https://chrikaykurd.com/ck/track/2802

چریکەی کورد

نایلۆنە | محەمەد ماملێ

چریکەی کورد: ئەرشیڤی هۆنراوە و گۆرانیی کوردی بە دەقەوە

گریا گوڵێ بۆ گوڵاو سەر ئاگر نریا
ئەم بۆن و بەرامەیەم نەبووبا بریا
نرخی هونەر و جوانییە دەیبا گەردوون
کێ پێکەنی جارێکی، هەزار جار گریا

ئەو ڕۆژە خودا سانی گیانی ڕانا
دەیزانی بە کردەوەم خودایە و زانا
هەر خۆیەتی دایناوە هەڵە و سەرپێچیم
سووتانی جەهەننەمی لەبەر چی دانا!؟

گۆیا لە جەهەندەمن ئەویندار و مەست
بەم واتەیە پێکەنیم و گوستی خۆم گەست
جێی چەن کەری کوڵکنە ئەگەر وا بێ بەهەشت
یان چۆڵ و بیابان و کپە وەک لەپی دەست

گیانە هاتوومە جیهان چم بە چ کرد؟
تێگەی هیچ
هەر بنج و بنەوانی جیهان دەرخەی
هیچ
ڕووناکیدەرم شەمم کە فووم لێ کەی
هیچ
نەینووکی دەسی جەمم لە بەردم دەی
هیچ

مەڕۆ مەڕۆ ئەسمەر مەڕۆ مەڕۆ بمدوێنە

مەڕۆ مەڕۆ ئەسمەر مەڕۆ بمێنە مەڕۆ
دەدا لە گۆنات باوانم گەرمای نیوەڕۆ

مەڕۆ مەڕۆ ئەسمەر مەڕۆ مەڕۆ بمدوێنە
شێتی ئەو چاوە جوانەتم دڵم مەشکێنە

دیسان هەڵیان دا باوانم سێدارە بۆ من
یارم دەیفەرموو ئەی هاوار بیبەخشن بە من
مەڕۆ مەڕۆ ئەسمەر مەڕۆ مەڕۆ بمدوێنە
شێتی ئەو چاوە جوانەتم دڵم مەشکێنە

#ناسر_ڕەزازی
هۆنراوەی مەقام: #هەژار (چوارینەکانی خەییام)

✨?✨
@chrikay_kurd
✨✨✨
CHRIKAYKURD.com
✨?✨

https://chrikaykurd.com/ck/track/2800

چریکەی کورد

لای لایە | بەهجەت یەحیا

چریکەی کورد: ئەرشیڤی هۆنراوە و گۆرانیی کوردی بە دەقەوە

لەکم هەر چۊ ڕووسەمم
پابەن ڤە عشق دووسەمم
زۆڵێخایش عاشقم بوو
من هەر عاشق دووسەمم

کوردەوای دەوا جەنگیم
عاشق تفەنگ و شەنگیم
ڕەفیقیمان بی منەت
ئیمە برا ڕووژ تەنگیم
لەکم هەر چۊ ڕووسەمم
پابەن ڤە عشق دووسەمم
زۆڵێخایش عاشقم بوو
من هەر عاشق دووسەمم

خودا ڤیرتە لەکا بوو
نەیل ک لەک ئێ یەکا بوو
دەسد بێە ڤە باڵمانەو
تا ڤیرمانە یەکەو بوو
لەکم هەر چۊ ڕووسەمم
پابەن ڤە عشق دووسەمم
زۆڵێخایش عاشقم بوو
من هەر عاشق دووسەمم

#ڕووسەم
#هدایەت_قادری

✨?✨
@chrikay_kurd
✨✨✨
CHRIKAYKURD.com
✨?✨

تۆ بەڵێنیم پێ بدە تا من بەرەو ژوان ببمەوە
بمدەیە ماچێکی تەڕ لەو لێوە، با جوان ببمەوە

دەستی لەرزۆکم هەتا تێیدایە هێزی بەی گوشین
لێم گەڕێ تاوێ لە باخی سینە میوان ببمەوە

شەنگەبێری بسڕەوە فرمێسکی بێ شوانی ئیتر
ڕەنگە هێشتێ لەو چیا و زۆزانە بۆ شوان ببمەوە

لە بن هەر بەردێ هەر ڕاهگوزارێ
فرمێسکی دیدەم بە خوڕ دەبارێ
نە شەوم خەوە نە ڕۆژ دڵشادم
چاوە جوانەکەت دێتەوە یادم
دەڵێ من بۆیە شیرینە ناوم
بە گاڵتە زۆر کەس کەوتووەتە داوم

شێخی سەنعان بۆ کچی گاور لە ئیسلام وەرگەڕا
من خەریکم بۆ کچە شێخێ پەژیوان ببمەوە

#تۆ_بەڵێنیم_پێ_بدە
#محەمەد_ماملێ

✨?✨
@chrikay_kurd
✨✨✨
CHRIKAYKURD.com
✨?✨

هەوری ڕەشی غەم هەوری ڕەشی غەم
تۆ ڕەشت پۆشی ئەمنیش باری غەم
دەبا هەر دووکمان بە دڵی پڕ ماتەم
دلۆ دلۆ
من لە زەمین ئاو تۆ لە ئاسمان تەم

من بە ناڵەناڵ لە ئێشی دەردم
دەبا بێتە دەر هەناسەی سەردم
من بە ناڵەناڵ لە ئێشی دەردم
دلۆ دلۆ
دەبا بێتە دەر هەناسەی سەردم
هەوری ڕەشی غەم هەوری ڕەشی غەم
تۆ ڕەشت پۆشی ئەمنیش باری غەم

زۆر لێت دوورم
ڕاستە گیانە
دڵ پڕجۆشم بۆت پەرۆشم
جەستەم وەک چاو لە گریانە
لە نێو شارێکی خامۆشم

ئەوشەو شەوێکە شەوی دووانە
ئەڵڵا یاری من لە کوێ مێوانە
دلۆ دلۆ
داخوا قیبلەکەم لە کوێ مێوانە
هەوری ڕەشی غەم هەوری ڕەشی غەم
تۆ ڕەشت پۆشی ئەمنیش باری غەم
دەبا هەر دووکمان بە دڵی پڕ ماتەم
وەرە وەرە
من لە زەمین ئاو تۆ لە ئاسمان تەم

#هەوری_ڕەشی_غەم
#جەلال_سەعید

✨?✨
@chrikay_kurd
✨✨✨
CHRIKAYKURD.com
✨?✨

https://chrikaykurd.com/ck/track/2797

چریکەی کورد

بۆچی دەڕۆی بەجێم دێڵی | جەلال سەعید

چریکەی کورد: ئەرشیڤی هۆنراوە و گۆرانیی کوردی بە دەقەوە

https://chrikaykurd.com/ck/track/2795

چریکەی کورد

بۆچی دەگری | جەلال سەعید

چریکەی کورد: ئەرشیڤی هۆنراوە و گۆرانیی کوردی بە دەقەوە