَبَتُورُ
هذا حُسَينٌ رأسُهُ مَنْحُورُ
حيدر حيدر / حيدر حيدر
؛*
ياهو أنا وشنهو دمي = وشنهو لو راسي انطبر
حسين مصيوب اعله گلبه = بي سهم صابه و عبر
زحمه بيه فد جرح
ماشفت ضيم الرمح
وما شفت دمي أعله طول = الرمح ينزف بي شهر
لترك ابراسي علامه = وشاهد إيظل الأثر

فِي ثغرِهِ سِنٌ لَهُ مَكسُورُ
هذا حُسَينٌ رأسُهُ مَنحُورُ
حيدر حيدر/ حيدر حيدر

ابكربله الخضب لحيته = بالنجف يكسر ظهر
وبالمدينه عيون طه = تبجي لحسينك نهر
امراشك اسهام انترس
ابخده ظل حافر فرس
آه البكلبي طويله = من محرم حد صفر
عالذي سلبو ثيابه = لشك ثوبي ابهالشهر

أعضاؤهُ قَد قُطِّعت مَحسُورُ
هذا حُسينٌ رأسُهُ منْحورُ
حيدر حيدر/ حيدر حيدر
؛***
اجروحه الف وتسعميه = وجيت اواسيه ابجرح.
بلكت الله إيهيد راسه = اشكد نزف فوك الرمح
العاشر إيريد إزلمه
ينطي لحسينك دمه
إلتغطا بالكساء = إتغطا من دم الذبح
راسه مفتوح ابجراحه = جنه مصحف منفتح

فوقَ القنا قسرًا مَشَى مَجبُورُ
هذا حُسَينٌ رأسُهُ مَنحُورُ
حيدر حيدر/ حيدر حيدر
؛***
كرار ابومهدي المالكي

رباطات

إبنحره شميته
وصيه أمن الزجيه إبنحره شميته

إبصدره حبيته
والمثلث يتاني إبصدره حبيته

وحده خليته
ما ينطيني كلبي أوحده خليته

امكدره الديره
عكب حلو المحاجي أمكدره الديره

إرجع ويانه
إبروح أمي أحلفك إرجع ويانه

ضاعت ألوانه
عزيز الزهره بالطف ضاعت ألوانه

الما يخاف الله
تربع فوك صدره الما يخاف الله

لا تعذبونه
تكافي الخاطر الله لا تعذبونه

لا تسلبونه
هو إشظال عنده لا تسلبونه

لا تسحكونه
مات حسين بسكم لا تسحكونه

غمظ إعيونه
التارسني محنه غمظ إعيونه

لا تشيلونه
دلال الله ابحصيره لا تشيلونه

مو إله النومه
أمصلي الليل بالطف مو إله النومه

حيل مابيه
ابعيده التله عني وحيل مابيه

بالشمس عاري
وأفييله ابعباتي بالشمس عاري

يخنك الريه
يدخان المخيم. يخنك الريه

طكه جتاله
توجع طكت الطف طكه جتاله

بجت إعياله
ينظرات الشماته بجت إعياله

هوسوا. يمنه
على أعناد العلاوي هوسوا يمنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كرار أبومهدي المالكي

ياعلي

حيدر. أمان٠الخائفين٠٠٠وللمغترب٠حيدر٠وطن
الماله ابو كله آنه ابوك = وأبظهرك حسين وحسن
وابمرقده حتى الحمام = امأمن يطب في الصحن
كلبه احن من كلب ابوي = ومن امي حيدر هم أحن

ياسما و باقي البشر نجمه ابسماه
ولو ركع لله. العرش. يركع وراه
الجيش. من يغزي. كبل والدنيا ليل
حط علي. جدام. يندل. ابضواه

علي باب الحطه/ والنقطة/ إباء البسمله
واليريد التوبه/ امن اذنوبه / يمحيهن اله
مايرد خطاره/ وزواره/ تارسهم هلا
=========================
دك بابه مسكين ويتيم = ثمّ الأسير اتعنه اله
وكل واحد ابيوم اليجيه = ينطيه فطور العايله
من السحور وللسحور = صايم يظل هوَ وهله
ابدولة علي ماكو جياع = حتى الطيور امدلله

علي ابوكته الحاط يشبع واليطير
اثيابه. خشنه ولبس الوادم. حرير
علي عالي و يكدر إيلوح البعيد
وما تعلى وشال خشمه. اعله الفقير

حكي من اتكلم / واتشيّم / أتخذه ولي
بالمهد والفظها/ واحفظها / جلمة يا علي
ياحرز بكماطي/ وبزماطي/ غيرك ما ألي
=========================
جرِّب ولا تسأل حكيم / ما حاجه تفسير وشرح
قُل ياعلي وحيدر يجيك / إبهيئة شفاء الكل جرح
حيدر هو الفوز المبين/ آية إشاره اعله الربح
هذا علي عكس الظلام/ قد اسفر وجاء الصبح

علي من يتضايك وشده تجيه
ابروحه يندب ياعلي وتفرج عليه
إتنخته عالنخله مريم بالمخاظ
وهو هز الها. الجذع بثنين إديه

الفارسي حضريته/ وسويت/ السلمانك كبر
والشمس رديتها / وخليتها/ ترجعلك ظهر
ما يوصفك شاعر/ يالعابر/ افكار الشعر
=========================
شايل علي علم الكتاب/ مو يرملون وقلقله
العنده علم من الكتاب/ آصف عجز ما حلله
حيدر سؤال ابلا جواب / بس الله حل المسأله
ردت٠إله٠شمس٠الله٠هاي / يعني الشمس شيعيه اله

منحني اشخيره علي وشنهو الإجاه
ظهره. محني شمره. ماخذ عالصلاه
بالحرب من ظهره ما كربوله ليش
شايل العباس. ويخوف. كفاه

إسمه طلسم كتبه / الكل صعبه / واتهون الشدد
لله باب الرحمه / ابخت إسمه / تنحل العكد
زلمه يهوى الصعبه/ و الكعبه / اب بلداخلها انولد
،===============))))========
كرار ابومهدي المالكي

إبجي الحبيبك دمعه يفلان
وابني ابظميرك موكب احزان
دامك عدل. بالدنيا موجود
لاتنسى جرح المات عطشان

وراك الناس خلها اتسولف بخير
صوب حسين روح وموش للغير
لتخاف المنايا إبجي لحسين
هو الكاتبه الله حتمآ يصير
لكبار العشيره جروحنا. اكبار
جبير حسين يهظم جرح الجبير
إشما يكبر عمرنا أشواكنا اتزيد
ويا كسر الكلب مافاده تجبير

خلي إبشعارك قرارك آيحسين
سر إنتصارك دموعك عالخدين
ياهو كدها ويردها ويوفي الدين
بس الحسين اليجيك أبوكت البين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
إبجي قبل. لاتكطع الصوت
حسين الذي. ما شاله تابوت
هو الربح. بالدمعه مظمون
يصبح شفاعه ابعالم الموت

هول المطلع من يصعب إعليك
أكيد حسين وحدك ما يخليك
إشرايك من تشوف النار يفلان
وسنان النار من إبعيد يجويك
الأخو إيفر امن أخيه وأصعب اتشوف
ابوك اهناك يتبرا ويجافيك
وانت اتخيل الموقف ظال محتار
ويجيك حسين صك الجنه ينطيك

امن إيدك يلزمك يكلك أمشي انروح
يم الزجيه يكلها بعد الروح
خادم جبتلج ييمه ابكلبه جروح
جان بحياته عليه وياج ينوح
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يومك يجي. وينكالك مات
وعكب الأهل. بالمكبره اتبات
الحد ما تفز. ابنفخة الصور
ويوم الحشر. تصطف الأموات

توكف بالحشر يفلان مجبور
زدحام الناس وانت ابنصها محشور
اهناك الجنة فاتح بابها حسين
للباجي ابمصابه وكل سنه ايزور
وتشوف أشخاص يمك ناكسه الروس
ثاري الما يعرف حسين محكور
إبهالحاله ويجيك حسين ويصيح
طب إبلا حساب الجنة الحور

فاز التمسك أبشرك بسم الآه
حسينك طريقه يوصلك عند الله
الله يوده ويريده و ما ينساه
كلشي انطه لله وإلهك كلشي انطاه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياربي كلي حسين شنطاك
وخليته واضح للبشر ذاك
من إختبرته ابذبح العزاز
عبد الله شاله وكالك هاك

دلال الله أشوفه أبين الثنين
وين البالكسا والعالرمح وين
وين البالكسا ويطبله جبريل
أوين البالطشت طب للدواوين
أبو شفاف اليقبلها النبي جان
عليها أنرسمت أفطور الحياطين
على المثل الحسين أنصب الدموع
صلى الله على الباكين لحسين

إبجي ابنحيبك حبيبك. يسوه الآه
وحي الله ناده ابمصابه واويلاه
واللي يحب حسينك حبه الله
بالك تروح ويغيره ابقى وياه
؟؟؟؟؟؟؟؟؟؟؟؟؟؟؟؟؟؟؟؟؟؟
كرار أبومهدي المالكي

نزال

أم البنين الوصفوها
قصة حلمها أبيت ابوها

أم البنين ابدار/ والدها تحجي اخبار
شافت حلم واشصار / يا وادم الها

نزلت عليها انوار/ طاح ابحظنها اقمار
جان ابحلمها اسرار / والدها كلها

يبنيتي بشري ابحلمج الزين
رايح يخطبج سيّد الدين
من عنده الله ايرزقج أقمار
واسمج يصبّح أم البنين

رؤية منام الفسّروها
قصة حلمها أبيت ابوها
"""""""""""""""""""""""""""""""""""""""""""""""""
حيدر شرف طلّاب / دوّر مره وما خاب
جان العلي نسّاب / كله ابإسمها

بيت الفخر ماليه / أم البنين البيه
تدعي الله واتناجيه / ايحقق حلمها

لن ثاني يوم اندكت الباب
حيدر علي جايلها خطّاب
كلتله صار التآمر ايصير
خدامه أصير البيت ابو اتراب

تخدم علي وزينب واخوها
قصة حلمها أبيت ابوها
"""""""""""""""""""""""""""""""""""""""""""""""""
عالنسوه حكها اتشيخ/شيخه وخذاها الشيخ
متعليه عالمريخ / مثل الثريه

شالت بطنها احيود/ وين اليفدّي ازنود
بالتضحيه والجود / صارت هويه

لَبوَه وبطنها اتجيب ضرغام
بالملكه دوم ايصير جدّام
صوب المخيّم ما رضا ايفوت
بعيونه يشكف ظل السهام

بالطف حقيقه جسّدوها
قصة حلمها أبيت ابوها
"""""""""""""""""""""""""""""""""""""""""""""""""
اتشافي الجرح ليهيج / جابت زلم للضيج
وين الينشف الريج / حلفوا ب اختهم

يازينب الترديه / من عدهم اختاريه
كافل يضحي إيديه / وكالت كمرهم

الضعن العقيله جابت أبطال
عالهامه صاروا جنهم اعكال
كلهم نشامه وخصّ عبّاس
رادته زينب هوَ كفّال

يبره الضعنها لو سبوها
قصة حلمها أبيت ابوها
"""""""""""""""""""""""""""""""""""""""""""""""""
بدويه واتصيرين/ علويه واتشورين
أم الكمر وحسين / هم صار ابنها

بكماطه واتوصيه / بحسينك اتناغيه
لوحيده لتخليه / اتحلفه ابلبنها

رحمه اعله بطنج يام البنين
شالت أسود اثنين واثنين
كلهم ضمايه ابحسرة الماي
وصاروا ندى اعله اشفاف الحسين

بالطف ولدها شيّموها
قصة حلمها أبيت ابوها
"""""""""""""""""""""""""""""""""""""""""""""""""
أمك يساكي الماي/ مافشّلت نخّاي
واتوزّع إنّ افياي / والخيمه اختها

انطت ضنه لحسين/وانطها ابو الحسنين
شاره الترد ميتين / يكتل بختها

منها المحنه اتفيض نهران
مركب نجاة الجان غركان
ثوب الوجاها اعليها تفصال
من الله موش اشلون ما جان

تخلص محنها اللي نخوها
قصة حلمها أبيت ابوها
"""""""""""""""""""""""""""""""""""""""""""""""""
عزيز المياحي
أبو مهدي المالكي

الصدر فصيح//// العجز شعبي

كُلُّ  شَيءٍ  للفَنا ذا واقِعًا
                             يبقى ذكر حسين والكل فاني
أشْهدُ ألّا حَبيبًا لِي سِواك
                               إلّهْ  انت  الساكن  ابوجداني
دُوْنَ شَرطٍ، بِكَ إنّي قابلٌ
                               سيدي  إقبلني  عبدك  آني
في  فؤادي  ساكِنٌ  دُونَ شَرِيك
                             واليحب حسين ما حب ثاني

عشگ/ مابين اليدگ
ياجرحي الذي/ بضلوعك سحگ

إمام اعله.   الجن وملك
هلي  فدوة.  التربة  هلك
ينور  الله.   اوّجه الصبح
من عيونك.. يضوي الفلك
محبوبي حسين
محبوبي حسين
///////////////////////////////////////////////
ياكريمًا  لن  يَرُدَّ  سائِلًا
                وصار للعله شفاء اترابك
في زمانٍ لا مغيث للعطاء.
                             وانت  ليل  إنهار  فاتح  بابك
أنت  أكرمتَ  الإلهَ  بالدِّماء.
                             وإخذ لمن ترضى جان إجوابك
فَلِهَذا  قد حباك اللهُ جَاهْ.
                               يوگف  المشلول  يم  أعتابك

بخت/ يالكلك بخت
كل شدة إذا / ينخونك گضت

يبو الشارة.  التكتل كتل
والي يعوفك.  ماله عقل
ابصلاة الله.  انت الحمد
بدون إسمك.  ما تنقبل
///////////////////////////////////////////////
يا مليكًا في الورىٰ  يهوىٰ  العبيد.
                         و جامع  الخدام  بحسينيته

ما لِمَن يهواكَ حقًا كيفَ لا
بيدك اعله امن النجم خليته

كُلُّ  مَن  يُبكِيكَ شوقًا بِجُنُون.
                                الفخر  لأمه  التعبت  ابتربيته
كانَ مجهولًا  ولمّا جُنَّ فِيك.
                           شاع  بين  الناس  خادم  صيته

صدگ/ يا كلمة صدگ
ابنيران الجوى/ خليني أحترگ

إلك  گلبي.  مو  للغرب
وقف ناذر.  ليك الگلب
أخذ  مني.  كلمة  زلم
عگب دربك. مالي درب
///////////////////////////////////////////////
نلتقِي  يا  ليتنا  في  مُلتقى.
                           اعيوني مشتاگه تشوف اعيونك
سيدي خُذني أنا العبدُ الوضيع.
                                انا محد  يشتريني إبدونك
أحرُسُ البابَ كما في الكهفِ ذاك.
                           والحس  إفضالة  شرف  ماعونك
سوَّدَت قلبي الخطايا والذُنوب.
                      وصار أبيض من صرت مجنونك

هدف / ما يخطي  الهدف
واليوصل إلك/ يوصل للشرف

إلك أسعي. ابدرب  الخطر
جمر أسحگ.  واعبر  بحر
يمن  لجلك.  يحله المشي
وإلك يجري.  المدمع  نهر
///////////////////////////////////////////////
يا شبيهًا بعليٍّ ،في الوغى
ابكيفك اتسكتها واتحجيها
 وشُجاعًا لا تبالي  بالمنون.
                      الحومة بيدك سبحة وتفر بيها

تُخرِسُ الأبطَالَ فوقَ العاديات
وخيلهم ما تصهل اتخليها
قُلْ هُوَ اللهُ عطاءً قَد كَسَاك.
                              اشما  أمد. إيدي  إلك  تنطيها

نعم / ما مثلك نعم
سيد عالعرب / يا شيخ الكرم

اعله باب الله. ومحد إلي
ردت  نظره.   يا  ابوعلي
يعالي  وما.  فوگك  علو
إلك نرخص.  آنه  وهلي
محبوبي حسين
محبوبي حسين
///////////////////////////////////////////////
كرار ابومهدي المالكي