السلام عليكم يا دفعة ✅

دكتور عادل الفاخري فتح الاشتراك مجانًا على قناته على التليجرام لمادة الباطنة طيلة شهر رمضان المبارك 🌙

للاشتراك في القناة تواصلوا مع الحساب https://t.me/MedPro_AF

بارك الله فيك و جزاه الله عنا كل الخير ❤️

ساهموا بنشر الفائدة لزملائكم ❤️

السلام عليكم ورحمة الله،جمعتكم مباركة جميعًا

جامعة بنغازي فاتحين مسابقة للترجمة الفورية،اللي حاب يفهم اكثر ويشارك يشوف البوست

https://www.facebook.com/share/p/1F8WidsgLt/

سلام عليكم دفعة 49، هذا الاستبيان يستهدف الدفعة

الاستبيان بسيط وما ياخدش وقت ، وكل إجاباتكم حتكون سرية وتُستخدم بس لأغراض البحث العلمي. نبو نوضح إن هالدراسة تعتمد بشكل كبير على تعاونكم، ومشاركتكم مسؤولية جماعية باش نقدموا صورة واضحة على مستوى دفعتنا في موضوع مهم زي هذا.

وجودكم ومساهمتكم مهمّة لنجاح الدراسة، فنطلب منكم تعبئة الاستبيان في أقرب وقت ممكن.

شكراً مقدمًا على دعمكم وتعاونكم.
https://docs.google.com/forms/d/e/1FAIpQLSdWXicVRwM7pAVZrosnDLPJ-N2c1VuVInEd8TjZkpUjLM5aQg/viewform

السلام عليكم

في نقطة ضروري نحكوا عليها شوية طبعا في قناة مفتوحة من بداية السنة وبإسم دفعتنا وينزلوا ويديروا في شغلهم كيف ما يحبوا ومش هذا موضوعنا

الفكرة ان الاخ صاحب القناة يلي مش عارفينه منو يحظر في الناس ويتعارك معاهم وفي منهم من يحساب ان نحن اصحاب القناة

بخصوص القنوات امتاعنا هنا ثلاث قنوات فقط وبالقروبات امتاعهن :

• القناة العامة : https://t.me/Human_medicine_batch_49
• قناة الجراحة : https://t.me/surgery49b
• قناة الباطنة : https://t.me/medicine49b

بالاضافة ان نحن يلي مستلمين القنوات اميلاتنا معروفات للجميع

حبينا انبهوا على النقطة هذي بحيث مايصيرش اي سوء تفاهم .. وموفقين جميعاً

اي خامسه بس جحيم الوعي بدأ من ثالثه

السلام عليكم

بخصوص القنوات الخاصة بالروتات ، القنوات يعتبرن عامة للجميع : ⬇️

• قناة الباطنة : https://t.me/medicine49b

• قناة الجراحة : https://t.me/surgery49b

بخصوص القروبات الخاصة بالروتات ، القروبات خاصة بطلبة الدفعة فقط وتم تغير الصور والاسم امتاع كل قروب بـ امتاع الروته الجديدة

موفقين

السلام عليكم

بإذن الله اول ما يكمل امتحان الجراحة حنغيروا اسماء القنوات والقروبات

مابين جراحة وباطنة وحنخلوهن هنا نفسهن بحكم ان فيهن طلبة الدفعة فقط

بخصوص القروبات الصغيرة ( امتاع كل مجموعة ) ؛ هذي حتكون بين طلبة كل مجموعة في حال انهم يبوا يديروا قروب مع بعضهم

موفقين

روتة الجراحة

اليوم تم الاستفسار من القسم في الجامعة بخصوص المقرر وتم التبليغ بأن لا يوجد مقرر

بمعنى ؛ انكم مطالبين بالمواضيع يلي تم تغطيتهن في محاضرات الكلينك في المستشفيات وبالنسبة للمجموعات يلي كان عندهم غياب من اعضاء التدريس فـ يقروا المواضيع من المرجع بشكل مباشر

النقطة اللخرة تم التبيلغ بأن الامتحان حيكون بسيط وبدون تعمق وحيكون شامل لـ مواضيع History & Examination

عدد اسئلة الامتحان 40 سؤال مقسمة كالتالي :

• GS : 20
• Urology : 10
• Ortho : 10

هذا الكلام يلي قدرنا نطلعوا بيه من القسم وانشالله ربي يوفقكم كلكم