انتَ من تضحَك ..
گناطِر حِزني تمليها النَوارس
والوَرد بعيوني يلتَم ..
انتَ من تضحَك حَبيبي الوَطن ينشَم

أضحَك بهيدَه، أرد أعيش ..
لا تِخلّي الحزِن يتشَلبه إعلَه گلبي ..
ولا تِگلّي بدوني عيش ..
ياحَبيبي ..
ضلوعي خَشّنها الحزِن، لاگيني ريش ..

دوّر بشامات خَدّك تلگَه روحي ..
ودوّر بروحي شتحِب تِلگاك انتَ ..
ولا أتعّب بالَك شتِحچي وأحبَّك ..
حابَّك سَنتين سَكتة ..!

حَسن علي الغالبي

الشَمس لمّت ظفايرها
ومِشى بدمّي البَرد،
خطوَة نَبي إعله الماي
خطوَة خيل مذعورة ..
وخَذتني جدامي يَم شبّاچ
أنا بدونه ضوَه بصورَة ..
لگيَت إعلَه الوَفر مَرسوم
نص عَيني وتراچي ثنين
هِمَست إلهِن
دِفَن ..
لِمعَن ..
وگالَن راح ..
ما تانيتني بشَمعة وَره الشِبّاچ ؟!

حَسن علي الغالبي

تگدَر تاخذَك مِنّي ؟
ضَل هناك، بس كِلّك ..

ما اريد افتَح الكَنتور
والگَه ضلوعَك بقُمصاني التحبهِن ..
ما اريد أغمِض عيوني
وأذكرَك وانتَ ترسمهِن ..

ما اريد أسمَع أغنيّة وتِجي إبّبالي ..!

حَسن علي الغالبي

ما مَيّت، و اريد أرثِيـك ..

كُونِي عَلَى جُنْحِ السَماءِ ثُريَّةً
أَضفي عَلَى طَرَفِ السَحابَةِ رَوْنَقُ

فِي وَجْهكِ لَوْنًا غَريبًا دافِئاً
مِثْل إنعِكاسِ الشَمْسِ فَوْق الشَرنَقُ

وَعُرُوقَ كَفّكِ بِالجَمَال كَأنَّما
جَذْر بجَذرٍ في التُرَابِ يُعانِقُ ..!

حَسن علي الغالبي

عيونَك، والتَعب يگضي ..

آنا الكارِه الدِنيا، وبَعدني أهواك ..

حزِن كل العِراق ينامْ بَضلوعي، وبَعدني أهواك ..

لا تشتاگلي، إتعنّه ..