РАСМИЙ_МУНОСАБАТ.

#обуначиларимиздан- #таҳрирсиз сарлавҳаси билан #BASTION# каналида эълон қилинган мурожаатда:

💫Тошкент тиббиёт академиясининг 6 босқич талабалари “ССВнинг 124 буйруғи билан амалиёт ўташ учун ўз вилоятига юборилиши кераклиги, аммо сессия тугамасдан қарздор талабалар фан имтиҳонларини ёпишга мажбурланаётгани ҳақида ёзилган. Мазкур мурожаат юзасидан Тошкент тиббиёт академияси маъмурияти қуйидагиларни маълум қилади.
Ўзбекистон Республикаси Президентининг “Қашқадарё вилоятида аҳоли саломатлигини муҳофаза қилиш ҳамда соғлиқни сақлаш тизимини янги босқичга кўтариш чора-тадбирлари” тўғрисидаги 2024-йил 9-февралдаги 67-сон қарори ва Соғлиқни сақлаш вазирининг “Давлат тиббиёт муассасаларини кадрлар билан та’минлаш тизимини такомиллаштириш” тўғрисидаги 2024-йил 09-апрелдаги 124-сон буйруғи ҳамда Тошкент тиббиёт академиясининг 2024-йил 11-ноябрдаги 815-сонли буйруғига асосан Тошкент тиббиёт академияси битирувчи босқич талабалари доимий яшаш жойларидаги бирламчи тиббий-санитария ёрдами муассасаларида амалиёт ўташи учун юборилган;

💫Битирувчи босқич талабаларини амалиёт ўташини самарали ташкил этиш мақсадида режадаги ма’руза ва ўқув машғулотлари МООДЛЕ.ТМА.УЗ. тизимида 12:00 дан бошлаб масофавий шаклда олиб борилмоқда.
Назарий қисмининг видео ёзувлари сақлаб борилишини та’минлаш мақсадида: ўқув машғулотлари давомида талабаларга амалиёт ўташ даврида учрайдиган мураккаб клиник вазиятлар, ташхис қўйиш, даволаш масалалари бўйича муҳокама ва тавсиялар берилади.
💫Битирувчи босқич талабаларининг қолдирилган дарслари, оралиқ ва якуний назоратларини қабул қилиш ҳам белгиланган режага асосан
МООDLЕ.ТМА.UZ. тизимида қабул қилинмоқда.
Айни кунда битирувчи талабалар амалиётни белгиланган манзилларда ўтаётганини маълум қиламиз.

✍ТТА МАТБУОТ ХИЗМАТИ.

https://t.me/tma_official

#СМИ_О_НАС

https://t.me/tma_official