الحديد كعب آخيل للخلايا السرطانية

وحده من اكبر المشاكل للعلاجات التقليدية لمرض السرطان هي الاثار الي تنتج عنها فهلعلاجات متقتل فقط الخلايا السرطانية وانما يمتد تأثيرها للخلايا السليمة هم.

فخلال السنوات الي راحت طور العلماء عدة علاجات للسرطان، لكن مشكلة هاي العلاجات هي انها تأثر على خلايا السليمة هم ؛

- العلاج الاشعاعي يكون فعال كلش بقتل الخلايا الي تنمو وتنقسم، ولكون الخلايا السرطانية تنقسم وتنمو بسرعة كبيرة فهي تعتبر اكثر الخلايا حساسية لهلعلاج لكن المشكلة هو انو هلعلاج هم يأثر على خلايا السليمة بالجسم.

- العلاجات المستهدفة للسرطان Targeted cancer treatments
هاي العلاجات تستهدف جزيئات مهمة لتكاثر وبقاء الخلية السرطانية مثل مستقبلات خاصة specific receptors او انزيمات، ولمدة سنوات درسوا العلماء وحددوا بعض الجزيئات الي ممكن استهدافها لقتل الخلايا السرطانية.
فمثلاً الانزيم MEK هو انزيم يتم التعبير عنه بشكل كبير بسرطانات البنكرياس والدم والرئة ووجود هلانزيم بكميات كبيرة يخلية الخلية السرطانية تتكأثر بشكل غير مسيطر عليه.
سبق وان طور العلماء علاج يستهدف هلانزيم اسمه cobimetinib وحصل على موافقة ال FDA يشتغل هلعلاج على تثبيط هلانزيم وبالتالي يبطئ من سرعة تكاثر الخلايا السرطانية.

لكن المشكلة هي ان انزيم MEK تعبر عنه خلايا لخ سليمة بالجسم مثلا خلايا الجلد (الي تجدد باستمرار) وخلايا شبكية العين (لتجديد المحاور العصبية neuronal axons) لذلك هلعلاج اله تأثر على هلخلايا وتأثير خطير.

ومو بس هيج المشكلة اللخ هي ان الخلايا السرطانية معدل الايض عدها كلش عالي وبالتالي يعني عدها انزيم MEK بكميات كبيرة لذلك تحتاج جرعات عالية من دوه cobimetinib حتى تتوقف، وهلجرعات العالية تعتبر سامة للخلايا السليمة.

#ادمان_الخلايا_السرطانية_للحديد

تحتاج الخلايا السرطانية الحديد اكثر من خلية لخ بالجسم، العلاقة بين الحديد والخلايا السرطانية مواضحة كلش لسه، لكن اكو دراسات سابقة اشارت الى ان الحديد كلش مهم لتكاثر ونسخ ال DNA للخلايا السرطانية وانظمة نقل الالكترونات وهم تحتاجه الانزيمات الي تعتمد بنشاطها على وجود الحديد.

لذلك الخلايا السرطانية تخزن الحديد بكمية كبيرة، فريق من العلماء من جامعة كاليفورنيا فكروا بطريقة يستفادون
من هلشي لصنع ادوية اكثر خصوصية لاستهداف الخلايا السرطانية، علاجات تكون نشطة بالبيئات الغنية بالحديد، وخاملة من تتفاعل ويا الخلايا السليمة.

لذلك طور العلماء علاج cobimetinib يكون نشط فقط بالبيئات الغنية بالحديد (iron activated cobimetinib) وجربوا على فئران مصابة بسرطان الرئة لكو ان هلعلاج جان فعال مثله مثل العلاج السابق ، وتأثيره على الخلايا السليمة كان اقل ب 10 اضعاف من السابق.

نجاح هلعلاج مهد الى انشاء شركة تجارية حتسعى لترخيص علاجها وبدء تجاربها السريرية على بشر خلال سنتين الى 3 سنوات وبعدين تسويقه.

الانظمة والتقنيات الي لسه اني حاجي عنها بهلقناة :

- CRISPR
- OMEGA
- FANZOR
- PRIME EDITING
- DRT2 SYSTEM

اما الموليكولار فلاتعد هواي.

وشغله لخ معندي البحث كامل لان منشور على مجلة science قبل اسبوع ومجلة science هي closed access يحتاج يمكن انتظر سنه ليتوفر مجاني.

تدري ان جسمك مقبرة للفيروسات ؟ تدري انو كل خلية من خلايا جسمك تحتوي على DNA بطول 180سم، ويتكون من 21 الف جين؟ لكن تدري انو 98% من هذا ال DNA هو noncoding ميشفر لاي بروتين وكان يُعتقد لوقت طويل انه بلا اهمية، لكن بدينا نغير رأينه بالسنوات الاخيره. اذا مجنت…

ال dark DNA هو عباره عن تسلسل من DNA مخفي. بعلم الاحياء التطوري العلماء يدرسون جينيوم الانواع المختلفه ويقارنون بينهم ليعرفون الجينيات الي تؤدي لصفات معينه ويعرفون مدى قرب الانواع من بعضها ومن شوكت انفصلت عن بعضها. حسب الدراسات لكو ان الكائن الحي ممكن يفقد…

كمية المعلومات بال DNA مالتك. تخزن المعلومات الوراثية للكائن الحي بال DNA مالته، ال DNA مكون من 23 زوج من الكروموسومات زوج منهم جنسيات يكون اما X او Y و ال22 زوج البقية جسميات. ال DNA يكون بشكل خيطين ملتفين حول بعضهم، ويتم ترميز المعلومات الوراثية بالDNA…

تحديث جديد

متلازمة ريبيكا Rebecca syndrome
سنة 1938 انشرت رواية جانت بعنوان "ريبيكا" تحجي عن بنية شابة تتزوج من رجل ارمل ثري ولكن كانت تعاني من مشكله ان كل اهله والمجتمع كانوا يتذكرون ويحترمون زوجته الاولى بشكل مبالغ بيه.

اشتق مصطلح متلازمة ريبيكا من هلقصة الخيالية واستخدم لاول مره بالقرن الي راح لوصف معانات زوجات الرجال الارامل من المجتمع والعائله الي تبقى تذكر زوجته الاولى.

اليوم بعصرنا هلمصطلح صار يوصف الغيرة المرضية الي يحس بيها الشخص على حبيبه من علاقات حبيبه السابقه (اكسات حبيبه).

الاشخاص الي يعانون من متلازمة ريبيكا يصير عدهم هوس مرضي بحيث يرجعون يبحوشون بعلاقات حبيبهم او خطيبهم او حتى زوجهم ويبدون يغارون عليها من اشخاص جان وياهم بعلاقات سابقه بدون اي مبرر عقلاني للغيرة.

الشخص الي يعاني من متلازمة ريبيكا احياناً يوصل لمرحله يبدي يقلل من احترام ذاته عن طريق مقارنة نفسه ويا اكس حبيبه السابق، ويبدي يحس بشعور انو حبيبه ممكن يكون "تنازل" وارتبط بيه، وان اكسه حان اكثر ذكاء منه او احلى او افضل وهلشي بالنهاية يؤدي الى ان شريكه حيبدي يحس بهلشي هم.

ممكن يوصل الامر بالي يعاني من متلازمة ريبيكا ان يبدي يراقب حبيبه ويقره رسائله ليتأكد انو مديتواصل ويا الاكس، ويحاول يعزله ويبعده عن الناس ويكون عده شك وغيره كبيره لدرجه يبدي يعتقد انو الاكس يمثل تهديد اله.

شنو الي يخلي شخص يغار من علاقة انتهت؟

بالحقيقة اسبابها ممكن تختلف باختلاف الشخص لكن اكو عوامل مستركه بين كل الي يعانون من متلازمة ريبيكا وهي انو احترامهم لذاتهم قليل وثقتهم بنفسهم ضعيفه وهلشي يخلي يحس بانه قابل للاستبدال باي لحظة.

هلنوع من الارتباطات يسمو علماء النفس التعلق غير الامن insecure attachment والي بيه الشخص يكون داخل علاقه مليانه غيره وخوف وعدم يقين من انو يتم استبداله، لذلك يبدي يبحث بماضي شريكه ليشوف شنو الاسباب الي خلت علاقاته السابقه تفشل ليجنبها لكن المشكله هلشي يصير هوس لدرجه يؤدي فعلا لفشل علاقته نفسها.

هل متلازمة ريبيكا شائعه بالوقت الحاضر؟

على الرغم من ان متلازمة ريبيكا هي قديمه كلش لكن حالياً صارت شائعه بشكل اكبر من قبل.

حاليا اغلب البشر اكثر احتمال ان يكون عدهم علاقات سابقه من اجداهم، بالوقت الحالي وثورة الانترنت ومواقع التواصل صار من السهولة انك تدخل علاقة او علاقات سابقه قبل ان ترتبط بشكل فعلي.
قبل هلشي جان صعب وقليل ممكن يصير بسبب محدودية الدائرة اللجتماعيه المحيطه بيك.

الشغله اللخ حاليا وجود مواقع التواصل صار يخلي من السهولة على الاشخاص ان يرجع يتبع ارتباطات او علاقات حبيبه السابقه عن طريق تصفح حساباته، قبل جان كل الذكريات الي ممكن تحتفظ بيها عن علاقاتك السابقه ماتجاوز رسائل ورقه او صور والي بمجرد تتخلص منها محيبقى اي دليل على اي علاقه سابقه.

شنو تسوي لو كنت تعاني من متلازمة ريبيكا؟

الخبر السعيد تكدر تتخلص من هلمتلازمة وتحافظ على علاقة صحيه، لكن هلشي حيطلب منك تبذل شوي جهد نفسي.

اول خطوة لتتخلص من هلمتلازمة هو انك تعترف انك دتعاني هلشي وديأثر عليك، واسال نفسك هو انت ليش فعلاً دتحس هيج ؟
حاول تكون صريح ويا نفسك وتحدد سبب المشكله لتعرف تحله.

الشغلة اللخ تواصل ويا شريكك كون صادق ويا بكلشي يخص شعورك لا تحاول تكتم وتجمع معلومات وتكمل الفراغات براسك وتبني قصة ممكن تكون من وحي خيالك فقط ومالها اي اساس حقيقي.

واخير شي بربك عوف صفحاته وماضيه عيش ويا الحاصر والمستقبل، مالحك حق تفتش بماضيه وتساله وتحاسبه عن اشياء انت مجنت ضمن حياته بيها.

نتائج ال western blotting