? O'zbekiston Paralimpiya sport o'yinlari bo'yicha dunyoda umumiy hisobda 9-o'ringa chiqib olibdi. Bizda hozir 3 ta oltin bor. Hali yana ko'payishi mumkin.

UPD. Yuqorida yengil atletika bo'yicha medallar reytingi ko'rsatilgan ekan. Oldin umumiy hisobda 2-o'rin deyotgan edim. Biroz adashibman (Google`da "Paralimpiada yengil atletika" deb qidiruv bergan ekanman).

@ThePerfectionist

Kimdir:
Kitoblarda hadeb New York Times yo boshqa chet el gazetalarining maqtovlarini chiqaravermay o’zimizdan ham e’tiroflar qo’shing.

Men:
Aha, xo’p.

Yangi chiqqan kitob muqovasida:

“Voy enasini, bunaqa kitob hali bo’lmagan”
Qashqadaryo Times

“Ajjayib”
Andijon Review

“Dim yaxshi”
Xorazm Chronicles

“Solnechniyda zo’r ketsin iloyim”
Toshkent Daily

?

$DOGS listing bo'ldi. Nima qilishni bilasizlar ?

(Botga kirasiz, wallet'ingizni yozasiz va kriptovalyutani chiqarib olasiz)

@ThePerfectionist

Hamma zugllar bugl hisoblanadi. Siz buglni koʻrdingiz. U zuglmi?
Hech narsani tushunmadingizmi? Oddiyroq shaklda aytaman:

Hamma "A" "B" hisoblanadi. Siz "B"ni koʻrdingiz. U "A"mi?

Ushbu mantiqiy shaklga misol keltiraman: Deyarli hamma terrorchilar — musulmonlar. Siz musulmonni koʻrdingiz. U terrorchimi?
Menimcha, tushundingiz. Bu yerdagi "Deyarli hamma terrorchilar — musulmonlar" degan gapni aksariyat odamlar "Hamma musulmonlar terrorchi ekan" shaklida talqin qiladi. (va bu xato). Bu yerda esa shunchaki soʻzlar oʻrni almashtirilgan. Bizning xulosa chiqarish mexanizmimiz matn biroz oʻzgartirilganda "tarsaki yeydi".

Demak, hamma zugllar bugl boʻlishi mumkin. Ammo hamma bugllar ham zugl emas. Deyarli hamma terrorchilar musulmon ekani aniq. Lekin siz biror musulmonni koʻrganingizda uning terrorchi boʻlib chiqishi ehtimoli qancha? Hamma musulmon terrorchi emas.

Boshqa bitta misol: Hamma IELTS sertifikatini olganlar ingliz tilini biladi. Siz ingliz tilini biladigan odamni koʻrdingiz. U IELTS sertifikati olganmi?

Jon Styuart Milldan misol: Men hech ham konservatorlarni odatda ahmoq boʻladi, demoqchi emasdim. Men ahmoq odamlar odatda konservator boʻladi, demoqchi edim.

Tushunmagan boʻlsangiz, qaytadan oʻqib chiqing.

Notcoin — Afrikadagi eng mashhur kriptovalyutaga aylanibdi. Hatto Bitcoinni ham ortda qoldirgan.

Demak, Telegram afrika xalqlari orasida ham mashhur ekan.

@ThePerfectionist

Biz yashayotgan zamonlar qanchalik notinch ekanligini ko'rish uchun birjadagi oltin narxiga boqing. Biz yashayotgan zamonda taraqqiyotning shiddatini tushunish uchun esa 20 yil oldingi hayotimizga, undagi texnologiyalarga boqing.

Dunyoni turli burchaklarida urushlar ketyapti. Lekin shunda ham zamonimiz tarixdagi har qanday davrdagidan tinchroq. Shunchaki aqlimizga sig'dira olmaydigan narsa — insoniyat qirg'inbarot janglar, ikkita jahon urushi, genotsidlar, epidemiyalar va shu kabi daxshatli voqealarni boshdan o'tkazgandan keyin ham butkul tinch yashay olmayapti. Har qachongidan ham rivojlangan zamonda ham odamlarning tabiati o'zgarmas ekan.

Lekin, yangiliklar, tarmoqlardagi videolar bizga qanchalik xunuk holatlarni ko'rsatmasin — umumiy ahvol oldingidan yaxshi. Shunchaki biz oldin bu daxshatlardan bexabar edik. Shuning uchun ham odamlar o'zini nisbatan baxtli his qilardi.

Lekin eng tahlikali tomoni, odamzod oldinlari bitta yoki ikkita inson harakatiga bog'liq holda xavf ostida qolmagan. Ya'ni butun insoniyat taqdiri hozirgidek ozchilikni qo'lida bo'lmagan. Balki shuni tushunganimiz uchun ham tushkunlikda yursak kerak.

@ThePerfectionist

Dushanba

Go'yoki haftaning oddiy bir kunidek, ammo boshqalariga qaraganda ancha og'irroq o'tadi. Har dushanba "nimanidir noto'g'ri qilyapmanmi?" deb o'ylab qoladi odam.

Bolaligimizdan biz turli manbalarda "agar o'zing sevadigan ish bilan shug'ullansang, ishlayotgandek bo'lmaysan, o'zing sevgan ishni qil" degan so'zlarni o'qib, eshitib kelganmiz. Shunga ishonganmiz. Ammo hammasi ham biz o'ylaganchalik oddiy emas. Birinchidan, shug'ullanayotgan ishingiz sizga moliyaviy erkinlik olib kelmasa, ish siz uchun qanchalik yoqimli va sevimli bo'lmasin, siz o'zingizni baxtli his qilmaysiz. Boshqa ishlar bilan ham shug'ullanishga majbur bo'lasiz.

Boshqa ishlar bilan ham shug'ullanish, ko'proq pul topish ilinji — sizdagi bor vaqtni olib qo'yadi. O'zingiz uchun vaqtning qolmasligi esa — sizdagi bor "baxt uchqunlarini" sug'urib oladi. Bu bilan, bir tomondan moliyaviy erkinlikka erishasiz, lekin o'zingizni unchalik baxtli his qilmaysiz. Chunki doimo bandsiz.

Ikkinchi tomondan agar shunday qilib, moliyaviy erkinlikka erishilmasa, aytaylik o'zingizga ko'p vaqt ajrata boshlasangiz — sizda qandaydir baxt uchqunlari paydo bo'la boshlaydi — ammo vaqti-vaqti bilan moliyaviy tomondan siqilib turadigan bo'lib qolasiz. Bu huddi surunkali kasalga o'xshaydi — vaqt-vaqti bilan "kasal xuruj qilib qoladi".

Xo'sh, hamma gap balansda. Baxtli bo'lish uchun odamga ham pul kerak, ham o'zi uchun vaqt kerak. Hamma gap mana shu balansga erisha olishda.

@ThePerfectionist

O'zbekcha baxtli hayot falsafasi

Bilsangiz kerak, har bir xalqning o'ziga yarasha baxtli va xotirjam hayot falsafasi mavjud. Masalan daniyaliklarda "xyugge" bor, shvedlarda "lagom", yaponlarda "ikigai" va "vabi-sabi" bor.

Ko'pchilik bilmasligi mumkin, ammo bulardan tashqari, finlarda "sisu" va "kalsarikyanni", shotlandlarda "kuri" (coorie), gavayiliklarda "xooponopono", koreyslarda "palli-palli" tushunchalari mavjud.

Xo'sh, "xyugge" ildizida "qulaylik", "oddiy narsalarga quvonish" yotadi. "Lagom"da esa asosiysi "muvozanat" va "ortiqcha narsalardan voz kechish". "Ikigai" — biroz kengroq mazmunga ega, asosan uzoq hayot kechirish falsafasini va "hozir va shu yerda yashash"ni o'rgatadi. "Vabi-sabi" ko'proq tabiat bilan hamohang bo'lish haqida. "Palli-palli"ni "qani-qani", "tez-tez" deb tarjima qilish mumkin. Koreyslarga juda mos so'zlar. Ko'proq mehnat qilishga undaydigandek. "Xooponopono" esa ichki xotirjamlik va garmoniyaga erishish haqida. Gavayiliklar tashqi dunyo va ichki dunyo bilan chambarchas bog'liq deb hisoblashadi. "Kuri", ya'ni shotlandcha baxtli hayotni esa baxtiyorlik hissini uyg'otuvchi kichik narsalar, yumushlar va bayramlar, urf-odatlar jamlanmasi deyish mumkin. "Sisu" esa noqulayliklarni (diskomfort) qulayliklarga aylantirish falsafasi sanaladi.

O'zi mana shu xalqlarga e'tibor qilsangiz, ular rostan ham boshqa xalqlardan ajralib turishadi, ko'pchilik xalqlar ularga havas ham qilishadi. Balki "o'zbekcha baxtli hayot falsafasi"ni ham ishlab chiqish kerakdir? Boshqa xalqlarda biz haqimizda baxt haqida qandaydir assotsiatsiya hosil qilish uchun, masalan. Mayli, biroz kulguli eshitilsa ham.

Nima deb o'ylaysiz, agar o'zbekcha baxt falsafasi mavjud bo'lganida, u qanday nomlangan bo'lardi? "Choyxona"? "Orzu-havas"? "Qani-qani"? Va buning asosini nima tashkil qilgan bo'lardi deb o'ylaysiz?

@Bookerberg

25-mart — Xalqaro prokrastinatorlar kuni ekan. Barchangizni tabriklayman!

Perfeksionist nima, prokrastinator nima... Ikkalasi ham bir go'r...

@ThePerfectionist