@saliiiiiig

اهنک صابر که خیلی دوست داری موزیک

@saliiiiiig

قوربان اولوم آللاها
دونیانی سیر یاراتدی
هر شئیی جوت یارادان
اوزونو بیر یاراتدی
@saliiiiiig
اوپوشنده سو،تورپاق
گول آچیر دوداق-دوداق
سئوه نی سونمز اوجاق
سئوگینی پیر یاراتدی

سئویندی جانلی،جانسیز
هئچ کس قالمادی یالقیز
تانری سنی گوزل قیز
منی شاعیر یاراتدی

تقدیـ❤️ـــــم اولسون
     شیرـ❤️ـین پاڬ 
          دولومهر❤️بون سیز
               عزیـــ❤️ــــزیز لره

@saliiiiiig

تورکون دیلی تک سئوگیلی ایستکلی دیل اولماز
اؤزگه دیله قاتسان بو اصیل دیل اصیل اولماز

اؤز شعرینی فارسا،عربه قاتماسا شاعیر
شعری اوخویانلار،ائشیدنلر کسیل اولماز

فارس شاعیری چوخ سؤزلرینی بیزدن آپارمیش
صابیر کیمی بیر سوفره‌لی شاعیر پخیل اولماز

تورکون مثلی،فولکلوری دونیادا تک‌دیر
خان یورقانی کند ایچره مثل‌دیر میتیل اولماز

آذر قوشونی قیصر رومی اسیر ائتمیش
کسری سؤزودور بیر بئله تاریخ ناغیل اولماز

پیشمیش کیمی شعرینده گرک داد دوزو اولسون
کند اهلی بیلرلر کی دوشابسیز خشیل اولماز

سؤزلرده جواهیر کیمی‌دیر اصلی بدل‌دن
تشخیص وئرن اولسا بو قدر زیر-زیبیل اولماز

شاعیر اولا بیلمزسن آنان دوغماسا شاعیر
میس‌سن آبالام!هر ساری کؤینک قیزیل اولماز

چوخ قیسسا بوی اولسان اولوسان جین کیمی شئیطان
چوق‌دا اوزون اولما کی اوزوندا عاغیل اولماز

مندن‌ده نه ظالیم چیخار اوغلوم،نه قیصاص‌چی
بیر دفعه بونی قان کی ایپکدن قیزیل اولماز

آزاد قوی اوغول عشقی طبیعتده بؤلونسون
داغ داشدا دوغولموش دَلی جیران حمیل اولماز

اینسان اودی دوتسون بو ذلیل خلقین الیندن
آللاهی سئورسن بئله اینسان ذلیل اولماز

چوق‌دا کی سرابین سویی وار یاغ بالی واردیر
باش عرشه‌ده چاتدیرسا سراب اردبیل اولماز

میللت غمی اولسا بو جوجوقلار چؤپه دؤنمز
اربابلاریمیزدان‌دا قارینلار طبیل اولماز

دوز واختا دولار تاختا طاباق ادویه‌ایله
اوندا کی ننه‌م سانجیلانار زنجبیل اولماز

بو"شهریار"ین طبعی کیمی چیممه‌لی چشمه
کوثر اولا بیلسه دئمیرم سلسبیل اولماز

محمدحسین شهریار @saliiiiiig

بو گئجه حسرتے قلبیمده دارا چڪمه لییم
غملرین باغرینا دینمئز بے یارا چڪمه لییم

بو گئجه سیلمه لیم گٶزده کی آرپا چایینی
تازادان خان چوبانا بیرده سارا چڪمه لییم
بو گئجه یازمالیام سئوگیه مین لرجه غزل
آیریلیق،هیجرانے من باختے قارا چڪمه لییم

بو گئجه پوزمالیام قایداسینے زیل و بمـین
سئوگے نین ماهنیسینی کٶهنه تارا چڪمه لییم
بو گئجه سولمویاجاق یاپراقے هئچ بیر چیچه یین
خزانین یئللرے اسدیکجه خارا چڪمه لییم

بو گئجه رسّام اولوب دونیانے عاشیق چڪه رم
کوسمه یے،اینجیمه یے،پارام پارا چڪمه لییم
بو گئجه عاشقیه معشوقون ائوے منزیل اولور
گٶره سن نرگیزی مسکن سیز هارا چڪمه لییم?
@saliiiiiig

@saliiiiiig

ماه رخسارینه باخدیم  دئدیم ای جاندی گَلیر
بیرقوجاق گول قوجاقیندا منه مهماندی گلیر

اُوخشادابیلمه دیم آیدی یاکی اولدوزدو گَلن
عشق سئویداسی باشیمدا منه جاناندی گَلیر

گُوزلری بیرقُوزوجئیران باخیشی جانیم آلیر
باخیشی گورنه گوزه ل گوزلری  جئیراندی  گَلیر

تازه بیرغنچه آچیب لبلری خنداندی گولور
دینیمی اَلدن آلیب وئرمه گه ایماندی    گَلیر

تئللرین بادصبا گُورنئجه یایدیردی اؤزه
من دئدیم بس هُورولوب زلفی پریشاندی گَلیر
@saliiiiiig