شوفوا طلابنا الحلوين
هذا الوقت هسه حيل حرج هذا الوقت ح يحدد مستقبلنا ح يحدد تعب 12 سنه مرت اتعبوا هسه اضغطوا على نفسكم لا تمشون ورة احد عليكم الله لا تكلولي جدول فلان ووقت فلان هذاك مكمل مواد واني بعدني ابد ابد ابقى لنفسك سوي كولشي بنفسك لا تشتت نفسك هاي الفترة مو فترة تشوف غير مدرسين او غير مصدر ابد ابد أثبتوا على مصدركم هاي الفترة مو سالفه تكعد تشوف اسئلة خارجيه لااااا ابوية لااا راح وقتها هسه بس وزاري سالفة الخارجي جانت بداية الدوام مو هسه طلاب هسه عدكم الكتاب والوزاريات هنا تركز ركزوا على الثواتب بكل مادة وبعد شغلة شوفوا نفسكم ما تكدرون كل المواد دور اول ودور ثاني قسموها ابوية راجعوا نفسكم بس كون من تقسم موادك على الدورين كون تضمن درجات المواد الي مخليهم اول دور وحرامات يروح تعب السنه هيجي بالنهاية اتمنى الكم كل التوفيق بحياتكم ودايما ربك ينطي على كد تعبك والي بي خير وصالح الك من رب العالمين ح يصير وأي شي تحتاجوا واحنا نكدر عليه حساباتنا يمكم وبالتوفيق يحلوين وهاي جُكليته بالبيض??.

〰️?〰️

@dr_shosh6

- المراجعة المركزة - اسلاميه
- ساجد العكيلي
- السادس العلمي
- نسخة 2024 حصرياً

مساء الفُستق طلاب
شلونكم اتمنى تكونون بخير
هاي المراجعه المركزة مال الاسلاميه شوفوها تفيدكم
〰️?〰️

@dr_shosh6

مساء الخير طلابنا الحلوين ?✨
بما ان نزل الجدول اليوم والكل لاحظته انخبص وخايف
واكثر شيء شفته بخوفكم هو المراجعه
خايفين متلحكون تراجعون بس اني حبيت اليوم احجيلكم عني وشلون المراجعه تعاملت وياها هي وملاعيبها ...
يعني اني رغم چنت بمستوى ضعيف
بس چان ايماني ويقيييني بالله كلش كبير انو اطلع معدل عالي !!
تدرون ليش !!
لان قريت بكل ذمه وضمير
سهرت , تعبت , ماهتميت للكلام السلبي ,
قريت باتعس الاماكن , ماهتميت لصديقاتي الي جانن يراجعن واني بعدني اقره بالماده ..
طبعا صديقاتي جانن يراجعن مرة ومرتين وثلاثه
واني اتعجب عليهن شبسرعه لهدرجه وصلن لمراجعه ثالثه واني بعدني اقره بالماده !!!
ح تسألوني انتو اكيد وتتعجبون وحقكم تسألون ليش ماراجعت ليش هيج طولت بالماده ومافكرت بالمراجعه !!!
بس احب اكوللكم الي ضابط الماده وقاريهه قراية كلش توب بعد مستحيل يفكر يراجعهه الا بلليلة الامتحان لان حيكون ضابطها ١٠٠٪
بالاخير شنوو صار اني وصديقاتي الي راجعن مليون مره !!
وحده طلعت معدل 75
والثانيه بالستينات ماتذكر المعدل بالضبط
واني الي قريت الماده بدون ما افكر بالمراجعه جبت 96
ف لتخلون احد يأثر على قرايتكم ابددد
اقروا بصورة كلش صحيحه لتنجرفون ورا الي يخبصكم الي يريدكم بس تستعجلون
بالاخير اتمنى تشدون حيلكم وتقرون كلش زين لان هاي اهم فترة بحياتكم
ويارب بالنهايه كلكم تفرحون ✨?

〰️?〰️

『@dr_shosh6』

قوانين فيزياء فصل الخامس

〰️?〰️

『@dr_shosh6』

شدوا حيلكم ابطال السادس مبقى شي أَيام ونخلص...❤️*?*✨️
〰️*?*〰️

『@dr_shosh6』

دااتخيل شعوري،فرحتي،ضحكتي،لو تحققت أمنيتيّ احس ربّ العالمين يدزنا المطر رزق وفرصة حتى ندعيّ لان الدُعاء  مستجاب بالمَطر اتمنى رَب العالمين يحقق أمنيتيّ وامنياتكم بحق كُل قَطرة مطر داتنزل على الأرضينّ السَبع اللهم الجَبر العظيم الي يتعجب منه اهل السموات والأرض فأنه لايُعجزك شيء في الأرض ولا في السماء ياربَّ اللهم صل على محمد وآل محمد كما صليت على أبراهيم  وآل أبراهيم وبارك وترحم على محمد وآل محمد كما باركت وترحمت على أبراهيم وآل أبراهيم أنك عَليمٌ مجيد واللهم آمين ??.〰️?〰️

『@dr_shosh6』

هذا الملف عبارة عن كل تمارين الكتاب الي تخص القواعد +وزارياتهم كل موضوع مرتب تمارينه ووزارياته
〰️?〰️

『@dr_shosh6』

شلونهم طلابنا الأبطال شلون السادس وياكم

طبعا خليني أشارككم فد نصيحة صغيرونه قبل أربع سنوات تقريبا كنت سادس وقتها كانت بدايه كورونا وهنايه احنه امتحنه فقط نصف ألسنه بعدها كُلشي توقف ?‍♀️ هنايه احنه مكملين كم فصل من كل ماده بسسس يعني أتذكر كيمياء فقط 3 فصول رياضيات بدايه الثالث ……وهناية معرف منو طلع سالفه التراكمي ومااكلكم ?شلون كُلنا وخاصه الي مأخذها من الابتدائيه للسادس إعدادي درجاته تمام ✔️ اتفاعلنا وصرنا ننتظر يعتمدون ع التراكمي تقريبا راحت مني أيام واني ابدّي اقرأ حتى اخلص ماده وترجع سالفه التراكمي وتشتت عقلي المهم التراكمي ماصار وال10 أيام تقريبا أو اقل هيج راحوا ?رجعت للمواد وبفترة طلاب المعاهد لان أكيد مثل ماتعرفون يتقدمون ع المدارس بدوا يراجعون خاصه بعد ماقلصوا المواد لكن من أنت طالب داتقرأ يوتيوب والحذف ماكان من الأخير لا مثلا إحياء حذفوا الرابع ودخلوا الوراثه نصها كيمياء حذفوا من الثالث والرابع ودخلوا خامس وسادس وسابع ويمكن چان أكو ثامن ماتذكر ?المهم مانطول عليكم مع هذا دخلت هاي ألسنه وامتحنت والرياضيات الي چنت قاريه منها بس فصلين ويه المدرسه بفترة مراجعه كملتها وجبت 94 والخطأ چان بالأفصل الأولى ?الأحياء الي چانوا مخوفيني منها وشلون داخله وراثه جبت 100 والعربي الي أدب وقواعد جبت 95 الفيزياء الي دخلوا الفصول الاخيره الحفظ جبت 100 مع انو إني بفترة مراجعه إني داكمل منهج !! الأيام الي ضاعت مني واني لفتره فكرت انتظر التراكمي عوفوا الحذوفات عوفوا الوزاره الي قرارتها ممعروفه الي انتظرانها تحذف فصول اخيره دخلت فصول اخيره كُلشي متوقع اقروا واتعبوا واجتهدوا وأبدد لا تضيعون وقت ولا تخافون ولا تخلون شيء يأثر عليكم ولا تسمعون من احد توكلوا ع ربنا بالتوفيق والله يسهللكم ?

@Fatima22_newbot

〰️?〰️

『@dr_shosh6』