طارم بمعناة العسل

ألـعـگل شـت أبـجـمـالـه طار مـنّـی

وبقـصْـةْ ألشوگ جایـب طاری منی

أخـذ نـاده أبـحـلاتـی طـارم مـنّـی

شـهـی وألـدبـگ أصـبـح چـود بـیه

✍️عـلــی ألـچـمّـالـی

سر مخفي بحزنها حاجباها
وخط الطول يمكن حاجباها
خاف عليها ابوها حجباها
شمس وتحجبت شيصير بيه

بتوالي ليل روحي لاجت الكم
احضنوها خطيه لاجت الكم
عزيزه الدمعه لاكن لاجت الكم
امسحوها بردنكم عاد اليه

يلاهي بعينك الوسعه متالي
تصد والردته يكفيني متالي
ادلل واتعب وتالي متالي
ضحكله المو شريف وخان بيه

دمع بالليل اكتله وضحى اكتله
وملة شروطه المكذل واضحة كتلة
بممات امي ضحكلي واضحكتله
فكيف بعرس اخوي وجاي لية

ما أدري بظعن ولفي شتا وين
اون وصاحت الوادم شتاوين
جفاني ومر على فراگه شتاوين
وأظن الثالث يغربون بية

بهت لوني ارد اموتن وانتَ لوني
شيفيد إن جوّدوني وإن تلوني
بالانعاش أنة ميّت وأنتلوني
أستقر نبضي لمن جابوك الية

أمك واجب نروحلها نسلها
عينك ريم لو شنهو نسلها
خلگها بقصد ماظنّه نسلها
كحل وبلا كحل عمّت علية

ألك شمسين تحت الثوب يدْون
شمجيسنهن يذوبن عضم ادية